ब्रिटिश एयरवेज में आतंरिक कलह

By Jyoti Sunit June 02, 2010

ब्रिटिश एयरवेज के कर्मचारी दोसर बेर पाँच दिनक बंद पर चली गेल अछि | मंगल दिन जे समझौतापूर्ण बात होय वला छल से वृहस्पति दिन लेल स्थगित भय गेल अछि | मतभेदक मुख्य कारण अछि कंपनी द्वारा कर्मचारी कम करेइके निर्णय | बी ए ई निर्णय लेने छल जे लम्बा दूरी वला हवाई जहाज में पंद्रह के स्थान पर चौदह टा कर्मचारी रहत तथा केबिन सेवा निरीक्षक , सबस उच्च स्तर के अधिकारी केवल निरिक्षण नहीं बल्कि भोजन परोसै के काज सेहो करता| कार्यकर्ता सबके आमदनी में सेहो कोनो बढ़ोतरी अहि साल नहीं भेल अछि|

आर्थिक मंदी, आएसलैंड के ज्वालामुखी तथा अहि आतंरिक समस्याक कारण कम्पनी के अत्यधिक हानि भेलैया | कम्पनी लगातार ई दोसर साल रिकॉर्ड हानि के भागी बनल अछि| कथनानुसार कम्पनी के अहि सब स १०५,०००,००० (१०५ मिलियन ) ब्रिटिश पौंड के हनी भेल छाही जाही में ४३, ०००, ००० (४३ मिलियन) ब्रिटिश पौंड के नुकसान केवल मार्च के बंदी के कारण भेल छही | बी ए के कहब छ्ही जे बंद में ७० प्रतिशत लम्बा दूरी के हवाई जहाज तथा ५५ प्रतिशत नजदीकक हवाई जहाज चलित रहय| आगाँ ज स्ट्रायक चलैत रहले त कंपनी लम्बी दूरी के जहाज के संख्या ८०% तक तथा नजदीकक जहाजक संख्या ६०% तक बर्हबक प्रयास करत | आशा छ्ही जे साऊथ अफ्रीका में होय वला सोकर (फुटबाल) विश्वकप के एक सप्ताह पहिने ५ जून क बंदी समाप्त भा जयतय| अहुना कंपनी साऊथ अफ्रीका के सबटा हवाई जहाज चालू रखतै |

कम्पनी के अहि तरहक आतंरिक कलह स सामान्य जनता के काफी परेशानी भा रहल छही जे की कंपनी के छवि पर जरुर नकारात्मक असर देतै| नवीनतम जानकारी हेतु यात्री सबके परामर्श देल गेल अछि जे कंपनी के वेब साईट के देखैत रहू|

हमर ईमेल:-hellomithilaa@gmail.com

Comments

हमर विआह- 8

By Unknown November 08, 2010

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...

मिथिला पेंटिंग ट्रेनिंग सेंटर

By Unknown September 29, 2010

हमर गाम केवटी मे मिथिला पेंटिंग ट्रेनिंग सेंटर खुली रहल अछि. गाम के लेल ई बड़ नीक गप अछि. एहि सं दरभंगा-मधुबनी जिला के एकटा बड़का इलाका के लोक फायदा उठा सकय छथिन्ह. किएक त हमर गाम दरभंगा आओर मधुबनी जिला के बीच मे अछि. केवटी द क दरभंगा सं नेपालक सीमा जयनगर के जोड़य वाला नेशनल हाइवे सेहो जाएत अछि. हमर गामक हाईस्कूल मे अखनो इलाका के 10-12 किलोमीटर तक के छात्र पढ़य आबय छथिन्ह. ओना जखन हम स्कूल मे छलहुं तखन कहि सकय छी 50-50 किलोमीटर दूर तक के छात्र एहि ठाम पढय आबय छलखिन्ह. ओहि टाइम एहि ठाम छात्रावास के नीक व्यवस्था छल. सुदिष्ठ झा जीक समय केवटी स्कूल के पूरा दरभंगा-मधुबनी जिला मे एकटा अलग प्रतिष्ठा प्राप्त छल. आब गाम मे मिथिला पेंटिंग ट्रेनिंग सेंटर खुली रहल अछि. एहि सेंटर के खोलय के शुभ कार्य करय जा रहल छथिन्ह राम कुमार दास जी. राम कुमार दास जी रिटायर माइनिंग इंजीनियर छथिन्ह. दास जी अखन 65 साल के छथिन्ह. दस साल के उम्र मे गाम सं पढ़ाई-लिखाई... नौकरी के सिलसिला मे जे बाहर निकललखिन्ह तं आब 55 साल बाद फेर सं गाम वापस आबय के मौका मिललन्हि. पढ़ाई-लिखाई आ नौकरी लेल गाम सं निकलला पर कई बेर लोक म...

मैथिली के चौबीसों घंटा वाला अपन चैनल 18 जून सं शुरू भs रहल अछि. चैनल के नाम अछि सौभाग्य मिथिला . मिथिला... मैथिलीक लेल ई नीक खबर अछि. करीब पांच करोड़ मैथिल के लेल ई मैथिलीक पहिल मनोरंजन चैनल होएत. लाइन मे किछ आओर चैनल अछि मुदा किछ एहन पेंच... कारण अछि जेहि सं ओ ऑन एयर नहि भS रहल अछि. सौभाग्य मिथिलाक तैयारी अखन जोर-शोर सं चलि रहल अछि. चैनल के काज देख रहल छथिन्ह प्रफुल्ल कुमार मिश्रजी. प्रफुल्लजी करीब 14 साल सं टीवी सं जुड़ल छथिन्ह. आओर सौभाग्य मिथिला के धरातल पर लाबय लेल दिन-राति एक कएने छथिन्ह. प्रफुल्ल जीक संग चैनल सं कइटा आओर अनुभवी लोक सभ जुड़ल छथिन्ह जे मिथिला... मैथिल सभ्यता... संस्कृति आओर साहित्य के लोक के बीच पहुंचाबय लेल प्रयासरत छथिन्ह. प्रिंट पत्रकारिता आओर रंगमंच सं जुड़ल कुमार शैलेन्द्र जी चैनल के प्रोग्रामिंग देख रहल छथिन्ह. उम्मीद करबाक चाही जे ओ नीक-नीक कार्यक्रम लsक अएताह. कईबेर हुनकर नाटक देखय के मौका मिलल अछि. नीक काज करय छथिन्ह. सौभाग्य मिथिला पर भोर मे 6 बजे सं लs क राति साढ़े दस बजे धरि अहां के नबका-नबका कार्यक्रम देखायल जाएत. राति मे अहां दिनका किछ नीक कार्यक्रम...

Search

Hello Mithila