आब सभ ब्लॉक के अपन अलग वेबसाइट होएत

By Unknown March 29, 2012

आईटी के क्षेत्र मे बिहार के लेल नीक खबर अछि. बिहार एहि क्षेत्र मे आगां बढ़ि रहल अछि. सरकार के नवका कोशिश बिहारक हर ब्लॉक के अपन वेबसाइट बनाबय केर अछि.

बिहार मे 534 ब्लॉक अछि. एहि हिसाब सं 534 ब्लॉक के सरकारी वेबसाइट बनत. एहि वेबसाइट पर सरकार के जतेक स्कीम...योजना चलि रहल अछि ओकर जानकारी लोक के देल जाएत.

सरकार के तरफ सं लोक सभ के कल्याण... सुविधा... विकास के
लेल जे काज कएल जा रहल अछि ओकर जानकारी देल जाएत.

चूंकि आब हर ब्लॉक के वेबसाइट होएत तं अहां अपन ब्लॉक ने चलय वाला स्कीम के जानकारी एहि पर तुंरत देखि सकय छी. कोन स्कीम मे कतेक पाइ देल गेल...कतेक खर्च भेल आ कतेक काज बाचल अछि.

वेबसाइट के इंटरएंक्टिव सेहो बनाएल जाएत. अहां एहि पर अपन शिकायत..फीडबैक सेहो द सकय छी.

एक बात ई सेहो तय अछि जे जखन एतेक वेबसाइट बनत तखन एहि सं जुड़ल लोक के रोजगार सेहो
मिलतन्हि. डाटा इंट्री...कंप्यूटर ऑपरेटर...वेब डेवलेपर...प्रोग्रामर सभ के सेहो काज मिलतन्हि. ई तं रोजगार लेल नीक अछि.

वेबसाइट पर सरकार के तरफ सं काज शुरू अछि. आईटी विभाग के लोक सभ जोर-शोर सं अपन काज करि रहल छथिन्ह. एक बेर ई काज पूरा भेल नहि कि फेर पंचायत स्तर पर वेबसाइट के इंतजार करय लेल तैयार रहुं.

Comments

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...