नवका- पुरनका लेख सर्च करु...

किएक पड़ल वोट कम ?

नक्सली हमला छोड़ि देल जाए त अखन तक बिहार मे मतदान शांतिपूर्ण रहल अछि. पहिल आओर दोसर चरण के 13 -13 लोकसभा क्षेत्र के लेल वोटिंग भs गेल अछि. मिथिलांचल के करीब-करीब आधा इलाका मे वोट पड़ि गेल अछि. मुदा अखन धरि जे वोट पड़ल अछि ओहि सं सवाल ई उठैत अछि जे एतेक कम वोट किएक पड़ल ? एकर कारण कि अछि ? पहिल चरण मे 46 प्रतिशत वोट पड़ल जखन कि दोसर मे सिर्फ 44 फीसदी लोक अपन मताधिकार के इस्तेमाल कएलाह. पप्पू पास नहिं भेल ? एतबा वोट किएक पड़ल? मतदाता जागरण अभियान चलल... वोट देबय लेल लोक के जागरूक कएल गेल. तखनो ई हाल ? जखन कि आब वोट गिराबय लेल ओतेक डरि नहिं रहि गेल. हर बूथ... संवेदनशील इलाका मे सुरक्षा के नीक प्रबंध कएल गेल छल. बूथ कब्जा होए के सेहो डर आब कम भs गेल अछि. दोसर के वोट गिरानाय आई काल्हि कठिन भs गेल अछि. फेर लोक वोट देबय लेल घर सं बाहर किएल नहिं निकललाह ?
मतदान के कम होए के लेल कइटा कारण बताएल जा रहल अछि. किछ लोकक कहनाय छनि जे वोट के लेल ई मौसम नीक नहिं अछि. एतेक गर्मी मे रौद मे ठाड़ भs वोट देबय लेल अपन बारी के इंतजार करनाय नीक नहिं. एकटा वोट देबय लेल किएक बीमार पड़ु. जतेक वोट नहिं देब ओतेक के दवा-दारु करय पड़त. छुट्टी के दिन लोक दलान पर बैसि ताश खेलय मे लागल रहलाह आ गप्प मारैत रहलाह. किछ दुपहरिया मे बाहर निकलय सं बचय लेल खाट... सफरी पर पड़ि रहलाह. कईठाम लोक के कहनाय छलनि जे कतेक देर ठाड़ रहलाह के बाद जखन नंबर आएल त लिस्ट मे नामे गलत होबाक कारणे वोट नहिं दs पएलहुं. किछ लोक के त इहो कहनाय छनि जे आरजेडी-एलजेपी आओर कांग्रेस के एक दोसरा के खिलाफ लड़य के कारण किछ लोक संशय मे पड़ि वोटे देबय नहिं पहुंचलाह. मधुबनी मे त कांग्रेस के शकील अहमद जी के खिलाह आरजेडी के अब्दुल बारी सिद्दीकीजी के ठाड़ करय सं सेहो किछ मतदाता खिसियाएल छलाह. कहय वाला लोक त इहो कहय छथिन्ह जे पहिने मतदाता पत्र सं वोटिंग होए छल त एकमुश्त वोट छापल जाए छल मुदा आब ईवीएम मशीन... चुनाव आयोग के सख्ती आओर लोक के जागरुक होए के कारण बूथ कैप्चरिंग आसान नहिं रहि गेल अछि. एहि सं जे असल वोट छल सेहे पड़ल अछि. एहि तर्क मे सेहो किछ दम अछि.
ओना जे कहिऔ बिहार मे वोट कम पड़य के एकटा आओर सभ सं महत्वपूर्ण कारण ई अछि जे आब लोक गाम - घर मे रहैत कहां छथिन्ह. बिहार के कोनो गाम घर मे जाउ. हर घर - परिवार सं दु चारि टा लोक दिल्ली... पंजाब... हरियाणा... असम... मुम्बई त कोलकाता मे छथिन्ह. विद्यार्थी सभ सेहो पढ़ाई- लिखाई लेल दिल्ली... बंगलौर... पूणे ...कोटा के रूख कएने छथि. जखन बेसि लोक काम -काज... पढ़ाई-लिखाई लेल गाम-घर सं बाहरे छथिन्ह त फेर वोट के देथिन्ह. आओर जखन वोट नहिं देथिन्ह त प्रतिशत त कम होएबे करत. कि कहबाक अछि अहां के ?
Bookmark and Share Subscribe to me on FriendFeed Add to Technorati Favorites



TwitIMG

3 टिप्‍पणियां:

  1. आजादी के बाद सँ मिथिला केर अपमान।
    लोक ठगायल सब दिन कारण कम मतदान।।

    सादर
    श्यामल सुमन
    09955373288
    मुश्किलों से भागने की अपनी फितरत है नहीं।
    कोशिशें गर दिल से हो तो जल उठेगी खुद शमां।।
    www.manoramsuman.blogspot.com
    shyamalsuman@gmail.com

    जवाब देंहटाएं
  2. नीक लालग । हं गाम पर नई रहथिन्ह त वोट केना देथिन्ह ।

    जवाब देंहटाएं

अहां अपन विचार/सुझाव एहिठाम लिखु