सहरसा मे बिजली संकट सं परेशान लोक के धीरज आखिर जवाब द गेल. बिजली कटौती सं परेशान लोक बिजली ऑफिस जाsक जमि कs हंगामा कएलखिन्ह आओर बिजली विभाग के जीएम के चेहरा पर कालिख पोति देलखिन्ह. लोक के गुस्सा तखन आओर बढ़ि गेल जखन हुनका सभ के पता चललन्हि जे सहरसा के बिजली दोसर शहर के देल जा रहल अछि. बिजली के आबए-जाए सं परेशान महिला सभ शिकायत लs क बिजली ऑफिस गेलीह मुदा ओहि ठाम जीएम के बर्ताव देखि हुनका सभ के गुस्सा आबि गेलन्हि. लोक सभ खिसिआ कs जीएम के चेहरा पर कालिख पोति देलखिन्ह. जे कर्मचारी विरोध कएलखिन्ह हुनका चूड़ी पहिना देल गेल. सहरसा मे पिछला कई दिन सं बिजली के अनियमित आपूर्ति भs रहल अछि जेहि सं लोक परेशान छथिन्ह.
सहरसे मे नई बिहार के हर जिला मे बिजली के स्थिति बड़ खराब अछि। सरकार सेहो किछ नई करि रहल अछि।
जवाब देंहटाएंब्रजेश कुमार , लालबाबू
दरभंगा