बीजेपी एमपी के जान सं मारय के धमकी

By Unknown May 19, 2013

बिहार मे कानून-व्यवस्था के स्थिति फेर सं खराब भ रहल अछि. आएल दिन किछ न किछ कांड भ रहल अछि.

ताजा मामला अररिया सं बीजेपी एमपी प्रदीप कुमार सिंह के मिलल जान सं मारय के धमकी के अछि.

प्रदीप कुमार जीके मोबाइल पर फोन क हुनका सं दस करोड़ टका के रंगदारी
देबय के मांग करल गेल. रंगदारी नहि देबय पर जान सं मारय के धमकी देल गेल.

धमकी मे कहल गेल जे दस करोड़ टका नहि देलाह पर हुनकर मकान के बम सं उड़ा देल जाएत.

धमकी वाला फोन आबय के टाइम प्रदीप जी पटना मे छलखिन्ह. जेहि के बाद ओ पटना के कोतवाली थाना मे एकटा मामला दर्ज करा देलखिन्ह.

सांसद केर मामला होए के कारण पुलिस तुरंत हरकत मे आबि एहि मामला के जांच शुरू करि देलक अछि. फोन के कॉल डिटेल के सेहो जांच कएल जा रहल अछि.

कहल जा रहल अछि जे एमपी साहेब के धमकी देबय वाला आदमी अछि अररिया जेल मे बंद दिनेश राठौर. मुदा एहि बारे मे कछि साफ नहि कहल जा सकैत अछि.

कहल तं इहो जा रहल अछि जे प्रदीप जी के एहि सं पहिनहुं रंगदारी के धमकी मिल चुकल छनि. दू साल पहिनहुं हुनका सं एक बेर एसएमएस भेज कs आओर दोसर बेर चिट्टी भेज क रंगदारी मांगल गेल छल.

Comments

मैथिल नववर्ष जूड़शीतल- सतुआइन केर शुभकामना

By Hitendra Gupta April 14, 2015

हमर विआह- 8

By Unknown November 08, 2010

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...

Search

Hello Mithila