Skip to main content

दिल दिल्ली दरभंगा लेल 23 मार्च के प्रेस क्लब मे बैसार

By

दिल दिल्ली दरभंगा... ई एकटा अभियान अछि अपन दरभंगाक गौरव के वापस लाबय केर. दरभंगा शहर सं अपना सब के कइटा याद जुड़ल अछि. अपना सभ दरभंगा के माटि पानि ने पलि क पैध भेल छी.

अपन दरभंगा माछ...पान...मखान...मिथिला पेंटिंग के लेल दुनिया मे मशहूर अछि. एहिठाम के लोक अपन शहद सं भरल बोलि के लेल
जानल जाए छथिन्ह.

दरभंगा राज... टावर चौक... लहेरियासराय... बेला पैलेस ...नरगौना पैलेस सं ल क लक्ष्मीसागर तक...गुदरी बाजार सं ल क बेंता चौक तक. पूनम सिनेमा सं ल क लाइट हाउस तक.

ई त भेल दरभंगा शहर... सैकड़ों गाम सं हम सभ दिल्ली... मुम्बई... कोलकाता... बंगलौर... सूरत आओर लुधियाना केर विकास मे योगदान द रहल छी. एतबे नहि देश-दुनिया मे दरभंगा...मिथिलाक नाम रौशन करि रहल छी.

मुदा पिछला किछ दिन स एहन भ रहल अछि जे अपन दरभंगा...मधुबनी केर नाम दोसरे कारण सं चर्चा मे अछि. दरभंगा केर नाम आब आतंकी गतिविधि आओर आतंकी के पनाह देबय के कारण देश दुनिया मे बदनाम भ रहल अछि.

ओ दरभंगा जे सदिखन शांत रहल...अपराध...हिंसा सं जकर कोनो नाता नहि रहल आई ओ दरभंगा आंतक के कारण लोक के जबान पर अछि. दिल्ली मुम्बई आओर दोसर ठाम भेल आतंकी हमला... बम विस्फोट मे दरभंगा के लोक के नाम आ रहल अछि.

दिल्ली...मुम्बई के पुलिस दरभंगा से लोक के पकड़ि क ल जा रहल अछि. कइटा लोक के संबंध आतंकी घटना मे बताएल जा रहल अछि.

अगर हम दरभंगा के लोक सभ अखनो नहि ध्यान देब त ई मामला गंभीर रूप धरि सकैत अछि. एहि सभ पर चर्चा के लेल दिल्ली के प्रेस क्लब मे 23 तारीख शुक्र दिन 4 बजे एकटा बैसार अछि.  दिल दिल्ली दरभंगा पर लोक सभ अपन विचार रखताह. अहां सेहो आउ अपन विचार राखु. दरभंगा के बदनाम होए सं बचाबय लेल कि कएल जाए ई लोक सभ के बताउ.

दिल्लीक प्रेस क्लब कृषि भवन...रेल भवन के पास अछि. ई केंद्रीय सचिवालय मेट्रो स्टेशन सं सटल अछि. मेट्रो स्टेशन सं बाहर निकलब कि प्रेस क्लब के बिल्डिंग सामने दिखाएत. मुदा मेट्रो स्टेशन सं कृषि भवन वाला गेट सं बाहर निकलब तं आसान रहत

तं भेंट होएत अछि शुक्रदिन 23 तारीख के 4 बजे प्रेस क्लब मे.

Comments

Post a Comment

Popular posts from this blog

हमर विआह- 8

By
श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...
18 comments
Read more

फर्स्ट आउ छात्रवृत्ति पाउ

By
बिहार सरकार के तरफ सं एकटा छात्रवृत्ति योजना शुरू कएल गेल अछि. एहि मे एससी... एसटी, अल्पसंख्यक आओर अत्यंत पिछला वर्ग सं मैट्रिक मे फर्स्ट आबय वाला विद्यार्था के 10 हजार रुपया के छात्रवृत्ति देल जाएत. एकर शुरूआत मुख्यमंत्री नीतीश कुमार जी पटना मे किछ छात्र के 10 हजार रुपया के चेक द कएलखिन्ह. अहांके कि लगैत अछि कि ई एकटा नीक कदम अछि? कि एहि सं बेसि सं बेसि विद्यार्थी पढ़ाई-लिखाई के तरफ ध्यान देताह ? कि ई राज्य मे साक्षरता लाबय के दिशा मे नीक पहल अछि? आ फेर एकरो हाल दोसर योजना के जकां रहत? सरकार एहि सं पहिनहुं चरवाहा विद्यालय... साइकिल योजना... मिडडे मील नहि जाने कि कि चलाबैत अछि...कि एकरो हाल ओकरे जकां होएत? अहां सभ अपन-अपन विचार जरूर राखु आओर इहो बताउ जे शिक्षा क्षेत्र मे बेहतरी के लेल सरकार के आओर कि- कि करबाक चाही?   Mithila News Fropper.com - Indian Dating, Friendship, Romance हमर ईमेल:-hellomithilaa@gmail.com Mithila, Maithili,Madhubani Paintings, Darbhanga, Samastipur, Muzaffarpur, Sitamarhi,nepal, janakpur,kamla balan, bagmati,Janki, Kosi, Purnea, Saharsa, Madhepur...
6 comments
Read more

सौभाग्य मिथिला : मैथिलीक अपन चैनल

By
मैथिली के चौबीसों घंटा वाला अपन चैनल 18 जून सं शुरू भs रहल अछि. चैनल के नाम अछि सौभाग्य मिथिला . मिथिला... मैथिलीक लेल ई नीक खबर अछि. करीब पांच करोड़ मैथिल के लेल ई मैथिलीक पहिल मनोरंजन चैनल होएत. लाइन मे किछ आओर चैनल अछि मुदा किछ एहन पेंच... कारण अछि जेहि सं ओ ऑन एयर नहि भS रहल अछि. सौभाग्य मिथिलाक तैयारी अखन जोर-शोर सं चलि रहल अछि. चैनल के काज देख रहल छथिन्ह प्रफुल्ल कुमार मिश्रजी. प्रफुल्लजी करीब 14 साल सं टीवी सं जुड़ल छथिन्ह. आओर सौभाग्य मिथिला के धरातल पर लाबय लेल दिन-राति एक कएने छथिन्ह. प्रफुल्ल जीक संग चैनल सं कइटा आओर अनुभवी लोक सभ जुड़ल छथिन्ह जे मिथिला... मैथिल सभ्यता... संस्कृति आओर साहित्य के लोक के बीच पहुंचाबय लेल प्रयासरत छथिन्ह. प्रिंट पत्रकारिता आओर रंगमंच सं जुड़ल कुमार शैलेन्द्र जी चैनल के प्रोग्रामिंग देख रहल छथिन्ह. उम्मीद करबाक चाही जे ओ नीक-नीक कार्यक्रम लsक अएताह. कईबेर हुनकर नाटक देखय के मौका मिलल अछि. नीक काज करय छथिन्ह. सौभाग्य मिथिला पर भोर मे 6 बजे सं लs क राति साढ़े दस बजे धरि अहां के नबका-नबका कार्यक्रम देखायल जाएत. राति मे अहां दिनका किछ नीक कार्यक्रम...
21 comments
Read more