Skip to main content

माछ चारा मिल खुलत

By
बिहार मे सरकार माछ उत्पादन बढ़ाबय के कोशिश मे जोर-शोर सं जुटि गेल अछि. सरकार के कोशिश अछि जे राज्य मे माछ के एतेक उत्पादन होए जेहि सं देश भर के माछ के मांग पूरा भs सकय. एहि के लेल निजी-सरकारी भागीदारी ...पीपीपी के तहत राज्य मे करीब 50टा माछ चारा मिल खोलल जाएत. सरकार के कोशिश ई रहत जे हर जिला मे कम सं कम एकटा माछ चारा मिल खुलय. ओना दरभंगा... मुजफ्फरपुर... कटिहार... पटना आओर रोहतास मे दू-दू टा चारा मिल खोलल जाएत.
बिहार मे आमतौर पर माछ के चारा नहि देल जाएत अछि. किछ ठाम देल जाएत अछि जतय माछ पालन... जीरा पालन होएत अछि. मुदा आब जखन राज्य मे चारा मिल खुलि जाएत त लोक बेसि सं बेसि एकर इस्तेमाल करताह ...जेहि सं पैदावार बढ़त. ओना लोक खुद सेहो एकर चारा बना लय छथिन्ह. चारा मे सरसों के खली... धान के भूसी आओर छोटका माछ के चूर्ण मिलाएल जाएत अछि. एहि सभ के मिलाकs बनल चारा के पोखर के पानि मे छींट देल जाएत अछि. ई पानि पर तैरत रहैत अछि. उतराएत रहैत अछि... आओर माछ एकरा खा लैत अछि.
एकटा माछ चारा मिल पर करीब 12 लाख के खर्च आबैत अछि. एहि मे मिल लगाबय वाला के तीन लाख सरकार सं मिलत बाकी के नौ लाख लोन के रूप मे देल जाएत. सरकार के कहनाय अछि जे एहि सं बेसि सं बेसि लोक माछ पालन सं जुड़ताह आओर कमाए-खाए लेल जे दिल्ली-पंजाब जाए छथि... से नहि जएताह. लोक के आमदनी बढ़त.
मिथिला के लेल सरकार के ई योजना विशेष महत्व रखैत अछि. किएक त मिथिला के गाम-गाम... टोले-टोल मे जतय जाउ दू- चारि टा पोखर... डबरा जरूर मिल जाएत. आब जखन सरकार के जोर माछ उत्पादन पर अछि त लोक सभ फेर सं एहि पर ध्यान देताह. आओर अपन मिथिला के लोक के आओर कि चाही माछ-भात सं बेहतर भोजन आओर कि भs सकैत अछि. पेट के संग मन सेहो तृप्त करु आओर पाई सेहो कमाउ.
Share/Save/Bookmark
हमर ईमेल:-hellomithilaa@gmail.com


Labels:

Comments

Post a Comment

Popular posts from this blog

हमर विआह- 8

By
श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...
18 comments
Read more

सौभाग्य मिथिला : मैथिलीक अपन चैनल

By
मैथिली के चौबीसों घंटा वाला अपन चैनल 18 जून सं शुरू भs रहल अछि. चैनल के नाम अछि सौभाग्य मिथिला . मिथिला... मैथिलीक लेल ई नीक खबर अछि. करीब पांच करोड़ मैथिल के लेल ई मैथिलीक पहिल मनोरंजन चैनल होएत. लाइन मे किछ आओर चैनल अछि मुदा किछ एहन पेंच... कारण अछि जेहि सं ओ ऑन एयर नहि भS रहल अछि. सौभाग्य मिथिलाक तैयारी अखन जोर-शोर सं चलि रहल अछि. चैनल के काज देख रहल छथिन्ह प्रफुल्ल कुमार मिश्रजी. प्रफुल्लजी करीब 14 साल सं टीवी सं जुड़ल छथिन्ह. आओर सौभाग्य मिथिला के धरातल पर लाबय लेल दिन-राति एक कएने छथिन्ह. प्रफुल्ल जीक संग चैनल सं कइटा आओर अनुभवी लोक सभ जुड़ल छथिन्ह जे मिथिला... मैथिल सभ्यता... संस्कृति आओर साहित्य के लोक के बीच पहुंचाबय लेल प्रयासरत छथिन्ह. प्रिंट पत्रकारिता आओर रंगमंच सं जुड़ल कुमार शैलेन्द्र जी चैनल के प्रोग्रामिंग देख रहल छथिन्ह. उम्मीद करबाक चाही जे ओ नीक-नीक कार्यक्रम लsक अएताह. कईबेर हुनकर नाटक देखय के मौका मिलल अछि. नीक काज करय छथिन्ह. सौभाग्य मिथिला पर भोर मे 6 बजे सं लs क राति साढ़े दस बजे धरि अहां के नबका-नबका कार्यक्रम देखायल जाएत. राति मे अहां दिनका किछ नीक कार्यक्रम...
21 comments
Read more

फर्स्ट आउ छात्रवृत्ति पाउ

By
बिहार सरकार के तरफ सं एकटा छात्रवृत्ति योजना शुरू कएल गेल अछि. एहि मे एससी... एसटी, अल्पसंख्यक आओर अत्यंत पिछला वर्ग सं मैट्रिक मे फर्स्ट आबय वाला विद्यार्था के 10 हजार रुपया के छात्रवृत्ति देल जाएत. एकर शुरूआत मुख्यमंत्री नीतीश कुमार जी पटना मे किछ छात्र के 10 हजार रुपया के चेक द कएलखिन्ह. अहांके कि लगैत अछि कि ई एकटा नीक कदम अछि? कि एहि सं बेसि सं बेसि विद्यार्थी पढ़ाई-लिखाई के तरफ ध्यान देताह ? कि ई राज्य मे साक्षरता लाबय के दिशा मे नीक पहल अछि? आ फेर एकरो हाल दोसर योजना के जकां रहत? सरकार एहि सं पहिनहुं चरवाहा विद्यालय... साइकिल योजना... मिडडे मील नहि जाने कि कि चलाबैत अछि...कि एकरो हाल ओकरे जकां होएत? अहां सभ अपन-अपन विचार जरूर राखु आओर इहो बताउ जे शिक्षा क्षेत्र मे बेहतरी के लेल सरकार के आओर कि- कि करबाक चाही?   Mithila News Fropper.com - Indian Dating, Friendship, Romance हमर ईमेल:-hellomithilaa@gmail.com Mithila, Maithili,Madhubani Paintings, Darbhanga, Samastipur, Muzaffarpur, Sitamarhi,nepal, janakpur,kamla balan, bagmati,Janki, Kosi, Purnea, Saharsa, Madhepur...
6 comments
Read more