बैल राजकीय पशु आओर गौरेया बनल राजकीय पक्षी

By Unknown April 17, 2013

बैल बिहारक राजकीय पशु बनि गेल अछि. एकरे संग राज्य सरकार के तरफ सं गौरेया के राजकीय पक्षी, पीपल के राजकीय गाछ आओर गेंदा के राजकीय फूल के रूप मे मान्यता देल गेल अछि..

मंगलदिन बिहार कैबिनेट के बैसार मे एहि बारे मे फैसला कएल गेल.

सरकार के कहनाए अछि जे बैल, गौरेया आओर पीपल संकट मे अछि. एकर संरक्षण जरूरी अछि.

सरकारक मुताबिक आईकाल्हि खेती मे ट्रैक्टर...ट्रॉली आओक थ्रेसर जैसन मशीन के इस्तेमाल
होए सं बैल के महत्व कम भेल जा रहल अछि. एहिना पेड़- पौधा...जंगल कम होए के कारण गौरेया सेहो कम भ रहल अछि.

बैल...गौरेया के अस्तित्व पर संकट आबि गेल अछि. एहि लेल एकरा बचानाए जरूरी भ गेल अछि. एहि क्रम मे राजकीय पशु आओर पक्षी बनला सं बैल आओर गौरेया के संरक्षण भ सकत.

गाम-घर मे पीपल के गाछ सेहो कम भेल जा रहल अछि. लोकक सांस्कृतिक...धार्मिक मान्यता सेहो जुड़ल अछि एहि सं. गाम-घर मे ब्रह्मस्थान मे पीपल केर गाछक पूजा सेहो होएत अछि.

एहि सभ के संग कैबिनेट के बैसार मे मधुबनी जिला के झंझारपुर ब्लॉक मे सुगरवे नदी पर पुल निर्माणक मंजूरी सेहो देल गेल.

संगे संग सिपाही आओर दरोगा के भर्ती मे महिला के 35 फीसदी रिजर्वेशन देबय के फैसला सेहो कएल गेल. ई रिजर्वेशन पहिने सं पिछड़ा वर्ग केर महिला के मिलय वाला 3 प्रतिशत आरक्षण के अलावा मिलत.

Comments

पूर्णिया मे सुखोई

By Unknown October 06, 2009

हमर विआह- 8

By Unknown November 08, 2010

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...

फोटो देखला के बाद, मोन मे अजीब बेचैनी समा गेल। लागैत छल, जेना दस दिन बाद आबय वाला जन्मदिन अखने आबि जाए। मन मे एकटा मीठ मिठास आ उत्सुकता भरि गेल। बार-बार लिफाफा खोलि, फोटो निकालि निहारय लागय छलहुं। किएक, मन कतहुं आओर लगात। हृदय मे एकटा अनजान उमंग, एकटा नबका सपना पलय लागल। हमर ई मनोदशा डेरा के पास रहय वाला गामक एकटा लड़का के पता चलि गेल। ओकरा सं बात आगां बढ़ि गेल। विआहक गप्प चलि रहल अछि, ई गप्प दिल्ली मे रहय वाला गामक सभ दोस्त सभ के कानों-कान खबर भ गेल। हमर गाम के हिसाब सं देखल जाय, त रोड कात मे गुप्ताजी सभ, आओर बाकी में कायस्थ-ब्राह्मणक बेसि आबादी छनि। लालाजी सभ के बेसि होए के कारण, सभ एक-दोसर के नाम के अंत मे 'लाल' लगा क पुकारैत छथिन्ह। गाम मे लोक सभ हमरो ‘हितलाल’ कहि क बुलाबैत छलाह। गाम मे हम सभ एक-दू क्लास आगां-पाछां के लड़का सभ- संगहि घुमलौं-फिरलौं, हंसी-मजाक, मस्ती, आ अपनापन के रंग मे रंगायल जिनगी बितेलौं। पढ़ाई आ काम-काज के सिलसिला मे गाम सं काफी लोक सभ दिल्ली आबि गेल छथिन्ह। हमहुं गाम सं दिल्ली अएला के बाद एहिठाम रहय वाला शेखरलाल, सुमनलाल, राजीवलाल, उदयलाल, विनोदलाल, मनोज...