प्रेस क्लब ऑफ इंडिया

By Unknown October 26, 2009

दिल्ली मे भेल प्रेस क्लब ऑफ इंडिया के चुनाव मे हमर पैनल कामयाब नहि भ पाएल. पुष्पेंद्र कुलश्रेष्ठ आओर परवेज अहमद के पैनल फेर सं जीत गेल. हमर नदीम-केसरी पैनल भने चुनाव नहि जीतल मुदा टक्कर कांटा के रहल. कई बेर त लागल जे एहि बेर सत्ता बदलि जाएत. किएक त पुष्पेन्द्र पैनल लगातार चारिम बेर सत्ता पर काबिज भेल अछि. कई बेर एहन भेल जे अंतर एक–दू के रहल. खैर अहां सभ के नीक समर्थन मिलल. एहि लेल अहां सभ के बहुत-बहुत धन्यवाद. छठ नहि रहैत त अहां सभक किछ आओर वोट मिलैत आओर तखन नजीता किछ आओर भ सकैत छल. चलु एहि बेर नहि अगिला बेर सही.

बेस्ट ऑफ लक...

Fropper.com - Indian Dating, Friendship, Romance

हमर ईमेल:-hellomithilaa@gmail.com

Comments

हमर विआह- 8

By Unknown November 08, 2010

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...

Search

Hello Mithila