फर्जी डिग्गी बेच प्रिंसिपल बनला करोड़पति!

By Hitendra Gupta April 26, 2014

पटना मे एकटा संस्कृत कॉलेज के प्रिंसिपल के घर आओर दफ्तर पर छापा मारि तीन करोड़ के संपत्ति जब्त कएल गेल अछि.

छापामारी बिहार पुलिस के आर्थिक अपराध शाखा...इकनॉमिक ऑफेंस यूनिट के तरफ सं कएल गेल.

सरकारी संस्कृत कालेज के प्रिंसिपल अनिल कुमार ईश्वर के जेहि संपत्ति के सीज कएल
गेल अछि ओहि मे पटना के दूटा मकान, बाबाधाम देवघर के एकटा फ्लैट आओर ग्रेटर नोएडा के तीनटा फ्लैट शामिल अछि. एहिके साथ तीन एकड़ जमीन के सेहो जब्त कएल गेल अछि.

हिनका एहिठाम सं कइटा कॉलेज आओर विश्वविद्यालय के फर्जी सर्टिफिकेट आओर मोहर सेहो सीज कएल गेल. कहल जा रहल अछि जे कॉलेज मे पढ़ाबय सं पहिने ईश्वरजी स्टूडेंट सभ के सर्टिफिकेट आओर मार्कशीट दिलाबय के काज करय छलाह.

पुलिस के प्रिंसिपल साहेब के 50 सं बेसि बैंक अकांउट से सेहो पता चलल अछि. अखन ई पता नहि चलल अछि जे एहि अकांउट मे कतेक पाई राखल अछि.

प्रिंसिपल ईश्वर जी के खिलाफ केस दर्ज करि लेल गेल अछि.

Comments

हमर विआह- 8

By Unknown November 08, 2010

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...

जकर डर छल, सेहे भेल। पार्टी मे आएल किछु महिला सभ लेल त जेना मुंह मांगल मुराद पूरा भ गेलन्हि। गाम-घर के माए-बहिन सभ के जखन शहरक कोनो मसाला मिलि जाए छनि, त ओकरा चटकारा ल क सुनाबए मे कोनो कसर नहि छोड़ै छथिन्ह। पार्टी खत्म भेल, मुदा कानाफूसी शुरू भ गेल। मामला दिल्ली सं वाया रिश्तेदारी गाम तक पहुंचि गेल। सभ ठाम गप्प के केंद्र बनि गेल अल्का के हमरा सं चिपैट जनाए। अगर ई चिपटनाए कॉलेज मे भेल रहैत, त आम बात रहैत। मुदा मिथिलाक समाज मे, गाम-घर के लोक के बीच, ओहो मे एकटा विआहल महिला के—ई बात सभक लेल हजम करनाए कठिन छल। एक सं दोसरा, दोसरा सं तेसरा—बात फैलैत-फैलैत हमर गाम तक पहुंचि गेल। मां-बाबूजी के कान मे सेहो पड़ि गेल। पंडित जी के कान मे सेहो। मां-बाबूजी जतबा चिंतित, पंडितजी ओतबा उत्साहित। ओ सीधा हमर घर पहुंचि गेलाह, आ अपन पक्ष राखए लगलाह—हमरा प्रति लोक के भड़काबय के जतेक कोशिश होएत अछि, सब करय लगलाह। मुदा बाबूजी संयमित स्वर मे पंडित जी से कहलखिन्ह- एक त हमर बेटा चिपटल नहि, दोसर ओ लड़की विआहल छथीह, नीक परिवार के छथीह, आओर दिल्ली मे पढ़ि-लिखि क अमेरिका मे रहय छथीह। जतए गला मिलनाए साधारण बात छी। दून...

Search

Hello Mithila