अजीत सरकार हत्या मामला मे पप्पू यादव बरी

मधेपुरा सं आरजेडी के पूर्व सांसद पप्पू यादव हत्या केर एकटा मामला मे बरी भ गेलाह. सीपीएम नेता अजीत सरकार हत्या मामला मे पटना हाई कोर्ट हुनका सबूत के अभाव मे बरी कएलखिन्ह.

राजेश रंजन उर्फ पप्पू यादव के संग राजन तिवारी आओर अनिल यादव के सेहो बरी करि देल गेलन्हि. तीनू गोटे के हत्या केर मामला मे एहि सं पहिला निचली अदालत मे उम्रकैद के सजा मिलल छलन्हि.

ओना हत्या के एहि मामला मे राजन तिवारी आओर
अनिल यादव पहिने सं बेल पर छलखिन्ह.

हाई कोर्ट के कहनाए छल जे हिनका सभ के खिलाफ यदि दोसर आओर मामला नहि अछि तं हिनका सभ के रिहा करि देल जाए.

पप्पू यादव चारि बेर 1991, 1996, 1999 आओर 2004 मे एमपी रह चुकल छथिन्ह .

सीपीआई विधायक अजीत सरकार केर पूर्णिया मे 14 जून 1998 के गोली मारि क हत्या करि देल गेल छलन्हि. ओ कार सं जा रहल छलखिन्ह कि गोली मारि क हुनकर हत्या करि देल गेलन्हि.

एहि हमला मे हुनकर ड्राइवर आ एकटा पार्टी कार्यकर्ता सेहो मारल गेल छलन्हि.

बिहार पुलिस केर जांच पर काफी हो हल्ला भेलाह पर एकर जांच सीबीआई के द देल गेल छल.

अजीत सरकार के पत्नी माधवी सरकार जीक कहनाए छनि जे ओ एहि फैसला के खिलाफ सुप्रीम कोर्ट मे जएतीह.

पप्पू यादव आओर दोसर लोक के बरी भेलाह सं ई सवाल उठि रहल अछि जे अगर ई सभ एहि मामला मे दोषी नहि छथिन्ह तं आखिर के अछि?

आखिर सरकार के हत्या के करलक? कि एहि मामला मे बिहार पुलिस आओर सीबीआई नाकाम साबित रहल? कि कहिओ एहि मामला मे दोषी के सजा मिल पाएत?

Comments

हमर विआह- 8

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...

फर्स्ट आउ छात्रवृत्ति पाउ

बिहार सरकार के तरफ सं एकटा छात्रवृत्ति योजना शुरू कएल गेल अछि. एहि मे एससी... एसटी, अल्पसंख्यक आओर अत्यंत पिछला वर्ग सं मैट्रिक मे फर्स्ट आबय वाला विद्यार्था के 10 हजार रुपया के छात्रवृत्ति देल जाएत. एकर शुरूआत मुख्यमंत्री नीतीश कुमार जी पटना मे किछ छात्र के 10 हजार रुपया के चेक द कएलखिन्ह. अहांके कि लगैत अछि कि ई एकटा नीक कदम अछि? कि एहि सं बेसि सं बेसि विद्यार्थी पढ़ाई-लिखाई के तरफ ध्यान देताह ? कि ई राज्य मे साक्षरता लाबय के दिशा मे नीक पहल अछि? आ फेर एकरो हाल दोसर योजना के जकां रहत? सरकार एहि सं पहिनहुं चरवाहा विद्यालय... साइकिल योजना... मिडडे मील नहि जाने कि कि चलाबैत अछि...कि एकरो हाल ओकरे जकां होएत? अहां सभ अपन-अपन विचार जरूर राखु आओर इहो बताउ जे शिक्षा क्षेत्र मे बेहतरी के लेल सरकार के आओर कि- कि करबाक चाही? Mithila News Fropper.com - Indian Dating, Friendship, Romance हमर ईमेल:-hellomithilaa@gmail.com Mithila, Maithili,Madhubani Paintings, Darbhanga, Samastipur, Muzaffarpur, Sitamarhi,nepal, janakpur,kamla balan, bagmati,Janki, Kosi, Purnea, Saharsa, Madhepur...

सौभाग्य मिथिला : मैथिलीक अपन चैनल

मैथिली के चौबीसों घंटा वाला अपन चैनल 18 जून सं शुरू भs रहल अछि. चैनल के नाम अछि सौभाग्य मिथिला . मिथिला... मैथिलीक लेल ई नीक खबर अछि. करीब पांच करोड़ मैथिल के लेल ई मैथिलीक पहिल मनोरंजन चैनल होएत. लाइन मे किछ आओर चैनल अछि मुदा किछ एहन पेंच... कारण अछि जेहि सं ओ ऑन एयर नहि भS रहल अछि. सौभाग्य मिथिलाक तैयारी अखन जोर-शोर सं चलि रहल अछि. चैनल के काज देख रहल छथिन्ह प्रफुल्ल कुमार मिश्रजी. प्रफुल्लजी करीब 14 साल सं टीवी सं जुड़ल छथिन्ह. आओर सौभाग्य मिथिला के धरातल पर लाबय लेल दिन-राति एक कएने छथिन्ह. प्रफुल्ल जीक संग चैनल सं कइटा आओर अनुभवी लोक सभ जुड़ल छथिन्ह जे मिथिला... मैथिल सभ्यता... संस्कृति आओर साहित्य के लोक के बीच पहुंचाबय लेल प्रयासरत छथिन्ह. प्रिंट पत्रकारिता आओर रंगमंच सं जुड़ल कुमार शैलेन्द्र जी चैनल के प्रोग्रामिंग देख रहल छथिन्ह. उम्मीद करबाक चाही जे ओ नीक-नीक कार्यक्रम लsक अएताह. कईबेर हुनकर नाटक देखय के मौका मिलल अछि. नीक काज करय छथिन्ह. सौभाग्य मिथिला पर भोर मे 6 बजे सं लs क राति साढ़े दस बजे धरि अहां के नबका-नबका कार्यक्रम देखायल जाएत. राति मे अहां दिनका किछ नीक कार्यक्रम...

Hello Mithila

Search This Blog