गुजरात के पछाड़ि बिहार बनल सभसं तेजी से बढैत राज्य

By Hitendra Gupta December 27, 2012

विकास के मामला मे गुजरात के पछाड़ि बिहार सभसं तेजी सं आगां बढ़ैत राज्य बनि गेल अछि.

योजना आयोग के अनुसार बिहार 10.9 प्रतिशत आर्थिक वृद्धि दर के संग गुजरात सं आगां बढ़ि गेल अछि.

आयोग के कहनाए अछि जे 2001-05 साल मे बिहार 2.9 वृद्धि दर के संग सभसं सुस्त
गति सं आगां बढ़ए वाला राज्य छल मुदा 2006 सं 2010 के बीच ई वृद्धि दर 10.9 प्रतिशत पर पहुंचि गेल.

जखन कि गुजरातक वृद्धि दर 2006 सं 2010 के बीच सिर्फ 9.3 प्रतिशत रहल.

योजना आयोग के कहनाए अछि जे बिहार आब बीमारु राज्य नहि रहल. तेजी सं विकास करि रहल अछि. तेजी सं आगां बढ़ि रहल अछि.

ई तं नीक खबर अछि मुदा योजना आयोग एकरे संग एकटा कष्ट वाला खबर इहो द देलक जे बिहार के विशेष राज्यक दर्जा नहि मिलत. किएक कि बिहार एकर पात्र नहि अछि. एकरा लेल जे मापदंड अछि बिहार ओहि मे फिट नहि बैसेत अछि.

Comments

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...