गरीब रथ के चलय में विलंब

By Unknown July 11, 2008

गरीब रथ के आब 20 तारीख सं चलय के उम्मीद अछि. पहिने ई ट्रेन 10 जुलाई सं चलय वाला छल. मुदा केंद्र में राजनीतिक उठापटक के कारण एकर चलनाय टालि देल गेल. रेलमंत्री लालू प्रसाद यादव अखन मनमोहन सरकार के बचाबय में जुटल छथि. लालू जी अखन नीक काज कs रहल छथि आओर बिहार के लेल तs हुनका अखन केंद्र में मंत्री बनल रहनाय जरूरी अछि. आब अगर सभ किछ नीक रहल तs 20 जुलाई सं चलनाय शुरू करत. रेल चलाबय के सभ तैयारी करीब करीब पूरा भs गेल अछि. जयनगर... मधुबनी के लोक के लेल एकटा आओर नीक खबर ई अछि जे इंटरसिटी एक्सप्रेस आब जयनगर सं खुलत. पटना... दानापुर तक जाय वाला ई एक्सप्रेस रवि छोड़ि सभ दिन चलत. ई ट्रेन जयनगर सं दिन में 10 बजे खुलय के उम्मीद छै. आगां देखिऔ कि टाइन राखल जाय छै.

Comments

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...