हमर विआह- 8

By
श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल।

बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै।

अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत।
मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह सं निकलि जाए- वाह... सुंदर... ब्यूटी! जिनका श्रृंगार के कोनो जरूरते नै।

पढ़ाई में तेज, अपन विषय पर पकड़। दोस्ती बढ़ैत गेल। संगहि खनाए-पीनाए, पढ़नाए-लिखनाए, घुमनाए-फिरनाए, लाइब्रेरी, फिल्म, मार्केटिंग—सभ संगे। लड़का-लड़की के कोनो बंधन नै। गाम-घर सं दूर दिल्ली मे, जेना सभ बंधन सं मुक्त जिनगी।

क्लास के बाद कहियो सीपी, जनपथ, त कहियो कमला मार्केट, सरोजिनी मार्केट, लाजपतनगर मार्केट, करोलबाग, लालकिला, लोदी गार्डन, सुंदर नर्सरी, हुमायूं मकबरा, डीयर पार्क, रोज गार्डन आओर हौज खाल विलेज घुमनाए होएत रहल। हाथ मे हाथ, कन्हा पर हाथ रखने, गली-मोहल्ला मे मकई के भुट्टा, गोलगप्पा, इंडिया गेट पर भेल-पुरी आ आइसक्रीम—सभ मिल क जिनगी के स्वाद बदलि गेल छल।

प्रगति मैदान के फेयर, दिल्ली हाट के झाल-मुरही, मंडी हाउस के कार्यक्रम—दुनू गोटे के संग-संग समय बितेनाए पढ़ाई मे नव ऊर्जा भरि दैत छल। धीरे-धीरे हमर दुनू के बेसि समय संगहि गुजरय लागल। मोनहि-मन अल्का के प्रति प्रेम सेहो उमड़य लागल। हुनका बिना एक-एक पल बितैनाए कठिन लागैत छल। हुनकर गैरमौजूदगी बेचैन करए वाला होएत छल। हरदम लगैत रहय छल जे 'बैठ मेरे पास तुझे देखता रहुं...'

एहन नै जे दीवाना भ गेल छलहुं, मुदा क्लास या कोनो ठाम, जतए हुनका रहबाक चाही, नै देखैत छलहुं त लागैत छल—कखन अएतीह। एक-एक पल केर इंतजार भारी लगैत छल। हुनका संग रहला पर टाइम के पते नहि चलय छल जे केना बीत गेल।

कालेजक दिन मस्ती मे बीतैत रहल। पढ़ाई जोर सं चलि रहल छल। अल्का के संग रहला के कारण उत्साह दुगुना बनल रहैत छल। करीब आठ मास बाद आएल 14 फरवरी... वैलेंटाइन डे के दिन कॉलेज मे मस्ती के माहौल छल। स्टुडेंट सभ के बीच नव-नव जोड़ी बनि रहल छल। 

सभ अपन-अपन प्रेमक इजहार करि रहल छलाह। मुदा जखन अल्का के बारी आयल त ओ कहलीह- हम तं पहिने सं "इन रिलेशन" मे छी, लड़का मुंबई मे काज करैत अछि। ई सुनिते जेना वज्रपात भ गेल। अचानक सभ किछ बदलल लागए लागल।

अल्का के बात सुनि हम सन्न भ गेलौं आ जखन हमर बारी आयल त हमरा फुरैबे नै करल जे कि कहु... हमहुं हुनके जकां कहि देलहुं- जे हमहुं किनको संग रिलेशन मे छी आ जिनका पसंद करय छी, ओ सेहो हमरा अपने दिस के छथिन्ह। 

देखल जाउ त एहि मे कोनो गलत सेहो नहि छल। अल्का अपने दिस के छलीह। मुदा ओ बुझलीह जे हम कोनो दोसर लड़की के बात क रहल छी।खैर, एकर बादहुं अल्का के व्यवहार मे कोनो बदलाव नै आएल, मुदा हमर मन मे तं कांट चुभि गेल छल जे—ओ किनको आओर के चाहैत छथीह।

अल्का एक-दू बेर हमर मोनक थाह लेबय के कोशिश करलीह। हम कोनो-न-कोनो बहाना बना टालि दैत रहलौं—ई त बाबूजी के हाथ मे छनि, ओ जे करथिन्ह नीके करथिन्ह। अखन त अपना सभ के बस अपन भविष्य के बारे मे सोचनाय नीक रहत।

किछु दिन मे ई बात पुरान भ गेल। कॉलेज चलैत रहल। कॉलेज खत्म भेलाक बाद अल्का के चयन आईआईएम अहमदाबाद में भ गेलन्हि, आ हम जर्नलिज्म के पढ़ाई लेल एडमिशन करा लेलहुं। 

फोन, मेल, चैट-संपर्क बनल रहल। अहमदाबाद सं गाम जाए काल अल्का हर बेर दिल्ली मे हमरा सं मिलि क जाइ छलीह। छुट्टी मे हुनकर बेसि समय हमरे संग दिल्ली मे बीतैत छलन्हि।

मैनेजमेंट के बाद ओ गुड़गांव मे एकटा नीक एमएनसी मे लागि गेलीह। एम्हर हमहुं एकटा पैघ चैनल में काज करए लगलहुं। जिनगी अपन रफ्तार सं चलि रहल छल।

मुदा नौकरी के बाद पहिल होली हमरा लेल भारी रहल। होली मे गाम सं दिल्ली अएला पर ओ हमरा सं लिपैटि क जी भरि जोर-जोर सं कानय लगलीह। हम हुनकर पीठ, बाल सहलाबैत, कारण पूछैत रहलहुं, ओ फफकैत रहलीह।

कतैन-कनैत जखन मोन किछ शांत भेलन्हि त कहलीह जे हुनकर शादी अमेरिका मे रहय वाला एकटा सॉफ्टवेयर इंजीनियर सं तय भ गेलन्हि। लड़का अपने दिस के मैथिल छथीन्ह।

आब लड़खड़ाए के बारी हमर छल। एक त हुनका कानय के कारण पहिनहि सं दिलक धड़कन तेज भ गेल छल, कोनो अनहोनी के आशंका सं। हुनकर गप्प सुनि एकदम सं सन्न रहि गेलहुं।

हम एकदम सं पाथरि बनि गेलहुं। आब हमहुं कानय लगलहुं। आंखि सं लोर नै, मुदा छाती फाटि रहल छल।
 
घंटा-डेढ़ घंटा बाद मोन शांत भेल त पूछलौं-अहां त कहैत रही जे मुंबई मे काज करय वाला एकटा लड़का संग रिलेशन मे छी, फेर ई की? केना?

ओ फेर जोर सं फफैक पड़लीह- गाम-घर सं बाहर रहनाए, खास क लड़की लेल, कतेक कठिन होए छै, अहां की जानबय। दरभंगा सं दिल्ली तक मे जमीन आसमान के फर्क भ जाए छै। माहौल एकदम बदैल जाए छै। कॉलेज मे सिंगल लड़की देखलक नहि की, लड़का सभ पाछां पड़ि जाए छै। 
 
एहन मे एकेटा हथियार काज आबै छै रिलेशनशिप के... जखन लड़का सभ के पता चलए छै जे फलां लड़की ककरो संग रिलेशन मे छै, त ओ सभ ओहि लड़की के परेशान नै करय छै। अपन टाइम खराब नहि करि प्रेम-व्रेम के चक्कर मे फंसाबय के कोशिश नै करय छै। फ्लर्टिंग नै करय छै। एहि लेल ऑर्कुट, फेसबुक पर सेहो 'इन रिलेशन' लिखि देने रही। जेहि सं लड़का सभ के फ्लर्टिंग सं बचल रहलौं।
 
एहि कारण इंट्रोडक्शन के दिन हम कहने छलौं जे रिलेशन मे छी। जेहि सं कॉलेजक लड़का सभके प्रेम-प्यार के चक्कर सं बचल रहलौं। मुदा अहां त ओतेक दिन हमरा संग रहलौं...कि अहां के कहिओ बुझाइल जे हम ककरो संग रिलेशन मे छी? अहां के ई नै लागल जे हम ऐना सिर्फ लड़का सभ के दूर राखय लेल कहने छलौं। अहांके कहिओ ई नहि बुझाएल जे हम दिन-राति अहांक संग रहै छी से कि ओहिना? अहांक प्रति किछ त रहल होएत जे सभ किछ छोड़ि हम हर पल अहांक संग गुजारय चाहैत छलौं। मुदा हमर छोड़ू अहां तं रिलेशन मे छी नै?

आब हमरा नै रहल गेल। करेजा फाटि गेल। जोर-जोर सं कानय लगलहुं—हमरो त अहीं जकां हाल छल। हमरा लेल त अहीं सभ किछु रही। जखन अहां के मुंह सं इन रिलेशन के बात सुनलौं, त हमहुं ओहि झौंक मे अहीं जकां ओहने कहि देलहुं।
मुदा हमर बात में सच्चाई छल। हम कहने रही जे लड़की हमर अपने शहर दिस के छथिन्ह। अहां हमरे शहर के छलहुं आओर अहां के ल त मां-बाबूजी कहियो ना नै कहि सकय छलखिन्ह।
अल्का लेल त ई जेना करेज आ धरती दुनू फाटि गेल। ओ कहलीह- हे भगवान, ई की भ गेल। हितेन, अगर अहां एकहुं बेर अपन दिलक हाल कहने रहितौं त ई नै भेल रहैत। अहां अगर एकहुं बेर हिंट देने रहितौं त हम ई नै होए देतहुं। अहां बड्ड निष्ठुर निकलौं...

ई कहि ओ अपन दूनू हाथक मुक्का सं हमर छाती पर मारय लगलीह- आई हेट यू... आई हेट यू!

फेर अपन बैग उठा, झट द दरवाजा खोलि बाहर निकलि गेलीह। रोकय के कोशिश केलहुं, मुदा ओ हाथ छुड़ाबैत, झटकारैत, तेजी सं बाहर निकलि गेलीह।

 आओर पढ़ए लेल लिंक क्लिक करु-




 

Comments

  1. Gautam Kumar MishraNovember 7, 2010 at 6:28 PM

    great

    ReplyDelete
  2. Gautam Kumar MishraNovember 7, 2010 at 6:28 PM

    great

    ReplyDelete
  3. kanchan jhaNovember 7, 2010 at 6:41 PM

    जल्दी नवं पार्ट जल्दी रिलीज़ करू !

    ReplyDelete
  4. UnknownNovember 7, 2010 at 7:38 PM

    Gautam jee aur Kanchan jee ahanke kahani neek laagal... man gadgad bha gel. Kahani parhai lel ahank dhanyawad aur ummeed achhi aagaan seho apan vichaar san avgat karabait rahab

    ReplyDelete
  5. सुमीत के झा (Sumit K Jha)November 7, 2010 at 10:06 PM

    bhaiya jaldi jaldi likhal karu....roj check kara pade ye.....

    ReplyDelete
  6. UnknownNovember 8, 2010 at 12:08 PM

    Dhanyawad Sumit jee...

    ReplyDelete
  7. AnonymousNovember 8, 2010 at 12:18 PM

    Abhilash Thakur

    Nice one dude...Thanx for sharing.

    ReplyDelete
  8. AnonymousNovember 8, 2010 at 12:18 PM

    Hasan Jawed :
    interesting

    ReplyDelete
  9. AnonymousNovember 8, 2010 at 12:19 PM

    Vinay Kumar

    neek chal waah ....hitendra ji ahaank jarurat achi hamra lokain ke. ahun awashya visit karu "purvottarmaithil.com"

    ReplyDelete
  10. AnonymousNovember 8, 2010 at 12:24 PM

    हम नियमित रूप स' पढ़ी रहल छी
    बड्ड नीक ऐछ

    Bhawesh Nandan

    ReplyDelete
  11. AnonymousNovember 8, 2010 at 12:50 PM

    आब अहाँ अपन कहानी के किताब के रूप में प्रकाशित कराऊ ...बड्ड नीक रहतइ...आधुनिक छै

    Bhawesh Nandan
    bhavesh_nandan@yahoo.co.in

    ReplyDelete
  12. UnknownNovember 8, 2010 at 12:50 PM

    Ahank vichaar jaani mon gadgad bha gel Bhawesh jee

    ReplyDelete
  13. prasannMarch 27, 2011 at 5:30 PM

    bad nik laagal

    ReplyDelete
  14. SANDEEP KUMARApril 15, 2011 at 1:48 PM

    aainkh san lod khasay lagal padhi ke.

    ReplyDelete
  15. रेखाJuly 5, 2011 at 9:14 PM

    नवम पार्ट के इंतजार में हम सब छी. जल्दी लिखू.

    ReplyDelete
  16. sanjeetApril 15, 2012 at 1:46 PM

    bahut badhiya lagal aahak kahani

    ReplyDelete
  17. sanjeetApril 15, 2012 at 1:47 PM

    bahut neek lagal

    ReplyDelete
  18. vaibhav jhaJune 6, 2012 at 4:39 PM

    pahil pahil ver mithilak aadhunik rup saw sajal e site saw abjat bhelaw. "hamar vivah" padhi neek lagal.

    ReplyDelete

Post a Comment

Popular posts from this blog

राष्ट्र निर्माणमे राज दरभंगाक योगदानक चर्चा दिल्ली मे

By
दिल्लीक ताज पैलेस होटलमे 31 अगस्तक दिन आयोजित भव्य संगोष्ठी आ पुस्तक विमोचन समारोह मिथिला आ सम्पूर्ण भारतक सांस्कृतिक आ ऐतिहासिक चेतनाक दृष्टिकोण सं एकटा महत्वपूर्ण अवसर रहल। एहि आयोजनक मुख्य विषय छल 'भारतक आध्यात्मिक, सांस्कृतिक आ
Read more

जय हो...

By
Image
अहां सभ के स्वतंत्रता दिवस के बधाई आओर शुभकामना. Fropper.com - Indian Dating, Friendship, Romance हमर ईमेल:-hellomithilaa@gmail.com Mithila, Maithili,Madhubani Paintings, Darbhanga, Samastipur, Muzaffarpur, Sitamarhi,nepal, janakpur,kamla balan, bagmati, kusha, ahilya, border, Janki, Kosi, Purnea, Saharsa, Madhepura, Araria, Supaul, Bihar, bihari, Patna, Lalu,laloo, Nitish, Paswan, Kojagra, Kohbar, Chaurchan, Keoti, Rajnagar, Media Jobs, Career,vidyapati, geetnaad, sohar,mundan, mandan, jha, mishra, Pandey, Lal das,Singh,Sonia, Manmohan, Mamta,pranab, budget, rail,pawani,paag, makhan,bihari Ganesh, Lakshami, Bhajan, Shiva, Hanuman, Bhajan, Ranchi,Patna Hotels, hotel, Patna new, Jharkhand, Bhagalpur, BSEB,, Motihari, Examination board, LNMU, University,Bihar board, Bihar Flood, Kosi River, Bihar Result, Tourism, Kumar, Gaya, Minister, Maithili songs, maithili song, Blogspot, Parameter, Browser, Head, Post, filter, form, html, field, content, prasad,pooja, yoga
Read more

नैका बंजारा

By
Image
गाम घर में त दुर्गा पूजा...इंद्र पूजा...सरस्वती पूजा... चित्रगुप्त पूजा के अवसर पर नाटक देखबाक लेल मिल जाइत छल...मुदा गाम घर से बाहर निकलला पर...सेहो बिहारक बाहर... दिल्ली, एनसीआर जइसन जगह में मैथिलीक कोनो नाटक...गीतनादक कार्यक्रम देखबा लेल कमे मिलैत अछि...आओर जों देखबाक लेल मिलैत अछि त वो एकटा सुखद अहसास स कम नहिं होयत अछि...ओना दिल्ली, नोएडा में मैथिली के आन कार्यक्रम...विद्यापति समारोह सभ होयत रहय छै...मुदा कार्यक्रमक बीच अंतराल एतेक होयत अछि जे पूछु नई... खैर बहुत दिनक बाद मैथिल लोकनि के दिल्ली में एकटा बढ़िया नाटक देखबाक लेल मिलल...दिल्ली के मंडी हाउस इलाका में मैथिली के प्रसिद्ध साहित्यकार ब्रजकिशोर शर्मा मणिपद्म जीक उपन्यास पर आधारित नाटक नैका बंजारा क मंचल कएल गेल... मिथिला में नैका बंजारा लोक कथाक रूप में प्रचलित अछि...एकरा ब्रजकिशोर शर्मा मणिपद्म जी उपन्यासक रूप देने छथिन्ह...जाहि लेल हुनका साहित्य अकादमी पुरस्कार स सेहो सम्मानित कएल गेल ...एहि उपन्यास के नाटकक रूप देला कुमार शैलेन्द्र जी...मैथिल दर्शक स भरल ऑडिटोरियम में मैथिली नाटक देखनाय लोकक लेल सुखद छल... ध्वनि आ प्रका...
Read more

प्रसिद्ध नाटककार महेंद्र मलंगिया जी भेलाह एकटा आओर सम्मान सं सम्मानित

By
Image
प्रसिद्ध मैथिली नाटककार महेंद्र मलंगिया जी एकटा आओर सम्मान सं सम्मानित भेलाह। मलंगिया जी के रविदिन, 18 सितंबर के नेपालक राजधानी काठमांडू मे ‘हरिप्रसाद कल्याणी रिमाल नाट्यसंगीत पुरस्कार सं सम्मानित कयल गेलन्हि। मैथिली भाषा साहित्य नाट्यसर्जक आ निर्देशक महेंद्र मलंगिया जी मधुबनी जिलाक मलंगिया गाम के रहय वाला छथिन्ह। हिनका एहि सं पहिने मैथिली भाषाक प्रतिष्ठित प्रबोध सम्मान, पाटलिपुत्र सम्मान, विद्यापति सेवा संस्थान सम्मान, रंग रत्न उपाधि
Read more

दिल्ली मे भेल मिथिला महोत्सव आओर मैथिली साहित्य महोत्सव

By
Image
दिल्ली के प्रेस क्लब ऑफ इंडिया मे शनि दिन, 12 नवम्बर के मिथिला महोत्सव-6 आ मैथिली साहित्य महोत्सव-3 के आयोजन कएल गेल। मैथिल पत्रकर ग्रुप द्वारा प्रेस एसोसिएशन, प्रेस क्लब ऑफ इंडिया आ ओखला प्रेस क्लब के सहयोग स एहि कार्यक्रम केर आयोजन कएल गेल। आयोजनक शुरुआत मैथिली साहित्य महोत्सव ३ सं भेल। साहित्य महोत्सव के दू सत्र मे दूटा विषय पर चर्चा भेल, ‘हवाई जहाज दरभंगा पहुँचला पर मिथिलाक विकास केँ कतेक पाँखि भेटल’ आ
Read more

हमर विआह-9

By
अल्का के गेलाह के बाद, जिनगी एकदम सं सुनसान, वीरान जकां भ गेल। हम रोज हुनका सं बात करय के कोशिश करैत रहलौं—फोन करैत रहलौं, मैसेज पठबैत रहलौं, मुदा हर बेर ओ चुप्पी साधि लैत रहलीह। कोनो जवाब नै।  हुनकर आवाज सुनय के आस मे दिन मे कई बेर फोन लगाबैत रहैत छलौं, मुदा ओ हर बेर फोन काटि दैत रहय छलीह। हुनका देखय आ मिलय केर चाह मे अहमदाबाद तक गेलहुं, मुदा ओ हमरा संग खुद अपना सं एतेक नाराज भ गेल छलीह जे ओ मिलय तक सं इनकार करि देलीह। ओहि दिन के बाद फेर कोनो संपर्क नहि रहल। किछु दिन बाद पता चलल जे हुनकर शादी भ गेलन्हि। ओ आब हमर दुनिया सं बहुत दूर, सात समुंदर पार यूएस चलि गेलीह। ई खबर सुनि, मोन के भीतर किछु टुटि गेल। फेर हुनका सं संपर्क करय के कोनो कोशिश नहि कएलौं। दिन-राति आब त बस ओहि याद मे बीतय लागल। कोनो काज मे मोन नहि लागए, बस अपना-आप सं भागैत, भीड़ मे रहितौं अकेलापन के अनुभव करैत रहलौं। किछ दिन छुट्टी ल क एक तरहे डेरा मे बंद भ गेलौं। हंसी-मजाक करय वाला हम, धीरे-धीरे गंभीर आ देवदास जकां बनि गेलौं। जिनगी के सभ रंग फीका पड़ि गेल। ऐना कतेक दिन करतौं। समय के संग-संग, धीरे-धीरे अपन आप के सम्हारय क...
Read more

हमर विआह-11

By
गप्प भेलाह बाद  बाबूजी  किछु शांत भेलाह, मुदा मां के बेचैनी कम नहि भेलन्हि। ओ बार-बार बाबूजी के टोकैत रहलीह- अहां त एकरा एकदम हल्का सं लेने छियै। कनि सीरियस भ क सोचिऔ। कनिओ ध्यान नहि द रहल छी, एकदम सं अनठिएने छियै। मां के चिंता दिन-ब-दिन बढ़ैत जा रहल छल। ओ कहैत रहलीह—सभ किछु अपन समय पर नीक लगै छै। अखन नै विआह करबन्हि त कहिया करबन्हि? बूढ़ाs जाएत तखन करबन्हि? बौआ केर संग तुरिया के सभ लड़का सभके घर बसि गेल छैनि, नेना-भुटका सेहो भ गेल छैनि।   नहि होए छै त अहां खुद दू दिन लेल दिल्ली चलि जाउ। जाउ, नीक सं बात क लिअ। नहि त बौआ के बुला लिअ। काम-काज नीक सं चलिए रहल छनि...फेर कोन दिक्कत छनि?   अहां बौआ के दोस्त सभ सं सेहो किएक नै बात करय छिएन्हि? अखन विआह करय के उमर छनि। शोभा-सुन्दर के सेहो एकटा समय होए छै। आब त एहन भ गेल जे मां दिन भरि मे चारि-पांच बेर बाबूजी के सामने एहि बात के छोड़ि दैत छलीह। बाबूजी चुपचाप सुनैत, मुदा भीतर-भीतर ओहो परेशान भ उठलाह। संयोग सं एहि बीच मामा जी सेहो घुमैत-फिरैत गाम पहुंचि गेलाह। खाना खाए काल मां हुनका सामने सेहो एकर जिक्र क देलखिन्ह। दिल्ली वाला ...
Read more

Sri Sri addresses former Nobel Peace laureates

By
Image
World renowned spiritual and humanitarian leader and founder of the Art of Living His Holiness Sri Sri Ravi Shankar on Thursday stressed upon the power of dialogue in resolving conflicts in the world. Addressing the government-sponsored Point of Peace Summit, a meeting between former Nobel Peace Prize laureates and conflict solution experts, in Stavanger, Norway Sri Sri emphasised how effective mediation can bring warring parties to dialogue. "There is a great need for dialogue and for creating mediators. The role of a mediator is vital and he needs to play the role of a catalyst without imposing himself," he said. Addressing the highly-qualified audience of world renowned leaders of peace, Sri Sri elucidated how he and Art of Living work to reform violent tendencies and promote dialogues all over the world. Citing stress as the root cause of conflicts in the world, he emphasised the need for mechanisms for ge...
Read more

भाई बहिन केर प्रेमक पावनि सामा-चकेवा...

By
Image
भाई-बहिन... पति-पत्नी केर प्रेमक पावनि सामा-चकेवा दिल्ली मे धूमधाम सं मनाएल गेल. दिल्ली के बिरला मंदिर वाटिका परिसर गाम-घरक आंगन-दलान मे बदलि गेल छल. माए-बहिन के उल्लास सं भरल छल पूरा वाटिका परिसर. हम सभ सेहो एकठाम एतेक मैथिल लोक के देखि खुश छलहुं. दिल्ली मे रहितहुं गाम मे पहुंचि गेलहुं. दिल्ली मे रहय वाला नेना-भुटका-बुच्ची सभ के लेल त ई एकटा नवका अनुभव छलन्हि. एहि ठाम आबि लोक के लगलन्हि जे ई सभ होनाए कतेक जरूरी अछि. किएक त एहिठाम आएल सय मे सं नब्बे लोक के सामा-चकेवा के बारे मे नीक सं पता नहि छलन्हि जे ई किएक मनाएल जाएत अछि. अपन मिथिला... बिहार के लाखों लोक गाम-घर सं दूर रहय छथिन्ह. नौकरी... काम-काज के सिलसिला मे बाहर रहय के कारण बाहरे घर-द्वार... मकान बना लेने छथिन्ह... आ फेर खरीद लेने छथिन्ह. बाहर रहय वाला लोक अपन परिवार के सेहो अपने संग राखय छथिन्ह जेहि कारण हुनकर बाल-बच्चा गाम घर मे होए वाला सामा-चकेवा... जितिया... चौरचन... मधुश्रावणी... जूड़िशीतल... कोजगरा के बारे मे नीक सं नहि जानए छथिन्ह. दोसर के की कहल जाए अपन हाल सेहे अछि. गाम -घर स दूर... सभ किछ सं दूर... पावनि-त्योहार सं...
Read more