देर सं सही बिहार मे दरोगा बहाली के रास्ता साफ भs गेल अछि. मुदा ई देर किछ आओर उम्मीदवार के चेहरा पर खुशी लाबय मे कामयाब रहल अछि. आब पहिले के लिस्ट मे 637 टा उम्मीदवार आओर जोड़ि देल गेल अछि... पहिने 1510 दरोगा के बहाली के विज्ञापन निकलल रहय... मुदा पचड़ा मे फंसला के बाद आब 2147 लोक के दरोगा के रूप मे बहाली कएल जाएत. प्रश्न पत्र मे गड़बड़ी के लs क मामला अदालत मे मामला चलि गेल रहय. ई मामला चारि साल पहिने सं फंसल छल. मुदा आब सरकार एहि बात के साफ कs कs देलक अछि आओर एसएससी.... कर्मचारी चयन आयोग के पहिलका लिस्ट मे 537टा आओर उम्मीदवार के नाम जोड़य लेल कहि देलक अछि. उम्मीद अछि सभ लोक के एहि मास बहाली के पत्र मिलि जाएत. चलु देर सं सही ई 2009 साल अहां सभ के लेल नीक रहल. नौकरी हाथ मे आएल.
श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...
Great News....
ReplyDeletechaliye bihar ke liye kuch to acchi kahbar hai....