Hello Mithila

मैथिली भाषा के अस्तित्व संकट में अछि. मैथिली पर विलुप्त होय के खतरा मंडरा रहल अछि. केन्द्र सरकार के भाषायी अल्पसंख्य्क आयोग के अनुसार मैथिली... भोजपुरी... पाली... मगही... बज्जिका आओर अंगिका भाषाक स्थिति नीक नहिं अछि. ई बड़ गंभीर बात अछि. एहि पर गंभीरता सं विचार करय के जरूरत अछि. भने हम दिल्ली में मैथिली अकादमी बनय के घोषणा होबय सं खुश होय. मुदा जखन मैथिली आ भोजपुरी भाषा नहिं रहत त अकादमी बनि क कि होयत. भने हम सभ गोटे ई कहि जे किछ नहिं होयत मैथिली के...कोनो संकट नहिं छै... मैथिली कहियो खत्म नहिं होयत... मुदा एकरा हल्का सं नहिं लेल जा सकैत अछि. अहां खुद गौर कS सकय छी जे कोनो भाषा के विकास तखने होय छै जखन बच्चा सभ के प्रारंभिक शिक्षा अपन भाषा में...मातृभाषा में देल जाई छै. मुदा कि मिथिला के कोनो स्कूल में मैथिली में पढ़ाई लिखाई होय छै???. बाजार में कोनो नीक अखबार... पत्रिका मैथिली में लोक के पढ़य के लेल अछि ? कि मिथिला भर में कोनो दोकान के बोर्ड... कोनो दफ्तर... फिल्म... प्रचार...विज्ञापन...घरक पता मैथिली में छै ? दरभंगा... मधुबनी... सहरसा... पूर्णिया... सीतामढ़ी... ...

दरभंगा में जल्दीए एकटा मॉल बनय जा रहल अछि . जे लोकनि दिल्ली ... मुम्बई ... कोलकाता ... हैदराबाद ... अहमदाबाद ... नोएडा ... या कोनो पैघ शहर गेल होताह वो मेट्रों या बड़का शहर में ओ शॉपिंग मॉल जरूर देखने होयथिन्ह . बड़ रमन चमन बनल रहय छै . एके ठाम सभ किछ मिलि जाइत अछि . घरक सभ सामान खरीदय लेल दोकाने - दोकान दौड़य के जरूरत नहिं . बस कोनो शॉपिंग मॉल में घुसु आओर घरक सभ सामान खरीद कए निकलु . सेहो बाजार सं कम दाम पर . सदिखन कोनो नहिं कोनो स्कीम चलिते रहैत अछि . चमचमाइत दोकान ... सामान स भरक दोकान ... सामान खुद देखि कय लिअ . उलटि - पलटि देखि के देखि क लिअ. पसंद नहिं अई त दोसर दिन आउ . दोसर दोकान देखु . एके छत के अंदर कइटा दोकान . बड़का बड़का ब्रांडक ... कंपनीक शो रुम ... दिल्ली बम्बई के दोकानदारी के मजा दरभंगे में मिलय त कतेक नीक लागत . ई त भेल खरीदारी के बात . एहि ठाम खाई पिबय लेल सेहो नीक दोकान सभ रहय छै . देश विदेशक खान पान के सेहो मजा लिअ ...

दरभंगा में औषधीय, सुगंधीय पौधा... फूलक खेती... मखाना और मछली पालन पर एकटा कार्यशाला भेल. एकर आयोजन नाबार्ड के सहयोग सं मिथिलांचल इंडस्ट्रियल चेंबर ऑफ कॉमर्स कएलक. कार्यशाला में किसान सभ सं कहल गेल जे पारम्परिक खेती के संग- संग वैज्ञानिक खेती पर सेहो जोर देल जाय. किसान सभ के कहल गेल जे अगर ओ जेट्रोफा... मखाना के खेती वैज्ञानिक तरीका सं करताह त हुनका अखन जतेक कमाई होई छन्हि... ओहि सं चारि-पांच गुना बेसि कमाई भS सकय छनि. एहि कार्यशाला में किसान सभ के खेती सं कमाई बढाबय के तरीका सेहो बतायल गेल. ओना पहिला लोक सभ पारम्परिक रूप सं जे खेती कय अएलाह अ तकरे करनाय नीक बुझय छथिन्ह मुदा नवका लोक सभ... युवा किसान सभ में वैज्ञानिक तरीका सं खेती करय के जागरूकता आएल अ. ओ रेडियो... टीवी... अखबार सं जानकारी लय खेती कय पैदावार बढ़ा रहल छथिन्ह. एहि के लेल ओ कृषि वैज्ञानिक सभ सं सेहो मिलय छथिन्ह. ओना एहि कार्यशाला में किसान सभ के एकटा सुझाव ई देल गेल कि अगर ओ अपन आस पास के किसान सभ के संग मिलजुलि के खेती करताह ... ग्रुप बनाSक खेती करताह त पैदावार के बेचय में ओतेक दिक्कत नहिं आयत. तखन व्यापारी सामा...

दरभंगा सहित बिहार के 14 शहर में कस्तूरबा गांधी आवासीय विद्यालय खुलत. एकर घोषणा मानव संसाधन विकास राज्यमंत्री मो अली अशरफ फातमी कएलाह. ई घोषणा ओ दरभंगा में राष्ट्रीय मुक्त विद्यालय शिक्षा संस्थान ( NIOS ) के क्षेत्रीय उप केन्द्र आओर जखन चाहु परीक्षा दिउ केन्द्र के उद्घाटन के समय कएलाह. मंत्री जी सेहो कहलथिन्ह जे देश भर में हाई स्कूल के संख्या कम होई के कारण एनआईओएस बेहतर भूमिका निभा अछि. बिहार में अखन एकर 328 सेंटर अछि.. दु साल के भीतर एकर संख्या बढ़ा कय पांत सय कए देल जायत. फातमी जी सेहो कहलथिन्ह जे जेहि शहर में अल्पसंख्यक आओर अनुसूचित जनजातिक जनसंख्या बीस प्रतिशत सं बेसि होयत ओहि ठाम कस्तूरबा गांधी आवासीय विद्यालय खोलल जायत. केंद्रीय राज्य मंत्री के सेहो कहनाय छलन्हि जे ओ योजना आयोग सं 500 सं बेसि नवोदय विद्यालय खोलय के प्रस्ताव भेजने छथिन्ह. फातमी जी बिहार खासक मिथिला में शिक्षा के क्षेत्र में विकास के लेल नीक काज कS रहल छथिन्ह. एहि समारोह में केन्द्रीय भारी उद्योग राज्य मंत्री कांति सिंह... एनआईओएस के अध्यक्ष एनसी पंत सेहो मौजूद छलाह.

एहि बेर सहरसा में कोसी महोत्सव के आयोजन 9 आओर 10 फरवरी के भ रहल अछि. एहि महोत्सव सं लोक के एहि ठामक संस्कृति आओर परम्परा जानय के मौका मिलैत अछि. एहि महोत्सव में मिथिलांचल के कोना -कोना के लोक त अबिते छथिन्ह. देश-विदेश के हजारों लोक सेहो आबय छथिन्ह. ई समारोह बड़ धूमधाम सं... बड़का स्तर पर मनायल जाइत अछि. समारोह के सफल बनाबय लेल अखने सं जोर-शोर सं तैयारी शुरू भ गेल अछि. कइटा समिति बनाबल गेल अछि. काजक बंटवारा भ गेल अछि. एहि में मिथिले टा के नहिं देश विदेशक कलाकार सभ सेहो शामिल होई छथिन्ह आओर अपन फन सं लोकक मनोरंजन करय छथिन्ह. गीत-संगीत आओर नृत्य के कार्यक्रम देखय लेल लोकक भारी भीड़ जुटैत अछि. एहि ठाम होय वाला कार्यक्रम लोक के वर्षों याद रहय छनि. महोत्सव में राष्ट्रीय स्तर के कलाकार के बुलावय लेल एहि बेर सरकार सं अतिरिक्त पाई सेहो मांगल गेल अ. महोत्सवक आयोजन नीक सं होय एहि लेल जिला के तमाम बड़का अफसर सभ दिन राति एक कय काज में लागल छथिन्ह. पुलिस प्रशासन अखने सं मुस्तैद भ गेलाह अ. महोत्सव के दौरान कई तरहक प्रतियोगिता सभ सेहो होयत अछि. ओहि में पुरुषक दौड़... महि...

सोमवार के एतिहासिक गिरावट के बाद मंगल के सेहो बाजार में भारी गिरावट जारी रहल. बाजार के बेसि गिरला के कारण सर्किट सेहो लगाबय पड़ल. एहि में ई होय छै जे बाजार अगर एक बेर में 10 फीसदी सं ज्यादा गिरय छै त कारोबार एक घंटा के लेल रोइक देल जाय छै. दिन भर सेंसेक्स... निफ्टी में भारी उतार चढ़ाव देखल गेल. मंगल के दिन लाखों लोक के लेल अमंगलकारी साबित भेल. कतेक लोक कंगाल भ गेलाह... जिंदगी भर के लाखों रुपया के जमा पूंजी स्वाह भ गेलनि. चारु कात हाहाकार मचि गेल. लोक सड़क पर उतरि गेल. बीजेपी के नेता वित्त मंत्री सं इस्तीफा देबय के मांग करय लगलाह. पार्टी के कहनाय छल जे पिछला दिन जहि तरह सं बाजार तेजी सं बढ़ल अ ओहि सं बाजार पर सट्टेबाज के कब्जा भ गेल अ. आओर सेबी आई जे ई जांच के आदेश देलक अ ओ ओकरा पहिने देबाक चाहि छल जखन बाजार ऊपर गेल छल. मुदा प्रधानमंत्री आओर वित्त मंत्री दुनु गोटे लोक के भरोसा देलथिन्ह जे देश के अर्थ व्यवस्था काफी मजबूत अछि आओर उतार चढाव बाजार के अंग अछि. अगर बाजार उपर जा रहल अछि त कहिओ नीचा सेहो आ सकय अछि. एहि स्थिति में लोक के संयम सं काज लेबाक चाही. समझदारी ...

सोमवार के शेयर बाज़ार में एतिहासिक गिरावट देखल गेल. शेयर बाज़ार में एक दिन में एतेक गिरावट कहिनो नहिं भेल छल. बाजार में पैसा लगाबय वाला लोक के करीब 6 लाख करोड़ रूपया के नुकसान उठाबय पड़ल अछि. सेंसेक्स आओर निफ्टी कोनो पुरान मकान जका भरभरा कS गिर पड़ल. कइटा शेयर जकरा आमतौर पर मजबूत मानल जाय छल ओकर हालत सेहो खराब देखल गेल. ऐहन अफरातफरी मचल कि लोक हड़बड़ी में शेयर बेचय लगला. एक समय त सेंसेक्स दु हजार सं ज्यादा अंक तक गिर पड़ल... आखिर में बंद होय के समय किछ संभलल आओर 1408 अंक के गिरावट के संग17, 605 पर बंद भेल. निफ्टी सेहो करीब पांच सय अंक गिरकय बंद भेल. बाजार में चौतरफा बिकवाली देखल गेल... कोनो खास एकटा सेक्टर के शेयर में गिरावट नहिं बल्कि हर सेक्टर के शेयर में गिरावट आयल. कहल जा रहल छै जे विश्व बाजार...खासक अमेरिकी बाजार में आयल मंदी के कारण ई गिरावट आयल अ. जानकार लोकक के सेहो कहनाय छैन्हि जे विदेशी संस्थागत निवेशक के पैसा निकालय के कारण बाजार भरभरा गेल. ओना बाजार में आयल तेजी के बाद एहि तरहल करेक्शन के आशंका लोक के पहिने सं छल जे बाजार में कहिओ एहन स्थिति आबि सकय अ. मुदा एका...

कनकनी सं मिथिलांचल के लोक परेशान अछि. ओना तिला संक्रांति के आस पास सर्दी किछ कम भेल छल मुदा फेर बढ़ि गेल अछि. दरभंगा... मधुबनी... सीतामढ़ी... लौकही के जतेक लोक सं बात भेल सभ गोटे ठंड सं परेशान छथि. अगर धूप निकलबो करय छै त हवा में एतेक कनकनी रहय छै... जे लोक के माथा आओर कान झापने कोनो गुंजाइश नहिं. गाम घर में त लोक सभ घुर तापि गप्प मारैत ठंड सं बचय के कोशिश करय छथि. मुदा नुनु सभ त मानय नहिं छथिन्ह न... ओ सभ एहि कनकनी वाला ठंड में सेहो खेलय निकलि जाइ छथिन्ह. नाक बहैत रहौ... पोटां बहैत रहौ... कोनो बात नहिं. भोर में त कुहासा ... कोहरा सं किछ दिखायतो नहिं रहैत अछि. कई ठाम त गाड़ी सभ दुर्घटना के शिकार सेहो भ जाय छै... किछ दिखबे नहिं करैत अछि. दस बारह बजे के बाद किछ फरछियाई छै. बेसि जरूरी काज नहिं रहल त लोक घरे पर रहनाय नीक समझय छथि. लोकक काम काज सभ एम्हर ओम्हर भ गेल छै. खेत में काज करय वाला... रिक्शा ठेला चलाबय वाला... मजदूरी कय कमाय खाय वाला लोक सभ परेशान छथि. एहि ठंड में काज सेहो नहिं मिलय छै. सरकार या कोनो गैर सरकारी संगठनक तरफ सं नहिं के बराबर मदद मिल रहल छै. कम्बल... कप...

अपन मिथिला सेहो धीरे-धीरे एड्स के गिरफ्त में आबि रहल अछि. एचआईवी... एड्स आब बाहर रहय वाला बिहारी मजदूर के मार्फत गाम घर में दस्तक द रहल अछि. मिथिलांचल ... बिहार के लाखों लोक बाहर रहय छथिन्ह... एहि में बेसि लोक एहन छथि जे पंजाब... हरियाणा... दिल्ली... मुम्बई... कोलकाता जैसन बड़का शहर... मेट्रो में जाS क मजदूरी करय छथि. रिक्शा... ऑटो... ट्रक चलाबय छथि. सब्जी बेचय... ठेला लगाबय के काज करय छथि. छोट छिन्ह काज कय... नौकरी कय जिनगी चलाबय छथि. महीनों घर सं दूर रहय छथि. एम्हर ओम्हर चलि जाय छथि. जरूरी उपाय नहि करय छथि. सतर्कता नहिं बरतय के कारण एचआईवी के चपेट में आबि जाय छथि. ओना बीमार पड़ला आ दोसरो कारणे खून चढ़यला सं सेहो ई बीमारी कई बेर भ जाय छै. कई बेर छोट छिन अस्पताल में खून के जांच सेहो ठीक सं नहिं होय छै आओर ओ खून जखन चढ़ा देल जाय छै त नीक लोक सेहो बीमार भय जाइत छथिन्ह. मजदूर सभ एक ठाम काज खत्म भेला पर दोसर ठाम जाS क काज करय छथि. ट्रक ड्राइवर सेहो देश भर में घुमय रहय छथि. ई लोकनि एड्स के बेसि शिकार बनय छथि. बिना कोन...

बिजली मांगब त मौत मिलत. नहिं मिलय अ त चुप रहुं... अन्हार में रहुं... दिया डिबरी जलाकए रहुं मुदा किछु बोलु नहिं... बोलब त देखिए सकय छी कि भागलपुर के कहलगांव में कि भेल अ. बिहार में आई- काल्हि बिजली के स्थिति एकदम खराब अछि. पटना के छोड़ि दोसर इलाका में दु ओ घंटा बिजली मुश्किल सं मिलय छै. बिजली देवता दिन में कखनो एक दु बेर सिर्फ दर्शन देबय लेल आबय छथिन्ह. आ दर्शन दए फेर तुरंते चलि जाय छथिन्ह. एहि सं खिसिया क लोक सभ जखन बिजली विभाग के खिलाफ सड़क पर उतरलाह त पुलिस के नीक नहिं लागल. डंडा बरसायल गेल...गोली चलायल गेल... ओना पुलिस - प्रशासन के अधिकारी के सस्पेंड क देल गेल अछि. मुख्यमंत्री नीतीश कुमार जांच के आदेश दए देलखिन्ह अ. मुदा सभसं बड़का सवाल ई अछि कि एहि सं बिजली देवता अएताह कि... नहिं. कहलगांव में पहिने त शुक्र दिन कई ठाम जाम... धरना प्रदर्शन भेल. लोक सभ तोड़ फोड़ करय लगलाह. पुलिस के सेहो मजबूरी रहय छै कानून व्यवस्था बनाबय के. मुदा एक बेर लोक जखन सड़क पर झंडा- डंडा लS क उतरय छथि त ओ दोसर के परेशानी बिसरि जाय छथिन्ह. अस्पताल में तोड़ फोड़ कएल गेल... आगि लगा ...

आखिर पर्थ में भारतीय तिरंगा लहरा गेल . लगातार 17 टेस्ट मैच जीतय के रिकी पोंटिंग के सपना ओहिना टूटि गेल जेना 2001 में स्टीव वॉ के कोलकाता में टूटल छल . लगातार 16 मैच जीत चुकल ऑस्ट्रेलिया के विजय रथ रोकय के लेल अपन कप्तान जंबों के जवान के जतेक तारीफ कएल जाय कम होयत . ऑस्ट्रेलिया के गरूर टूटि गेल . ओना त भारत एहि सं पहिने वाला सिडनी टेस्ट सेहो जीतल रहति मुदा अम्पायर के कारण भारत के हार के मुंह देखय पड़ल छल . पर्थ के पिच दुनिया के सभस तेज पिच अछि आओर ऑस्ट्रेलिया ई मानि के चलय छल जे एहि ठाम त भारत के बल्लेबाज एक के बाद एक कए पवेलियन वापस चलि जयताह ... पूरा टीम बिखड़ि जायत मुदा दुनु पारी में भारत के बनायल रन के हुनकर बल्लेबाज पाछा नहिं कए पयलाह . ऐना भेल जे पांच दिनक मैच चारिए दिन में खत्म भ गेल . लक्ष्मण आओर राहुल द्रविड़ सात साल पहिने जेना ऑस्ट्रेलिया के लगातार जीत के राह में दीवार बनल छलाह तहिना एहि बेर फेर ओ खाड़ भ गेलाह . बल्लेबाजी म...

दफ्तर में संगी सभक गप्प होयत छल. गप्प सर्दी में साइबेरिया आओर दोसर ठाम सं आबय वाला विदेशी पक्षी पर भ रहल छल. संगी सभक कहनाय छलन्हि जे हर साल सर्दी शुरू होबतहि दुर्लभ पक्षी सभ भारतक रुख करय लागैत अछि. एहि में कतेक एहन चिड़िया सभ रहैत अछि ज खत्म होय...विलुप्त होय के कगार पर अछि. ई सभ भरतपुर सं लSक दिल्ली के ओखला तक आबय अ. राजस्थान... दिल्ली सं लS क कइ ठामक गप्प भेल मुदा ओहि में बिहारक... मिथिलाक कोनो जिक्र नहिं भेल त हमरा नहिं रहल गेल. हम हुनका सभ के कहलन्हि जे अहां सभ जे कहुं मुदा मिथिला में सेहो बड़ चिड़िया सभ जाड़ में आबय छै. बरसात खत्म भेलाह के बाद जाड़ा आबय छै. आओर ओकरा बाद नदी ए नहिं पोखरि...तालाब डबरा सभ पानि सं भरल रहय छै. दरभंगा... मधुबनी... समस्तीपुर... सहरसा... पूर्णिया तक बागमती... कमला बलान... कोसी नदी के आस पासक इलाका में अहांके हजारों चिड़िया सभ मिलि जायत. कुशेश्वरस्थान... निर्मली... पटोरी मोहिउद्दीन नगर ... केवटी क रजोखर... बाढ़ि पोखर अहां जाउ त अखनो कइटा एहन दुर्लभ चिड़िया देखय लेल मिलत जे दोसर ठाम फेर देखय लेल मिलत आ नहिं मिलत . एहि चिड...

दिल्ली सं मैथिली में एकटा पत्रिका निकलय अ " मिथिला महान " ओना त ई चारि साल सं पहिने सं छपि रहल अछि मुदा एकर विमोचन किछु दिन पहिने दिल्ली में मिथिला विभूति स्मृति पर्व समारोह में केंद्रीय आईटी राज्यमंत्री डॉ शकील अहमद कएने छलथिन्ह. मिथिला महान के संपादक छथि श्री गोपाल प्रसाद जी. ऊर्जा सं भरपूर. किछ नव करय लेल उत्सुक. मिथिलाक कला- संस्कृति, पेंटिंग्स आदिक प्रचार-प्रसार के लेल गोपालजी "मिशन मिथिला" सेहो चलावैत छथि. गोपालजी के कहनाय छैनि जे सभ मिथिलावासी के अपन मिथिला भूमिक प्राचीन परम्परा पर अभिमान होबाक चाही. बदलाव केर बयार सं अपन समृद्ध परम्परा के नहिं बिसरबाक चाही. ओ चाहय छथि जे मैथिलीक पढ़ाई हर विश्वविद्यालय में होय. मैथिलीक पोथी आसानी सं लोक के मिलय. दिल्ली. मुम्बई आओक कोलकाता में मैथिल के संग भेदभाव बंद कएल जाय. दिल्ली में जहि समारोह में मिथिला महान के विमोचन भेल छल ओहि में हमहुं छलहुं. मुदा तखन पत्रिका नहिं मिल सकल छल ताहि कारणे एतेक दिन तक एकरा बारे में नहिं लिखने छलहुं. पिछला दिन गोपालजी सं हमरा पत्रिका पढय लेल मिलल. नीक प्रयास कएने छथिन्ह,...

नया साल अएला पर दोस्त सभक बधाई मिलल. हमहुं दोस्त सभ के नयका साल के मंगलमय होबय के शुभकामना देलहुं. पिकनिक मनाबय लेल दिल्ली सं बाहर गेलहुं. चारि पांच दिन मस्ती में केना गुजरि गेल पता नहिं चलल. मुदा एकटा गप्प हम अहां सभ सं शेयर करय चाहब ओ ई कि हमर संगी सभ हर साल के तरह एहि बेर सेहो कइटा शपथ...संकल्प...रिजोल्यूशन लेला. पार्टी में चाहे केतबो खएला...पिला मुदा कसम खएला जे नया साल में पिनाय बंद... आई सं शराब, सिगरेट के हाथ लगानाय बंद. इहो कसम खयलाह जे आब सेहत पर पूरा ध्यान देब...तेल मसाला कम खायब...रोज पार्क में घुमय लेल जायब...कसरत ...योग करब... परिवार के संग ज्यादा समय बितायब...बच्चा सभ के घुमाबय फिराबय लय जायब... माता पिता के संग ठीक सं पेश आयब... हुनकर सम्मान करब. मुदा अखन दसे दिन भेल अ कि सभक शपथ कतS चलि गेल पता नहिं.ओहिना पुरनका रंग ढंग. कोनो बदलाब नहिं. जे दोस्त सभ ई कसम खयले छलाह जे फिजुलखर्ची छोड़ि बचत पर ध्यान देताह ओ फिर सं सिगरेट शराब शुरू कय देलाह अ. आखिर ऐहन कसम खयला सं कि फायदा. आई कसम खयलौं आ काल्हि भूलि गेलहुं. नया साल पर कइटा लोक...

दिल्ली में रहय वाला मैथिल लोकनि के लेल बड़ खुशी के बात अछि. दिल्ली में मैथिली अकादमी बनाबय के फैसला ल लेल गेल अछि. दिल्ली के मुख्यमंत्री शीला दीक्षित के अध्यक्षता में भेल मंत्रिमंडल के बैठक में मैथिली आ भोजपुरी अकादमी के गठन पर मोहर लगा देल गेल. बैठक के बाद मुख्यमंत्री कहलथिन्ह जे अकादमी जल्दीए बनत किएक त दिल्ली में मैथिली आओर भोजपुरी बाजय वाला लोक के तादाद काफी ज्यादा अछि. सुश्री शीला दीक्षित ईहो कहलथिन्ह जे मैथिली के अपन विशेष सांस्कृतिक पहचान अछि आओर ई संविधान के आठवीं अनुसूची में शामिल सेहो अछि. मैथिली के अपन साहित्य अई. विद्यापति जैसन कविक भारतीय साहित्य के अपन अलगे योगदान अछि. मुख्यमंत्री जी के अनुसार मैथिली आओर भोजपुरी सं दिल्लीक सांस्कृतिक परिदृश्य काफी समृद्ध अछि. दिल्ली के लेल छठ पूजा एकटा अभिन्न अंग बनि गेल अछि. एहि लेल दुनु भाषा के लेल एकटा अलग अकादमी बनाबय के जरूरत छल. ओ कहलथिन्ह जे उम्मीद अछि ई अकादमी जल्दीए अपन अस्तित्व में चलि आयत. दिल्ली में बनय वाला मैथिली आओर भोजपुरी अकादमी कई तरहक कार्यक्रम, गोष्ठी आओर प्रदर्शनी आयोजित करत. दोसर भाषा के साहित्य के अनुवाद सेहो होयत ज...