Hello Mithila

मधुबनी जिला के बिस्फी मे आईटीआई खुलि गेल.  एकर उद्घाटन मानव संसाधन विकास मंत्री हरिनारायण सिंह जी कएलखिन्ह.  एहि ठाम 6 ट्रेडक पढ़ाई होएत... प्रशिक्षण देल जाएत.   मंत्री जीक कहनाय छलन्हि जे दु साल के भीतर राज्य के सभ सव-डिवीजन मे आईटीआई खोलि देल जाएत.   हुनकर इहो कहनाय छलन्हि जे दु साल के अंदर राज्य केर पांच सय हाई स्कूल मे इंटर तक पढ़ाई केर व्यवस्था कए देल जाएत.  अखन जेहि हाई स्कूल मे प्लस टू तक के पढ़ाई नहिं होएत अछि ओहिठाम प्लस टू केर पढ़ाई शुरू कए देल जाएत.  ओना 1168 टा हाईस्कूल मे इंटर के पढ़ाई शुरू करि देल गेल अछि... ओहि हाई स्कूल के इंटर कॉलेज मे बदलि देल गेल अछि.  एहि के लेल ओहि कॉलेज सभ के  करीब 75 लाख रुपया सेहो देल गेल अछि.  मानव संसाधन मंत्री जी कहलखिन्ह जे सरकार चाहैत अछि बिहारी युवक के  अपनहिं एहिठाम रोजगार के अवसर मिलय.  काज के लेल बाहर नहिं जाए पड़य. रोजगार उपलब्ध कराबय लेल सरकार पूरा कोशिश करि रहल अछि.  एहि लेल सरकार केंद्र सरकार के पास 250 आईटीआई खोलय के प्रस्ताव भेजलक अछि.  एतबा नहिं निजी क्षेत्र के सेहो 40 टा आईटीआई खोलय के मंजूरी देल गेल अछि.   तकनीकी शिक्षा केर विक...

      कोसीक बाढ़ि सं प्रभावित इलाका मे बोर्ड के परीक्षा देबय वाला विद्यार्थी सं कोनो परीक्षा फीस नहिं लेल जाएत. परीक्षा फॉर्म भरय के लेल... रजिस्ट्रेशन फीस केर नाम पर विद्यार्थी सं मात्र एक रुपया लेल जाएत.  बिहार विद्यालय परीक्षा बोर्ड के अनुसार अगिला साल होए वाला दसवीं आओर  बारहवीं के बोर्ड परीक्षा के लेल ई छूट देल गेल अछि.  ओना बारहवीं (इंटर ) के परीक्षा के लेल फॉर्म भराय 850 रुपया... आओर दसवीं (मैट्रिक ) के लेल फॉर्म भराय 650 रुपया लेल जाएत अछि . एहि सं सरकार के करीब दस करोड़ रुपया के नुकसान अछि.  मुदा लोक कल्याण के लेल ई सरकार के नीक कदम अछि.  बोर्ड ई कदम मुख्यमंत्री नीतीश कुमार जी के आग्रह पर उठयलक अछि.  ई छूट कोसीक बाढ़ि सं प्रभावित सिर्फ 6 जिला केर विद्यार्थी के मिलत.   ई जिला अछि सहरसा... पूर्णिया...  मधेपुरा... सुपौल... अररिया आओर कटिहार.  बिहार विद्यालय परीक्षा बोर्ड  के एहि कदम सं इलाका के करीब डेढ़ लाख विद्यार्थी के फायदा होएत.  मुदा फीस नहिं लागत एकर मतलब फॉर्म नहिं भरनाय नहिं अछि.  विद्यार्थी के फॉर्म भरनाय जरूरी अछि आओर एहि फॉर्म के लेल सिर्फ एक रुपया लागत.  एहि  फॉर्म भ...

आई 29 अक्तूबर के दिल्ली के सरिता विहार मे मैथिल लोकक एकटा बैसार भेल. ई बैसार अंतरराष्ट्रीय मैथिली परिषद के डॉ धनाकर ठाकुर जी केर अध्यक्षता मे भेल. एहि मे सभ क्षेत्र सं जुड़ल लोक अएलाह. नीक गप्प ई भेल जे बैसार काली पूजा केर पंडाल मे भेल जाहि कारण स्थानीय लोक सभ सेहो बढ़ि- चढ़ि कs शामिल भेलाह. बैसार मे मुख्य रूप सं एहि गप्प पर चर्चा भेल जे मिथिला राज्य के साकार रूप मे लाबय लेल अखन तक कि सभ कएल गेल अछि... कि सभ कएल जा रहल अछि... आओर कि सभ करय के जरूरत अछि. मिथिला राज्य के मांग पर जोर देबय लेल 21 आओर 22 दिसम्बर के दिल्ली मे अठारहम अंतर्राष्ट्रीय मैथिली सम्मेलन होबय जा रहल अछि. सम्मेलन लाजपत नगर के शीतला मंदिर मे होएत. सम्मेलन के क्रम मे 22 दिसम्बर के जंतर-मंतर पर धरना सेहो देल जाएत. डॉ धनाकर ठाकुर जी ओहि सम्मेलन के सफल बनाबय के लेल दिन-राति एक कएने छथिन्ह. गाम-गाम... घर-घर जाs क लोक के एहि सम्मेलन मे आबए लेल कहि रहल छथिन्ह. धनाकर जी एहि लेल 6 सं 9 अक्तूबर तक साइकिल यात्रा पर छलाह. साइकिल यात्रा के क्रम मे ओ जयनगर सं बिसौल... हरलाखी... उमगांव... फूलहर... गोपालपुर... गंगौर... साहरघाट... धनौ...

गणेश भगवान आई लक्ष्मीजी के संग हमेशा के लेल अहांक घर रहय आबि रहल छथिन्ह. बधाई हो... हितेंद्र कुमार गु्प्ता + 91- 9873606696 hellomithilaa@gmail.com

राहुल आओर राज के मामला पर दिल्ली के राजनीति सेहो गरमाएल रहल.   एहन पहिल बेर छल जे सभ राजनीतिक मतभेद के दूर राखि बिहार के सभ पार्टी के नेता एक संग अएलाह.  मुख्यमंत्री नीतीश कुमार के नेतृत्व मे सभ पार्टी के नेता प्रधानमंत्री से भेंट कs  राज ठाकरे के खिलाफ सख्त कार्रवाई के मांग कएलखिन्ह.  एहि सर्वदलीय प्रतिनिधिमंडल मे लालू प्रसाद यादव आओर रामविलास पासवान सेहो शामिल छलाह.  सभ बिहारी नेता एक सुर मे प्रधानमंत्री के कहलखिन्ह जे देश केर एकता -अखंडता के तोड़य लेल राजठाकरे पर देश द्रोह के मामला चलाएल जाए.  एहि मुलाकात मे प्रधानमंत्री सं राष्ट्रीय एकता परिषद केर बैठक बुलाबय के  सेहो मांग कएल गेल.  प्रधानमंत्री मनमोहन सिंह जी नीक लोक छथिन्ह आओर भरोस देलखिन्ह जे एहि मामला पर जल्दीए कोनो नहि कोनो कार्रवाई कएल जाएत.  हुनकर सेहो कहनाय छलन्हि जे सरकार एहि मामला पर एकदम गंभीर अछि.   नीतीश जी राहुल मामला पर न्यायिक जांच के मांग सेहो कएलखिन्ह. एहि बारे मे जानकारी के लेल बिहार सरकार सीआईडी के एकटा डीआईजी महाराष्ट्र भेजत.                                             ओना शिवराज पाटिल त नहिं मुदा गृहराज्यमंत्र...

दिवाली सं एक दिन पहिने राहुल के ई कि फुरैलन्हि जे ओ मुम्बई पहुंचतहि बस मे हो -हल्ला करय लगलाह.  ओना टीवी पर ओहि दृश्य के देखल जाय त साफ बुझाएत अछि जे ओ ककरो मारि नहिं रहल छथिन्ह.  ओ किनको मारबो नहिं करलखिन्ह.  सिर्फ राज ठाकरे... महाराष्ट्र सरकार के मंत्री सं बात करय लेल मोबाअल फोन मांगैत छलखिन्ह. इशारा  कs फोन मांगैत छलाह.  राज ठाकरे के राजनीति सं दुखी राहुल राज अपन विरोध प्रदर्शित करय छलाह.  मुदा पुलिस हुनका समझाबय के जगह मारि गिरएलक.  जेना कोनो बड़का आतंकवादी होए.  अगर ओ आंतकवादी रहताह त ओतेक देर बेर-बेर इशारा कs फोन केर मांग नहिं करतथिन्ह. गोली चला कतेक के मारि देले रहतथिन्ह.    राहुल "राज" यूपी- बिहार आओर मराठी मानुस के राजनीति मे चलि गेलाह.   महाराष्ट्र पुलिस राहुल के मारबो करलक  त आगा सं नहिं दोसर तरफ सं...  गोली मारला केर बाद घिचैत लs ता स्ट्रैचर पर पटकि देलक.   इहे महाराष्ट्र... मुम्बई पुलिस  पिछला हफ्ता  जखन राज समर्थक करोड़ों रुपया के सम्पत्ति बर्बाद कs देलक... कतेक बस मे आगि लगौलक...  कतेक बिहारी के पिटलक... किछ नहिं करलक.  ओहि टाइम मुम्बई पुलिस जमीन पर डंडा पीट लो...

छठ पूजा पर गाम केना जाएल जाए एकटा बड़का सवाल बनि गेल अछि.  ट्रेन टिकट लेल मारामारी मचल अछि.   कोनो ट्रेन मे टिकट नहिं बाचल अछि.  वेटिंग टिकट नहिं मिलि रहल अछि.   सभ तीन मास पहिने कटि चुकल अछि.  पटना...दरभंगाके लेल जे छठ स्पेशल ट्रेन चलाएल जा रहल अछि.  ओकरो सेहे हाल अछि. कोढ मे खाज के काज कएलक राज ठाकरे मामला पर बिहार मे ट्रेनक रोकनाय आओर स्टेशन पर तोड़फोड़. एकर कारण कइटा  ट्रेन रद्द भs गेल.  जाही कारण कतेक लोक घर जाए सं वंचित रहि गेलाह.  आब मन मसोसले...तोड़फोड़ करय वाला सभ के कोइस रहल छथिन्ह.  गाम जाए के मन रहैत प्रोग्राम कैंसिल करय पड़लन्हि.   कोनो रिजर्वेशन काउंटर पर जाउ... एजेंट के पास जाउ सभ सं बेसि भीड़ बिहार जाए वाला लोक सभ के अछि...  मुदा टिकट नहिं मिलला सं निराश छथिन्ह.   कतेक लोक त हिम्मत कs बस सं कई ठाम होएत निकलि गेलाह अछि.   आओर कतेक लोक ट्रेनक भीड़भाड़ मे लटकैत... फटकैत जा रहल छथिन्ह. एहि भीड़भाड़ मे जे  पहिने सं टिकट रिजर्वेशन करौने छथि ओ त निश्चिंत छथि मुदा स्टेशन पर पहुंचैत हुनको हाल कोनो नीक नहिं रहि जाए छनि. स्टेशन पर एतेक भीड़ जे गाड़ी पर चढ़य मे बारहो गत भs जा रहल अ...

बिहार मे टीचर भर्ती के लेल जे दोसर चरण के अभियान शुरू होए वाला अछि सरकार ओकर जानकारी वेबसाइट पर देबय जा रहल अछि.  एहि मे सभ जिला केर अलग- अलग खाली जगह के पूरा जानकारी देल जाएत.  ई पूरा जानकारी अहां मानव संसाधन विकास मंत्रालय    केर साइट सं ल सकय छी.   ई पूरा जानकारी आनलाइन करय के मकसद भर्ती मे होए वाला गड़बड़ी के रोकनाय अछि.  सरकार के तरफ सं आवेदक के कहल गेल अछि जे अहां जेहि यूनिट मे नौकरी करय चाहय छी ओहि यूनिट मे आवेदन करु नहिं त आवेदन रद्द कs देल जाएत.  ओना एकटा उम्मीदवार जतेक स्थान सं मन होएन्हि ओतेक ठाम सं आवेदन कs  सकैत छथिन्ह. एहि मे कोनो रोक नहिं अछि.  मुदा यूनिट के ख्याल रखनाय जरूरी अछि.  पूर्ण रूप सं भरल फॉर्म 29 अक्तूबर सं 17 नवंबर तक स्वीकार कएल जाएत.  एहि बारे मे कोनो प्रश्न...शंका... समाधान होए त अहां बिहार सरकार के साइट    http://www.educationbihar.in/  पर  जाs क ओहिं सं लs सकय छी.  नियुक्ति केर बारे मे सभ जानकारी एहि पर अछि.   एहि ठाम फॉर्म आओर नियमावली सेहो देल गेल अछि.  अगर कोनो दिक्कत अछि त एहि ठाम क्लिक करु एहि ठाम क्लिक करला के बाद अहां मानव संसाधन मंत्रालय के साइट ...

राज ठाकरे के मुद्दा पर बिहार अखनो सुलगि रहल अछि.  यूपी...बिहार के छात्र के मुम्बई मे भेल पिटाई के बाद राज ठाकरे गिरफ्तार भेलाह... जमानत पर घर गेलाह.   मुदा हम ओहि मुदा के पकड़ने छी आओर कs कि रहल छी अपने घर मे आगि लगा रहल छी.  हम ककर मुकसान क s रहल छी ?   बिहारक लोक जे आई कs रहल छथिन्ह ओहि पर राज ठाकरे मने- मन हंसैत होताह आओर कहैत होताह केहन बकलोल... बुड़बक सभ अछि जे मुम्बई मे तs पिटयबे करलाह... घर जाकs अपने लोक सभ के संग मारि- पीट करि रहल छथि.  अपने घर... दोकान... अपने स्टेशन... अपने ट्रेन के तोड़ि रहल छथि.  एहि सं कि कोनो मुम्बई वाला के परेशानी भs रहल छै ?   कि कोनो मुम्बई वाला के कोनो फर्क पड़ि रहल छै?.  कि एहि सं कोनो मुम्बई के ट्रेन बंद छै ?  कि कोनो मुम्बई ठप अछि ? एहि सं बिहारे-यूपी के लोक सभ परेशान छथिन्ह.  बिहार -यूपी के लाखों लोक दिल्ली आ दोसर जगह फंसल छथिन्ह.  भूखल पिआसल स्टेशन पर ट्रेनक रास्ता- पैरा देख रहल छथिन्ह.  सैकड़ों एहन लोक छथिन्ह जिनका इलाज के लेल दिल्ली... पटना... वैलोर... लखनऊ जाइ के छनि मुदा अहां सभक एहि तोड़पोड़ के कारण सभ मुसीबत झेल रहल छथिन्ह.   ई कोनो तरहे नी...

                  बिहार मे प्राइमरी स्कूल के लेल टीचर बहाली के रास्ता साफ भs  गेल अछि.   बहाली के एहि दोसर चरण मे 80 हजार टीचर के बहाली होएत.   एहि के लेल 23 अक्तूबर सं जिला स्तर पर विज्ञापन निकालल जा रहल अछि आओर 29 अक्तूबर सं आवेदन स्वीकार कएल जाएत.  प्रक्रिया के नीक सं लागू करय लेल तमाम नोडल अफसर सभ के इलाका के दौरा करय लेल कहल गेल अछि.  बाढ़ि सं प्रभावित इलाका मे पंचायत सचिव के मौजूद नहिं रहला पर दोसर सदस्य के सेवा लेल जा सकैत अछि.   आवेदन स्वीकार करय के आखिरी दिन अछि 17 नवंबर.  आवेदन के लेल कोनो फीस नहिं लेल जाएत.   एहि बेर पंचायत के लेल प्रखंड मे आवेदन कएल जा सकैत अछि.  आवेदन पत्र के ब्योरा रखय केर लेल विभाग सं रजिस्टर मिलत जेहि पर विभाग के अधिकारी के दस्तखत कएल रहत.   आवेदन के आधार पर मेरिट लिस्ट बनाएल जाएत. त सभ भाई लोकनि सं आग्रह अछि जे अगर गाम- घर मे बैसल छी त एहि शिक्षक बहाली केर लेल जरूर आवेदन करू.  एहन मौका बेर -बेर नहिं आबैत अछि.   अगर कोनो पैघ लक्ष्य लs क चलय छी त नीक गप्प अछि.  मुदा जखन धरि ओ टार्गेट नहिं पा लैत छी... तखन धरि त एकटा नीक नौका के हाथ सं नहिं जाए दिअ.

 दरभंगा मे आई काल्हि कृषि मेला लागल अछि.   एहि मेला मे किसान भाई लोकनि के आधुनिक आओर उन्नत खेती के बारे मे बताएल जा रहल अछि.  ई मेला पोलो मैदान मे लागल अछि.   कृषि मेला के उद्घाटन दरभंगा के डीएम अरुण प्रसाद कएलखिन्ह.  हुनकर कहनाय छलन्हि जे किसान भाई सभ अगर उन्नत वैज्ञानिक तरीका सं खेती करताह त आत्मनिर्भर होए मे बेसि देर नहिं लगतन्हि.   एहि अवसर पर विधान पार्षद डॉ विनोद कुमार चौधरी जी सेहो मौजूद छलाह.   विनोद जी के कहनाय छलन्हि जे किसान सभ के सरकार के विकास योजना के अपनयबाक चाही... सरकार के योजना के फायदा उठयबाक चाही...जेहि सं बिहार मे कृषि क्रांति आबि सकय.  हुनकर कहनाय छलन्हि जे सरकार के जोर कृषि विकास कार्यक्रम पर अछि.  एहि लेल सरकार किसान के खाद... बीज आओर कृषि उपकरण कम दाम पर उपलब्ध करा रहल अछि.  जरूरत अछि त बस  एकर कि किसान सभ बेसि सं बेसि फायदा उठा सकथिन्ह.  कृषि मेला मे किसान सभ के खेती के बारे मे त जानकारी देले जा रहल अछि...  एहि ठाम उन्नत बीज... खाद आओर खेती के लेल उपकरण अनुदान के रूप मे कम दाम पर सेहो बेचल जा रहल अछि.

***** ++ सहायक संपादक केर जरूरत पत्रकारिता मे डिग्री / डिप्लोमा अनुभव- कोनो अखबार / पत्रिका मे 3 वर्षक अंतिम तारीख- 03.11.2008 आवेदन पत्र भेजय के पता:- केंद्रीय यूनानी औषधि अनुसंधान परिषद (स्वास्थ्य एंव परिवार कल्याण मंत्रालय) जवाहर आयुष अनुसंधान भवन 61-65, इंस्टिट्यूशनल एरिया, डी ब्लॉक, जनकपुरी नई दिल्ली-110058 　 ***** ++ Hindustan Times, Delhi 1. Assistant Editor experience- 5-8 yrs lifestyle/ entertainment beat 2. Sr. Sub Editor/ sub Editor Experience- 1-5 yrs interested candidates may forward their CVs at hr@hindustantimes.com 　 ***** ++ PR & Marketing Vacancy for PR & Marketing executives on freelance basis... those who are interested may send their CVs on broadcastmedia21@gmail.com 　 ***** ++ Graphics desinger For Graphics desinger and Stroryboard artist for an upcoming magazine in Delhi. contact at dreampeddlers@gmail.com 　 ***** ++ India today group Openings in India today group Mobile ( http://www.activemediatech.com/ ) Required skillsFresher or 1-2 years of exper...

राज ठाकरे के मिलि गेल राहत. ओ जमानत मिलला के बाद एक बेर फेर हीरो के तरहे घर गेलाह. मिठाई खिलाएल गेल...पटाखा फोड़ल गेल... हुनकर समर्थक सभ खुशी मनौलक. हुनका अखन दु दिन के लेल अंतरिम जमानत देल गेल अछि. 24 तारीख के हुनका फेर सं अदालत मे पेश होए पड़तन्हि. मुदा राज ठाकरे के खिलाफ कइटा आओर मामला आबि गेल अछि ताहि सं लगैत अछि हुनका अखन जल्दी राहत नहिं मिलत. आब किछ दिन तक कोर्ट चक्कर लगैत रहत. ओना राज ठाकरे के लs क हुनकर समर्थक सभ बुधदिन सेहो जमि कs तोड़फोड़ कएलक. कोर्ट मे पेशी के लsक कल्याण मे जबरदस्त पुलिस इंतजाम कएल गेल छल. हिंसक प्रदर्शन के देखैत कल्याण कोर्ट आओर मानपाड़ा थाना के आसपास कर्फ्य सेहो लगाबय पड़ल. राज के राहत मिलला सं बिहार मे कईठाम उग्र प्रदर्शन भेल. विद्यार्थी सभ कईठाम तोड़फोड़ करलाह. कइटा ट्रेन के निशाना बनाएल गेल... आगि सेहो लगा देल गेल. रेल गाड़ी के चलनाय पर भारी असर पड़ल . कइटा ट्रेन के रद्द सेहो करय पड़ल. ओना रेल मंत्री लालू यादव जी छात्र सभ के भरोस देलखिन्ह अ जे जेहि छात्र के परीक्षा नहिं भेलन्हि हुनका फेर सं परीक्षा मे बैसय देल जाएत. हुनकर परीक्षा फेर स...

कोसी केर बाढ़ि सं प्रभावित सहरसा... सुपौल... अररिया... मधेपुरा आओर पूर्णिया मे स्वास्थ्य विभाग केर ओर सं स्वास्थ्य सुरक्षा अभियान...स्वास्थ्य आओर पोषाहार कैच अप राउंड चलाएल जा रहल अछि. स्वास्थ्य आओर पोषाहार कैच अप राउंड 27 अक्तूबर तक चलत. कैचअप राउंड मे महिला आओर नुनु...घियापुता सभ के टीका लगाएल जा रहल अछि . विटामिन ए के खुराक देल जा रहल अछि आओर पेटक कृमि मारय वाला दवाई देल जा रहल अछि . एकरे संग डायरिया के शिकार बच्चा सभ के ओआरएस देल जा रहल अछि . एहि अभियान मे आंगनवाड़ी आओर प्राथमिक स्वास्थ्य केंद्र के सामिल कएल गेल अछि. एहि मे राहत शिविर के संग घर- घऱ जाक दवाई...टीका देल जा रहल अछि. नाव के व्यवस्था सेहो कएल गेल अछि. एहि काज मे यूनिसेफ सेहो मदद कs रहल अछि. यूनिसेफ के तरफ सं ओआरएस... विटामिन ए आओर कृमिनाशक दवाई एलबेंडाजोल देल गेल अछि.

आखिरकार राज ठाकरे पर शिकंजा कसल गेल. बड़ गीदड़-भभकी दैत छलखिन्ह जे पुलिस... प्रशासन... सरकार मे हिम्मत छनि त गिरफ्तार कs क दिखबथुन. मुदा केंद्र सं मिलल दबाव के बाद राज्य सरकारके मजबूरी मे कठोर कदम उठाबय पड़लन्हि. राहुल गांधी के सेहो कहय पड़लन्हि जे राज देश तोड़य के राजनीति क रहल अछि. गृहमंत्री शिवराज पाटिल के राज्यसभा मे बयान देबय पड़लन्हि जे ओ राज्य सरकार सं कड़ा कदम उठाबय लेल कहलखिन्ह अ. मुदा अहां के ई जानि कs अचरज होएत कि केंद्र सं लगातार तीन दिन तक ... 19... 20... आओर 21 तारीख तक तीन टा नोटिस भेजल गेल राज के खिलाफ कार्रवाई करय लेल मुदा कार्रवाई भेल खूब हो हल्ला के बाद 21 तारीख के. पाटिल जी कहबो कएलखिन्ह जे ओ खुद एहि मामला पर महाराष्ट्र के मुख्यमंत्री देशमुख सं गप्प कएलखिन्ह. तखनो एतेक देर भेल. एकटा गप्प आओर जखन सरकारके पता छलन्हि जे गिरफ्तार कएला के बाद समर्थक तोड़ फोड़ कsसकय अ तखनो बांद्रा कोर्ट के बाहर पर्याप्त सुरक्षा कर्मी तैनात नहिं छल जकरा कारण समर्थक सभ जमि के हंगामा कएलक. कएटा पत्रकार से सेहो चोट आएल. राज के न्यायिक हिरासत मे भेजला के बाद हुनकर समर्थक आओर उपद्रव पर उतरि आए...

मधुबनी जिला के बिस्फी मे आईटीआई के जल्दीए खुलत.  महाकवि विद्यापति केर बिस्फी गाम मे आईटीआई खोलय के घोषणा मुख्यमंत्री नीतीश कुमार जी कएने छलखिन्ह.  अगर सभ किछ  नीक रहल त 29 अक्तूबर के एकर उद्घाटन भs जाएत.   एकर उद्घाटन मानव संसाधन विकास मंत्री हरि नारायण सिंह करताह. ओना उद्घाटन के मौका पर उप मुख्यमंत्री सुशील कुमार मोदी  मौजूद रहताह.  बिस्फी हमर गाम के बगल मे अछि आओर एहि ठाम आईटीआई खुलला सं इलाका केर विकास मे... जिला केर विकास मे एकटा नवका अध्याय जुटि जाएत.

बिहार सरकार बिजली के लs क गंभीर दिखाय दs रहल अछि.  राज्य मे एक  हज़ार मेगावाट  बिजली के एकटा परियोजना के मंजूरी द देल गेल अछि . एकरा लेल निजी कंपनी आधुनिक ग्रुप ऑफ कम्पनीज आओर उर्जा विभाग केर बीच एकटा समझौता पर दस्तखत सेहो कएल गेल अछि . सरकार के तरह सं एहि मौका पर ऊर्जा मंत्री रामाश्रय प्रसाद सिंह आओर  आधुनिक पॉवर एंड नेचुरल रिसॉर्स के अध्यक्ष निर्मल अग्रवाल सेहो मौजूद छलाह.  आधुनिक ग्रुप ऑफ कम्पनीज कोलकाता के कंपनी अछि.   एक हजार मेगावाट बिजली पैदा करय के लेल एहि परियोजना पर करीब  5 हज़ार करोड़ रूपआ खर्च होएत.  पटना मे भेल एहि समझौता के बाद सरकारके कहनाय छल जे एहि बिजली उत्पादन के लेल सरकार कंपनी के सभ तरहे मदद करत.   मुदा सभस पैघ गप्प त ई अछि जे अखन धरि जगहक कोनो ठोरो -ठिकान नहिं अछि.   ओना कंपनी कई ठामक सर्वे कs चुकल अछि.  आब देखिऔ सरकार के तरफ सं कोन जगहक सिगनल मिलैत अछि.  ओना एहि सं पहिले जे तीनटा कंपनी के संग बिजली बनाबय के लेल समझौता भेल अछि ओहि मे सं ककरो अखन धरि जमीन नहिं मिलल अछि.   आब देखल जाउ एहि कंपनी के कहिओ जगह मिलैत अछि आ कहिओ काज शुरू होएत अछि.  ओना कोनो राज्य... देशक ...

दरभंगा मेडिकल कॉलेज अस्पताल ... डीएमसीएच के हॉस्टल खाली करा लेल गेल अछि.  हॉस्टल खाली कराबय मे पुलिस के काफी मशक्कत करय पड़ल.  किछ लड़का के संग झड़प सेहो भेल.  मुदा भारी पुलिस बंदोबस्त मे डीएसपी परवेज अख्तर सभ मेडिकल छात्र के हॉस्टल सं बाहर कs देलखिन्ह.  किछ एहन छात्र जिनका परीक्षा देबय के छनि हुनका सोम दिन तक हॉस्टल खाली करय के लेल कहि देल गेल अछि. असल मे ई पूरा मामला अछि रैंगिंग के.   कॉलेज मे रैगिंग दंडनीय अपराध घोषित अछि... मुदा शायदहि कोनो कॉलेज होएत जे एहि सं छूटल होएत.  कोनो नहिं कोनो बहाने रैंगिंग होएते अछि. मुदा दरभंगा के डीएमसीएच मे त हदे भs गेल .  कॉलेज के किछ सीनियर छात्र जूनियर छात्र के जबरदस्ती उठा कs  अपन हॉस्टल ल आनलथिन्ह  आ जमि क  रैगिंग  कएलखिन्ह.  एतबे नहि अप्राकृतिक यौन संबंध सेहो बनाबय के कोशिश कएल गेल. ओ त किछ छात्र जाsक प्रिंसिपल के खबर कs देलखिन्ह जे आ क जूनियर छात्र सभ के बचएलखिन्ह.    एकर बाद बड़ला बवाल भेल.  कॉलेज के अनिश्चितकाल  के लेल बंद करि देल गेल अछि.  एकर बाद पुलिस मे रिपोर्ट दर्ज कराएल गेल.  आब दोषी छात्र पर कार्रवाई के बात भ रहल अछि . एहि मामला मे च...

महाराष्ट्र मे रेलवे के परीक्षा देबय लेल गेल उत्तर भारतीय छात्र सभ पर जमि कs कहर बरपाएल गेल अछि. विद्यार्थी सभ घेर-घेर कs मारल गेलाह... बेरहमी सं पिटलाह. ई पिटाई कोनो दोष... गुंडागर्दी... छेड़खानी... तस्करी... बम फोड़य के लेल नहीं कएल गेल. ई पिटाई उत्तर भारतीय होय के कारण कएल गेल. उत्तर भारतीय मे अहां पंजाब... हरियाणा... दिल्ली... हिमाचल ई सभ नहिं मानिऔ. ई सभ भैया थोड़े छथिन्ह. भैया लोक त छथिन्ह यूपी बिहारी. मराठी लोक उत्तर भारतीय मे यूपी-बिहारी लोक के गिनय छथिन्ह. अहां कहबय बिना दोषे विद्यार्थी सभक के दौड़ा-दौड़ा कs पिटलक. अहां के ई दोष नहिं बुझायअ जे बिना ठाकरे जी... चाहे ओ राज ठाकरे होताह आ हिनकर चचा बाल ठाकरे.... के अनुमति के अहां महाराष्ट्र मे घुसि रहल छी... कि विद्यार्थी सभ के ई पता नहिं छलन्हि जे मुम्बई ठाकरे के बाप के छै ? अगर पता छलन्हि त बिना हुनकर अनुमति के ओहि ठाम जनाय नीक गप्प नहिं न ? लागय अ ई सोचि कs गेलहु जे लालू जी रेल मंत्री छथिन्ह त किछ नहिं होएत... त बुझबा मे आबि गेल नहिं ? अरे बाबू ई राजनीति छै...लालू जी ऊपर- झापर जे कहथिन्ह जे राज मेंटल अछि. देश तोड़य के बात कs रहल...

नीतीशजी जखन मुख्यमंत्री बनल छलाह त गाम घर दिस सड़क सभ मे हाथ लागल छल. लागैत छल जे आब गाम घर हाल फिरत मुदा आब फेर सभ किछ पहिने जकां लगि रहल अछि. कखनो-कखनो लगैत अछि जे कि बिहार कहिओ नहिं बदलत कि ? दिल्ली सं गाम दिस गेलाह पर दरभंगा तक तं सभ किछ नीक रहैत अछि मुदा दरभंगा मे ट्रेन सं उतरि बसि पर चढतहिं रोडक हाल देखि सभ उत्साह ठंडा भs जाएत अछि. 16 किलोमीटर जाए मे डेढ सं दु घंटा... मन खिसिआ जाइत अछि. कतेक अंतर अछि बिहारक आओर दोसर ठामक रोड मे. ई मानि सकय छी जे कोसी वाला इलाका मे बाढ़ि के कारण सड़क बहि गेल मुदा कोसी के बाढ़ि प्रभावित इलाका के त गप्प छोडु... मिथिलाक दोसर इलाका मे सेहो सड़कक हाल बड़ खराब अछि. उत्तर बिहार के चारिटा जिला दरभंगा... मधुबनी... समस्तीपुर आओर वैशाली मे सड़क निर्माण के काज कछुआ गति सं चलि रहल अछि. एहि चारु जिला मे स्टेट हाईवे के निर्माण मे केंद्रीय एजेंसी इरकॉन लागल अछि. मुदा काज बड़ धीरे -धीरे चलि रहल अछि. सरकार के तरफ सं इरकॉन के समय पर काज पूरा करय के निर्देश देल गेल अछि. मुदा लागि नहिं रहल अछि जे काज समय पर पूरा होएत. ओना इरकॉन क क...

कोसीक बाढ़ि सं भारी तबाही भेल... गामक गाम बहि गेल. जान माल के कतेक नुकसान भेल तकर कोनो आकलन करनाय मुश्किल अछि. जखन गामे घर नहिं बाचल...सभ सुडाह भs गेल. सभ किछ दहा गेल त जे सरकार कहत मानय पड़त. सरकारक ओर सं जे डाटा जारी कएल गेल अछि ओकर मुताबिक बाढि सं प्रभावित मधेपुरा... सहरसा... सुपौल... अररिया ओर पूर्णिया जिलाक दु लाख पैंतीस हजार आठ सय छबीस लोक के राहत शिविर मे राखल गेल अछि. आपदा प्रबंधन विभाग के अपर आयुक्त प्रत्यय अमृत के अनुसार पांचु जिलाक 35 प्रखंड... 412 पंचायत... 993 गांव बाढ़ि सं प्रभावित भेल अछि. हुनका मुताबिक बाढि सं एहि जिला मे 235 लोकक आओर 869 जानवरक मौत भेल अछि. बाढ़िक तबाही देख ई संख्या कम लागि रहल अछि. स्थानीय लोकक कहनाय छनि जे मरय वाला लोकक संख्या हजारक हजार अछि. सरकार के अनुसार एहि जिला मे राहत अनुदान केर तहत प्रत्येक बाढ पीडित परिवार के प्रथम चरण मे एक क्विंटल अनाज आओर 2250 रूपया नकद देल जा रहल अछि. एकरे संग मुख्यमंत्री राहत कोष सं सरकारी शिविर मे रहय वाला परिवार के 250 रूपया कपड़ा आओर बर्तन लेल देल जा रहल अछि. आपदा प्रबंधन विभाग के अनु...

बिहार सरकार खेती के लेल तकनीक पर विशेष जोर द रहल अछि. सरकार चाहैत अछि जे लोक खेती मे बेसि सं बेसि आधुनिक तकनीक के प्रयोग करय. एहि लेल पटना मे किसान मेला के आयोजन सेहो कएल गेल अछि. ई मेला सोम दिन 20 अक्तूबर तक चलत. मेला मे किसान भाई सभ के खेती... बागवानी... डेयरी आओर मछली पालन के बारे मे जानकारी देल जा रहल अछि. मेला मे फल आओर सब्जी के प्रदर्शनी सेहो लगाएल गेल अछि. जाहि ठाम उन्नत किस्म के फल आओर सब्जी के उपजाबय के जानकारी देल जा रहल अछि. एहि लेल करीब ढाई हजार किसान के प्रशिक्षन सेहो देल गेल अछि. मेला मे नुक्कड़ नाटक...कृषि गोष्ठी के आयोजन सेहो भs रहल अछि. मेला मे खेती के काम मे आबय वाला मशीन... बीज...खाद...कीटनाशक सभ राखय गेल अछि. राज्य भर सं आएल किसान सभ के खेती... औषधीय पौधा...पशुपालन...माइटक जांच के बारे मे सेहो बताएल गेल.

सभ मैथिलगण के हमर नमस्कार... केहन छी अहां सभ ? नीके छी कि नहिं ? पिछला हफ्ता तबियत किछ खराब भs गेला के कारण अहां सभ सं गप्प नहिं भs सकल. आब फेर होएत. अहां सभ सं आग्रह जे अहां सभ सेहो हेलो मिथिला केर लेल किछ लिखल करु. अपन गाम- घर केर बात लिखल करु. सुख -दुख केर गप्प लिखल करु. मिथिलाक विकास गप्प करु... गाम-घर केर विकास के लेल कि सभ कएल जा सकय अछि ? से लिखु. अगर अहां के पास कोनो नीक... ठोस उपाय अछि त ओहि सं सभ लोक के परिचित कराउ जाहि सं बेसि सं बेसि लोक के फायदा मिलि सकय. झिझकय के कोनो जरूरत नहिं हमरे जकां टूटल-फूटल मैथिली मे लिखल करु... बस लोक के पास संदेश पहुंचय के जरूरत अछि. असल मे मैथिली मे पढ़ाई-लिखाई नहिं होई के कारण करीब 90 प्रतिशत मैथिलगण नीक सं मैथिली नहिं लिखि पाबैत छथिन्ह. ताहि लेल शर्म के कोनो गप्प नहिं . बस किछ मन मे आबय लिखि कs भेज दिअ. हम अहांक विचार के एहि मंच पर राखय के कोशिश करब. हितेन्द्र गुप्ता +91-9873606696 hellomithilaa@gmail.com

आब अहां ट्रेन मे कोनो फोटो पहचान पत्र राखि यात्रा कs सकय छी. फोटो पहचान वाला शर्त ई-टिकट के लेल अछि. पहिने ई छल जे ऑनलाइन टिकट बुक कराबैत समय अहां जे पहचान पत्र के जिक्र कएने छलहुं. यात्रा के समय ट्रेन मे उहे पहचान पत्र अहांक संग होबाक चाही. मानि लिअ घर पर आ इंटरनेट कैफे मे जाsक रेलवे के साइट सं ऑनलाइन ई-टिकट बुक करौलहुं. ओहि मे अहां पहचान पत्र के लेल मतदाता पहचान पत्र के जिक्र करि देलहुं. मुदा जाय काल मे अहांक संग ड्राइविंग लाइसेंस रहि गेल. आ फेर ध्यान नहिं रहला पर राशन कार्ड नहिं रखि पयलौं. एहन स्थिति मे अहां के बिना टिकट मानल जाएत छल. एहि के कारण लोक सभ के टिकट रहैत कई बेर फेर सं पूरा पाई जमा करय पड़य छलन्हि. एहि लsक लोक सभ रेलवे के पास शिकायत कएलखिन्ह... जकर सुनवाई आब जा क भेल अछि. आब अहां कोनो सरकार फोटो पहचान पत्र लs क यात्रा क सकय छी. आब अहां अपन कोनो पहचान पत्र राखि सकय छी. ड्राइविंग लाइसेंस... मतदाता पहचान पत्र... पैन कार्ड... पासपोर्ट किछ राखि सकय छी. मुदा ओ पहचान पत्र सरकार सं अधिकृत होबाक चाही.

11 अक्तूबर... सदी के महानायक बिग बी... अमिताभ बच्चन केर जन्मदिन. सुबहे सं सभ चैनल पर बिग बी छाएल छलाह. ओना शुरू मे जन्मदिन के लsक न्यूज़ मे छलाह मुदा बाद मे अस्पताल मे भर्ती के खबर आबय लागल. जखन बिग बी के गप्प होए छन्हि त कोई गोटे किआ एहि खबर सं हटता. सभ एहि खबर सं चिपकल रहला. मुदा एकर बीच एकटा खबर एकदमे सं नहिं चलल ओ ई कि आई सदी के महानायक के संग देश के लोकनायक के जयंती सेहो छल. तीन दिन पहिने हुनकर पुण्यतिथि आएल आओर गेल किनको मालूम पड़लन्हि किनको नहिं. सभ सं अचरज के गप्प त ई जे लोकनायक जयप्रकाश नारायणजी के भानजी सुधा श्रीवास्तव बिहार सरकार मे मंत्री छथिन्ह मुदा किछ नहिं भेल. आब त मात्र एकटा औपचारिकता निभा कs हुनकर फोटो पर फूल माला चढ़ा देल जाइत अछि. कहां सुबह मे महानायक बिग के जन्मदिन के बधाई देबय वाला लोकक तांता फेर दोपहर बाद हालचाल जानय वाला लोकक तांत. आओर कहां जेपी... आई लोक के लोकनायक जयप्रकाश नारायण के सम्पूर्ण क्रांति के बारे से सेहो नहिं पता छन्हि. एकटा पेपर मे पढ़लहुं जे किछ लड़का सं पूछल गेल जे संपूर्णक्रांति के बारे मे कि जानय छी त हुनकर जवाब छलन्हि जे ई पटना सं ...

कोसी के बाढ़ि सं प्रभावित मधेपुरा... सहरसा... पूर्णिया... सुपौल आओर अररिया के किसान के सरकार मुफ्त मे खाद आओर बीज देत. बिहार के कृषिमंत्री नागमणि के अनुसार एहि बारे मे हुनकर केंद्रीय रसायन आओर खाद मंत्री रामविलास पासवान सं सेहो बात भs चुकल छन्हि. बाढ़ि प्रभावित इलाका मे लोक के सभ किछ पानि मे बहि जाए के कारण सरकार ई मदद कs रहल अछि. एतबा नहिं राज्य के दोसर किसान सभ के सेहो एहि बेर रबी के फसल के लेल गेहूं...चना आओर मसूर के बीज पर पचास प्रतिशत के अनुदान देल जाएत. एकरे संग कृषि योग्य भूमि के लेल माटि केर जांच सेहो शुरू भेल अछि. एहि के लेल कृषि वैज्ञानिक सभ विशेष रूप सं बनाएल गेल प्रयोगशाला गाड़ी के लs क गामे- गाम जा रहल छथिन्ह. आओर माटि केर जांच कs रहल छथिन्ह. एकटा बात आओर गौर कएल गेल अछि जे बिहार मे मसाला केर खेती के नीक संभावना अछि. एहि के बढ़ावा देबय लेल किसान के पचास प्रतिशत अनुदान पर बीज आओर खाद देल जाएत. किसान भाई के लेल ई नीक खबर अछि. हुनका सभ के चाही जे एहि मौका के भरपूर फायदा उठाबि.

कोसी नदी के कुसहा बांध केर मरम्मत के लेल 197 करोड़ रुपया मंजूर कएल गेल अछि. सरकार के अनुसार मरम्मत के काज एक हफ्ता मे शुरू भs जएबाक चाही. एहि लेल केन्द्र सरकार सं 40 करोड़ रुपआ पहिनहि मिलि चुकल अछि. मरम्मत केर काज के लेल हफ्ता दिन मे निविदा निकालि देल जाएत. ओना काज त अखनो जारी अछि मुदा ओ इंमरजेंसी के रुप मे शुरू भेल छल. आब विधिवत मरम्मत केर काज शुरू होएत. कुसहा बांध टूटला सं सहरसा... मधेपुरा... अररिया... सुपौल आओर पूर्णिया मे बाढ़ि सं भारी तबाही भेल अछि. लोक सभ अखनो फंसल छथिन्ह. बीच-बीच मे पानि भs गेलाह सं स्थिति बिगड़य के आशंका सं लोक अपन गाम... घर वापस नहिं लौटि रहल छथिन्ह. बाढ़ि सं गामक गाम बहि गेल. सड़क... रेल पटरी...पुल सभ बहि गेल. आबय जाए के सभ साधन खत्म भs गेल अछि. पानि बेसि छल तं नाव सं आबय जाय मे होय छल... राहत के काज होएत छल मुदा आब पानि कम भेलाह सं राहत सेहो कम भs गेल अछि. शिविर मे लोक सभ के राहत मिलैत अछि. जे गाम छोड़ि कs राहत शिविर मे नहिं आएल छथिन्ह ओ कनि बेसि कष्ट मे छथिन्ह. ओना राहत शिविर के हाल सेहो कोनो नीक नहिं कहल जा सकैत अछि. स्कूल... सरकारी ऑफिस.....

दिल्ली मे सरिता विहार अपोलो अस्पताल मे मिथिलाक एकटा लड़का भर्ती छथिन्ह माधव चौधरी जी. ओ आईसीयू के बेड नंबर 2114 मे छथिन्ह. हिनका O+ ग्रुप खून केर आओर किछ आर्थिक मदद के जरूरत छनि. अगर अहां सभ कोनो तरहे हिनकर मदद कs सकय छी त हिनका सं सम्पर्क करय के कोशिश करु. माधव जी केर पिताजी आब एहि दुनिया मे नहिं छथिन्ह ताहि लs क हिनकर सभ खर्च हिनकर एकटा रिश्तेदार राजीव कुमार चौधरी जी के उठाबय पड़ि रहल छनि. मुदा अपोलो के डॉक्टर के कहनाय छनि जे हिनका इलाज के लेल 10- 12 लाख के खर्च पड़त. ई खर्च उठयनाय दिल्ली मे एकटा छोट छिन नौकरी करय वाला राजीव चौधरी जीक लेल संभव नहिं छनि. राजीव जी दिल्ली के ग्रीनपार्क मे computerware नामक एकटा सॉफ्टवेयर कंपनी मे काज करय छथिन्ह. राजीव जी के सम्पर्क नंबर छनि +91- 9210301432 . राजीव जी के कहनाय छनि जे माधव चौधरी जी दिल्ली आबय के क्रम मे ट्रेन सं खसि पड़ल छलाह आ इलाज के क्रम मे हिनकर फेफड़ा मे पानि भरि गेलन्हि. जकर इलाज के लेल पाई आओर खूनक जरूरत अछि. राजीव चौधरी जी फोन पर माधव जीक गामक पता सेहो लिखएलाह नाम- माधव चौधरी पिता-स्वर्गीय विश्वनाथ राय दादा -स्वर्...

लोकसभा टेलीविजन हिन्दी आओर अंग्रेजी मे चलय वाला चौबीसों घंटा के चैनल अछि. एहि चैनल के तीन साल के लेल कंट्रैक्ट के आधार पर दिल्ली मे किछ अनुभवी लोकक जरूरत अछि. एहि के लेल स्किल टेस्ट/ लिखित परीक्षा... वॉक इन इंटरव्यू लेल जाइत. पता अछि - लोक सभा चैनल, 21-23, महादेव रोड, नई दिल्ली ( आकाशवाणी भवन के नवका प्रसारण घर Broadcasting House के पाछां ) ( बेसि जानकारी के लेल www.loksabha.nic.in पर क्लिक करु) जेहि पद के लेल लोकक जरूरत अछि ओ एहि तरहे अछि 1. प्रोड्यूसर- स्नातक... पत्रकारिता मे डिग्री/ डिप्लोमा...चैनल मे पहिने काज कS चुकल लोक के प्राथमिकता... 5 सं 7 साल के अनुभव नीक रहत . एहि पद के लेल कौशल परीक्षा लेल जाएत. स्कील टेस्ट के लेल 13 अक्तूबर के 9 सं 10 बजे के बीच पहुंचि रिपोर्ट करिऔ. 2. असिस्टेंट प्रोड्यूसर- स्नातक... पत्रकारिता मे डिग्री/ डिप्लोमा...चैनल मे पहिने काज कS चुकल लोक के प्राथमिकता... 2 सं 3 साल के अनुभव नीक रहत . एहि पद के लेल कौशल परीक्षा लेल जाएत. स्कील टेस्ट के लेल 14 अक्तूबर के 9 सं 10 बजे के बीच पहुंचि रिपोर्ट करिऔ. 3. प्रोडक्शन असिस्टेंट- स्नातक... पत्रकारिता ...

आई- काल्हि ट्रेन मे जहरखुरानी के घटना बढ़ि गेल अछि. हर हफ्ता...दस दिन पर दु- चारि टा मामला सामने आबि जा रहल अछि. जहरखुरानी मे एकटा गप्प आओर ई अछि जे एकर शिकार होए वाला बेसि लोक दिल्ली... मुम्बई... पंजाब... हरियाणा... कोलकाता सं कमा कS आबय वाला बिहारी मजदूर रहय छथिन्ह. संगहि अहां ध्यान देबय त पता चलत जे ई घटना बेसि स्लीपर आ जनरल बॉगी मे होइत अछि. दरभंगा... मधुबनी...समस्तीपुर... सहरसा... गया ... जहानाबाद के कतेक लोक जहरखुरानीके शिकार भS अपन पाई - ढौआ गवां चुकल छथिन्ह. दिल्ली रुट पर ई घटना बेसि मुगलसराय सं बिहार दिस बढ़ला पर होइत अछि. जखन कि कोलकाता वाला रास्ता मे बिहार मे घुसतहिं बढ़ि जाइत अछि. हर दु- चारि दिन पर सुनय मे आबैत अछि जे फलां स्टेशन पर किछ लोक जहरखुरानीके शिकार भSगेलखिन्ह. डिब्बा मे बेहोश पड़ल मिलला... एहि लेल आई काल्हि ट्रेन मे विशेष सावधानी बरतय के जरूरत अछि. पूजा- पाठ के नाम पर प्रसाद खिला देल जाइत अछि. वैष्णो देवी के प्रसाद त तिरुपति बालाजी के प्रसाद त कहिओ बद्रीनाथ के प्रसाद बता लोक के खिला देल जाइत अछि. आमतौर पर लोक सभ किछ मना कs दै छथिन्ह... मुदा प्रसादक नाम पर मना ...

अहां सभ के दुर्गापूजा केर शुभकामना...  मां दुर्गा अहां सभ के  विद्या... बुद्धि... बल... निरोगी काया... यश...  प्रतिष्ठा प्रदान करथि्न्ह एहि कामना संग...  हितेन्द्र कुमार गुप्ता

आचार्य सुरेन्द्र झा सुमन जीक जयंती दरभंगा मे मनाएल गेल. हिन्दी... मैथिली... संस्कृत के विद्वान आओर पूर्व सांसद सुमन जीक जयंती समारोह दरभंगा के चंद्रधारी म्यूजियम मे भेल. जयंतीक लेल एकटा समिति सेहो बनाएल गेल छल कमलाकांत झा जीक अध्यक्षता मे. एहि अवसर पर एकटा स्मारिका केर विमोचन सेहो कएल गेल. समारोह केर शुरूआत चंद्रमणि जीक शिवपंचाक्षरी गायन सं भेल. एकर रचना सुमनजी कएने छलखिन्ह. एहि समारोह मे संस्कृत आओर मैथिली के विद्वान के सम्मानित सेहो कएल गेल. संस्कृत केर लेल डॉ उपेन्द्र झा आओर मैथिली केर लेल अमलेन्दु शेखर पाठक जी के सुमन साहित्य सम्मान सं सम्मानित कएल गेल. एहि अवसर पर बिहार विश्वविद्यालय के पूर्व कुलपति के कहनाय छलन्हि जे सुमन जी सिर्फ मैथिली के नहिं वरन भारतीय साहित्य के पुरोधा छलखिन्ह. हिन्दी साहित्य केर समालोचक प्रो. अजित कुमार वर्मा जीक कहनाय छलन्हि जे आचार्य सुमन जी राष्ट्रीयता... मानवीयता आओर मिथिला के प्रतीक छलाह. वो राजनीति... जाति ... भाषा बंधन से उपर समग्र मिथिला के युगपुरूष छलाह. समारोह मे काव्य पाठ सेहो भेल जेहि मे डा. विद्याधर मिश्र... डा. शशिनाथ झा... डा. गणपति म...

अगिला चुनाव सं पहिले विकास केर काज मे तेजी आबि रहल अछि. खबर अछि जे झंझारपुर सं लौकहा के बीच छोटी लाइन के बड़ी लाइन मे बदलय के काज एहि मास सं शुरू भs जाएत. रेल विभाग के कोशिश 12 अक्तूबर सं काज शुरू कs देबय के अछि. उम्मीद अछि जे एहि पर 355 करोड़ रुपया के खर्च आएत. रेलमंत्री लालू प्रसाद यादव जी मिथिला पर किछ खास ध्यान दs रहल छथिन्ह. एहि के लेल दरभंगा केर सांसद आओर केंद्रीय मंत्री मो. अली अशरफ फातमी जी... मधुबनी के प्रतिनिधि केंद्रीय गृहराज्य मंत्री डॉ शकील अहमद जी आओर सांसद देवेंद्र यादव जी... ई तीनु गोटा मिलि कs बेसि सं बेसि काज अपन मिथिला मे लाबय के कोशिश करय छथिन्ह. अगर राज्य सरकार आओर केंद्र सरकार के बीच तालमेल रहैत त आओर बेसि काज होएत. दुनु ठाम दु सरकार भेलाह सं ओतेक तालमेल नहि जमय छै. मुदा एकर फायदा सेहो छै. राज्य सरकार बीच- बीच मे हुड़काबैत सेहो रहैत अछि. स्वस्थ आलोचना... प्रतियोगिता... एक दोसरा सं बेसि काज कराबय के इच्छा ... एहि सं विकास सेहो रफ्तार पकड़ छै. राज्य सरकार चाहैत अछि जे ओ केंद्र सं बेसि काज करय आओर केंद्र सरकार के कोशिश सेहो रहय छै जे कोनो क्षेत्र मे ...

वरिष्ठ साहित्यकार प्रो. एजाज अहमद के बिहार मदरसा बोर्ड के अध्यक्ष बनाएल गेल अछि. प्रो. अहमद साहब मिथिलांचल सं छथिन्ह. प्रोफेसर साहब दरभंगा के बगल के शोभन गाम सं छथिन्ह. हिनका अध्यक्ष बनएला सं मिथिलांचल मे खुशी के माहौल अछि. अध्यक्ष बनला केर बाद प्रो. एजाज अहमद के कहनाय छलन्हि जे वो मदरसा शिक्षा मे व्याप्त कमी के दूर करय के कोशिश करथिन्ह. हुनकर इहो कहनाय छलन्हि जे हुनकर प्राथमिकता एकेडेमिक कैलेंडर के ठीक करनाय होएत... जाहि सं विद्यार्थी सभ के कोनो परेशानी नहिं होय. अध्यक्ष साहब के कोशिश रहतन्हि जे मदरसा के परीक्षा के स्वच्छ आओर पारदर्शी बनाएल जाए. उम्मीद कएल जा रहल अछि जे हिनकर अध्यक्ष बनला सं बिहार मे मदरसा शिक्षा के क्षेत्र मे किछ सुधार आएत.

  कोसी केर बाढिक असर अखन खत्म नहिं भेल अछि.  लोकक परेशानी खत्म होबय के नाम नहिं लs रहल अछि.  ई बात जरूर छै जे पानि कम भेल अछि मुदा पानि कम भेलाह सं दस तरहक दोसर परेशानी शुरू भs गेल अछि. पानि कम भेला सं पानि के बहनाय रुकि गेल अछि.  ठमकल पानि...जमल पानि दस तरहक बीमारी के न्योत दैत अछि.  लोक बीमार पड़ि रहल छथिन्ह.  दोसर मौसम एहन भs गेल अछि जे आ त पानि होई पर राहत शिविर मे... एम्हर-ओम्हर केहुना समय काटय पड़ि रहल छनि... आ पानि नहिं भेलाह पर रौद अपन एहन रुद्र रूप देखाबैत अछि जे कि कहल जाए...  आंखि चोन्हरा जाइत अछि.  कोनो मे गुजारा नहिं.   घर सं बेघर भेलाह पर कतहुं के नहिं रहि पाबैत अछि.  पानि कम भेलाह सं नाव चलनाय बंद भ गेल अछि.  हेलीकॉप्टर सं सामान गिरनाय त बंद अछिए.  नाव के बंद भेलाह सं राहत पहुंचय मे सेहो दिक्कत अछि.  रास्ता... पैरा एहन जे टोला...मोहल्ला तक सामान नहिं पहुंच पा रहल अछि.  शहर मे जे राहत शिविर मे छथिन्ह हुनका सभ के ई जरूर छनि जे खाय- पिबय लेल किछ न किछ मिलि जाइ छनि.  मुदा जे लोक गाम छोड़ि कs राहत शिविर मे नहिं गेल छथिन्ह हुनका सभ के कनि बेसिए परेशानी के सामना करय पड़ि रहल छन...

1. Andrew Yule & Company Ltd. ( A Government of India Enterprise ) के जरूरत अछि Hindi Officer के बेसि जानकारी के लेल लॉग करु www.andrewyule.com 2. Asian School Of Media Studies FC-14/15, FILM CITY, SECTOR-16A NOIDA-201301 ( UP ) Invites well qualified and experienced professionals to teach theory and practice of film/ televison/radio/ print journalism/ multimedia technology/ business managment releted subjects to graduate and post graduate level students please send your CV by post or Emal : info@aaft.com 3 Al Jazeera English news Channel 1. Executive Producer-Doha, ref : News/EP 2. Correspondents 3. News Editor-Doha, Ref: news/NE 4.Planning Editor-Doha, Ref: News/PE 5.Planning Producers, ref: News/ PP 6.Asst. Programme Editors, ref: News/APE 7. Deputy News Editors, ref: News/DNE 8. Output Producers, ref: News/OP 9. Website journalists-News& sports, ref web/news or sport 10. Asst Producers and researchers, ref: programme/Ap/res To Apply for any of the vacancies send a cove...

दुर्गा पूजा...दिवाली आओर छठ के लsक भीड़ के देखैत दिल्ली सं बिहार के लेल तीनटा स्पेशल ट्रेन चलाएल जा रहल अछि. एहि मे एकटा ट्रेन पटना केर लेल जखन कि दुटा दरभंगा के लेल अछि. ई ट्रेन चलनाय शुरू भs गेल अछि आ 12 नवम्बर तक चलत. नई दिल्ली स्टेशन सं पटना के बीच चलय वाला ट्रेनक नंबर अछि 0515A आओर 0516A . ई ट्रेन सप्ताह मे दु दिन चलत. पूजा स्पेशल ट्रेन पटना सं राति 2040 मे खुलत आओर अगिला दिन सांझ मे 1800 बजे नई दिल्ली पहुंचत. जखन कि नई दिल्ली सं ई ट्रेन राति के 2300 बजे खुलत आओर अगिला दिन 1740 मे पटना पहुंचत. एहि मे थर्ड एसी, स्लीपर आओर जनरल बॉगी रहत. दिल्ली सं दरभंगा के बीच चलय वाला ट्रेनक नंबर अछि 0349A आओर 0350A. दिल्ली सं ई ट्रेन राति के 2350 मे खुलत आओर दोसर दिन राति के पौने एक बजे दरभंगा पहुंचत. जखन कि दरभंगा सं ई 1150 मे खुलि 1330 बजे दिल्ली पहुंचत. एहि ट्रेन मे सिर्फ स्लीपर आओर जनरल बॉगी अछि. दरभंगा के लेल एकटा आओर ट्रेन अछि 4005B आओर 4006 B. दिल्ली-दरभंगा...

ललित नारायण मिथिला विश्वविद्यालय के बर्खास्त 283 शिक्षक आओर दोसर कर्मचारी के बहाल करि देल गेल अछि. पटना हाई कोर्ट के आदेश पर विश्वविद्यालय के वीसी डॉ मिश्रीलाल यादव चतुर्थ चरण मे अंगीभूत दु टा कॉलेज केर कर्मचारी आओर शिक्षक के बहाल कs लेलखिन्ह. एहि बारे मे अधिसूचना सेहो जारी कs देल गेल अछि. 21 जून के दरभंगा के महाराजा लक्ष्मेश्वर सिंह मेमोरियल कॉलेज आओर मधुबनी के झुमुक महासेठ धर्म प्रियलाल महिला महाविद्यालय के 283 शिक्षक आओर दोसर कर्मचारी के सेवा के सुप्रीम कोर्ट के आदेश के विपरित बताबैत बर्खास्त करि देल गेल छल. एहि के बाद ई मामला हाई कोर्ट मे चलि गेल. हाई कोर्ट मे शिक्षक सभ के राहत मिलि गेल आओर बर्खास्त करय के तरीका पर आपत्ति जताबैत हिनका सभ के बहाली के आदेश देल गेल.

        मिथिलांचल के लेल एकटा नीक खबर अछि.  खबर अछि  जे आब लिच्छवी एक्सप्रेस सीता मैया केर नगरी सीतामढ़ी सं खुलल करत . अखन लिच्छवी एक्सप्रेस मुजफ्फरपुर सं दिल्ली के बीच चलैत अछि.  29 तारीख के रेल मंत्री लालू प्रसाद यादव बड़ी लाइन केर उद्घाटन आओर दरभंगा-सीतामढ़ी के बीच सवारी गाड़ी शुरू कएखिन्ह.  एहि अवसर पर लोक सभ हुनका सं मांग कएलखिन्ह जे सीतामढ़ी सं दिल्ली के बीच एकटा डायरेक्ट ट्रेन होबाक चाहि. खबर अछि जे रेल मंत्री लालूजी एहि मांग पर विचार करैत लिच्छवी एक्सप्रेस के मुजफ्परपुर सं बढ़ा कs सीतामढ़ी तक करय के बात कहलखिन्ह अ.  त चलु एकटा आओर ट्रेन आगां तक मिलल.  अगर सभ किछ नीक रहल त उम्मीद अछि जे दीपावली तक एहि ट्रेन के सीतामढ़ी तक कs देल जाएत.   एकटा आओर खबर ई अछि जे अगिला साल जून तक सीतामढ़ी सं मुजफ्फरपुर आ रक्सौल दs क दिल्ली ट्रेन चलय लागत. कहय के मतलब सीतामढ़ी सं मुजफ्फरपुर के बीच नबका रेल लाइन आओर रक्सौल के बीच बड़ी लाइन जून तक तैयार भs जाएत.

       बिहार मे खेती के बढ़ावा देबय के लेल...पैदावार...उपज बढ़यबा लेल...वैज्ञानिक तरीका सं खेती केर लाभ उठयबा लेल... बिहार सरकार एकटा योजना कर काज क रहल अछि.   कृषि वैज्ञानिक गाम केर ओर नाम सं शुरू भेल एहि योजना मे कृषि वैज्ञानिक सभ गाम मे जाs क किसान सभ के उन्नत खेती के तौर तरीका बतयथिन्ह. एहि मे किसान सभ के खेती के आधुनिक तौर - तरीका के गुर सिखायल जाएत.  पिछला दिन एहि विषय पर समस्तीपुर के बिरौली के कृषि विज्ञान केंद्र  मे एकटा समारोह भेल.  जाहि मे  कृषि वैज्ञानिक गाम केर ओर योजना के शुरुआत कएल गेल.  एहि मौका पर कृषि मंत्री के कहनाय  छलन्हि जे बिहार मे उन्नत खेती के अपार संभावना अछि.  राजेन्द्र कृषि विश्वविद्यालय जैसन संस्था खेती के आधुनिक बनाबय के दिस कार्यरत अछि.  आओर आब कृषि वैज्ञानिक गाम- गाम जा क आधुनिक खेती के... उन्नत खेती के... वैज्ञानिक खेती के प्रचार प्रसार करथिन्ह. हर पंचायत मे जा क कार्यशाला कएल जाएत.  खेती के क्षेत्र मे होय वाला रिसर्च... अनुसंधान केर बारे मे लोक के बताएल जाएत... जागरूकता लाएल जाएत.   सरकार... कृषि विज्ञान केंद्र के ई नीक पहल अछि अगर खेती के क्षेत्र मे हो...