Skip to main content

सुधा के कामयाबी के कहानी...

By
आई पेड़ा खाय काल एकाएक सुधा पेड़ा के याद आबि गेल. बिहार सं बाहर सुधा पेड़ा बड़ याद आबैत अछि. ओहन पेड़ा बीच मे इस्कॉन मंदिर के गोविंदा रेस्त्रां मे मिलैत छल मुदा किछ दिन सं ओ बंद अछि. बिहार मे तं एहन हाल अछि जे लोक आब दूध के संग-संग पेड़ा... गुलाब जामुन... रसगुल्ला... आइस-क्रीम... लस्सी... मिस्टी दही... पनीर आओर कलाकन्द जकां कतेक चीज के लेल पूरा के पूरा सुधा पर निर्भर छथिन्ह.

सुधा के सामान शुद्ध आओर स्वादिष्ट के संग नीक क्वॉलिटी वाला रहैत अछि. बिहार मे आई एहन हाल अछि जे सुधा हर घर के लेल जानल-पहचानल नाम बनि गेल अछि. दूध आओर दूध के उत्पाद के लेल तं अहां कहि सकय छी लोक सुधा के आसरे छथिन्ह. सुधा ब्रांड एतेक मजबूत भs गेल अछि कि एकरा ISO 9001: 2000 आओर ISO 15000 के सर्टिफिकेट तक मिलल अछि.

सुधा डेयरी असल मे बिहारक सहकारी दुग्ध उत्पादक संघ... कॉम्फेड के अंग अछि. आओर ई अमूल... मदर डेयरी सं टक्कर ल रहल अछि. सुधा डेयरी के दूध दिल्ली...कोलकाता आओर गुवाहाटी तक भेजल जाएत अछि. आब तं नेपाल सेहो भेजल जाएत. नेपाल डेयरी के संग भेल समझौता के मुताबिक रोज 50 हजार लीटर दूध नेपाल भेजल जाएत. दिल्ली...कोलकाता के जगह नेपाल दूध भेजनाय आसान रहत. किएक त ई बेसि करीब अछि.

ऑपरेशन फ्लड कार्यक्रम के छोट स्तर पर 1972 मे शुरू भेल ई अभियान 1983 मे कॉपरेटिव के रूप लs सुधा डेयरी के रूप मे गाम-गाम मे पहुंचनाय शुरू करि देलक. सहकारी दुग्ध उत्पादक संघ के पहल सं गाम-घर के लोक के लेल रोजगार के एकटा नवका रास्ता खुलल. एकर फायदा आई राज्य के लाखों लोक के मिल रहल अछि. बिहार मे जतय रोजगार के साधन कम अछि...एकरा एकटा वरदान जकां कहि सकय छी.

किएक त हमरा याद अछि 1990-91 सं पहिने जखन गाम मे पढ़य छलहुं तखन पावनि-त्योहार मे दूध के भयंकर कमी भ जाएत छल. दूघ वाला के हफ्ता दस दिन पहिने कहलौं पर कई बेर पूरा दूध नहि मिलैत छल. आओर क्वॉलिटी के तं बाते छोड़ु. गाम-घर मे ई हाल छल...शहर के तं बाते छोडुं. मुदा सुधा के अएला सं ई सभ दूर भेल अछि. आब तं गाम-घर मे दूध वाला के छोड़ि सुधा के गाड़ी के इंतजार होएत अछि.

सुधा डेयरी वाला ऐना करने अछि जे हर कमिश्नरी...जिला मे अपन यूनिट बनौने अछि. ओहि ठामक किसान... गाय...महीस पालय वाला सं सुधा डेयरी के लोक दूध ल जाए छथिन्ह ओकरा सभ के क्वॉलिटी के ध्यान मे राखैत पॉलीपैक दूध आओर दूध सं बनल सामान के वितरण राज्य घर मे कएल जाएत अछि. कही सकय छी जे सुधा किसान आओर ग्राहक के बीच एकटा कड़ी के काज करैत अछि.

पहिने ऐना छल जे गाम के किसान भाई... गाय वाला लोक दूधिया सं औना-पौना दाम पर दूध बेचय लेल मजबूर रहय छलखिन्ह... दूधिया ओहि दूध के बेसि दाम पर हमरा-अहां के बेच बीच मे कमाय काटय छल. मुदा आब दूध उत्पादन...गाय के देखरेख... दूध आओर दोसर उत्पाद के दाम तय करय सभ मे किसान के भागीदारी रहैत अछि. आई एहन हाल अछि जे बिहार के करीब 6 लाख किसान सुधा सं जुड़ल छथिन्ह.

किसान भाई सभ के सेहो एहि सं नियमित कमाई होए छनि. सुधा के तरफ सं हुनका सभ के बराबर प्रशिक्षण सेहो देल जाएत छनि. परिवार के युवा... महिला लेल सेहो कार्यक्रम सभ चलाएल जाएत अछि. जरूरत पड़ला पर दोसर तरहक मदद सेहो देल जाएत अछि. एहन मे लोक कोनो साधन नहि भेलाह पर दू-चारि टा गाय.. भैंस पालि लैत छथि. एहि सं पाई के लेल दोसर के मुंह नहि ताकय पड़य छनि.
Share/Save/Bookmark  
हमर ईमेल:-hellomithilaa@gmail.com
Labels:

Comments

Post a Comment

Popular posts from this blog

हमर विआह- 8

By
श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...
18 comments
Read more

फर्स्ट आउ छात्रवृत्ति पाउ

By
बिहार सरकार के तरफ सं एकटा छात्रवृत्ति योजना शुरू कएल गेल अछि. एहि मे एससी... एसटी, अल्पसंख्यक आओर अत्यंत पिछला वर्ग सं मैट्रिक मे फर्स्ट आबय वाला विद्यार्था के 10 हजार रुपया के छात्रवृत्ति देल जाएत. एकर शुरूआत मुख्यमंत्री नीतीश कुमार जी पटना मे किछ छात्र के 10 हजार रुपया के चेक द कएलखिन्ह. अहांके कि लगैत अछि कि ई एकटा नीक कदम अछि? कि एहि सं बेसि सं बेसि विद्यार्थी पढ़ाई-लिखाई के तरफ ध्यान देताह ? कि ई राज्य मे साक्षरता लाबय के दिशा मे नीक पहल अछि? आ फेर एकरो हाल दोसर योजना के जकां रहत? सरकार एहि सं पहिनहुं चरवाहा विद्यालय... साइकिल योजना... मिडडे मील नहि जाने कि कि चलाबैत अछि...कि एकरो हाल ओकरे जकां होएत? अहां सभ अपन-अपन विचार जरूर राखु आओर इहो बताउ जे शिक्षा क्षेत्र मे बेहतरी के लेल सरकार के आओर कि- कि करबाक चाही?   Mithila News Fropper.com - Indian Dating, Friendship, Romance हमर ईमेल:-hellomithilaa@gmail.com Mithila, Maithili,Madhubani Paintings, Darbhanga, Samastipur, Muzaffarpur, Sitamarhi,nepal, janakpur,kamla balan, bagmati,Janki, Kosi, Purnea, Saharsa, Madhepur...
6 comments
Read more

सौभाग्य मिथिला : मैथिलीक अपन चैनल

By
मैथिली के चौबीसों घंटा वाला अपन चैनल 18 जून सं शुरू भs रहल अछि. चैनल के नाम अछि सौभाग्य मिथिला . मिथिला... मैथिलीक लेल ई नीक खबर अछि. करीब पांच करोड़ मैथिल के लेल ई मैथिलीक पहिल मनोरंजन चैनल होएत. लाइन मे किछ आओर चैनल अछि मुदा किछ एहन पेंच... कारण अछि जेहि सं ओ ऑन एयर नहि भS रहल अछि. सौभाग्य मिथिलाक तैयारी अखन जोर-शोर सं चलि रहल अछि. चैनल के काज देख रहल छथिन्ह प्रफुल्ल कुमार मिश्रजी. प्रफुल्लजी करीब 14 साल सं टीवी सं जुड़ल छथिन्ह. आओर सौभाग्य मिथिला के धरातल पर लाबय लेल दिन-राति एक कएने छथिन्ह. प्रफुल्ल जीक संग चैनल सं कइटा आओर अनुभवी लोक सभ जुड़ल छथिन्ह जे मिथिला... मैथिल सभ्यता... संस्कृति आओर साहित्य के लोक के बीच पहुंचाबय लेल प्रयासरत छथिन्ह. प्रिंट पत्रकारिता आओर रंगमंच सं जुड़ल कुमार शैलेन्द्र जी चैनल के प्रोग्रामिंग देख रहल छथिन्ह. उम्मीद करबाक चाही जे ओ नीक-नीक कार्यक्रम लsक अएताह. कईबेर हुनकर नाटक देखय के मौका मिलल अछि. नीक काज करय छथिन्ह. सौभाग्य मिथिला पर भोर मे 6 बजे सं लs क राति साढ़े दस बजे धरि अहां के नबका-नबका कार्यक्रम देखायल जाएत. राति मे अहां दिनका किछ नीक कार्यक्रम...
21 comments
Read more