रौदी के चपेट मे बिहार

By muskurahat August 02, 2010

सावनक मास लोक के लेल हरिअरी लsक अबैत अछि...मुदा एहि बेरक हाल एकदम सं उलट अछि. बिहारक 32टा जिला रौदीक चपेट मे अछि आ बाकी 6टा जिला बाढ़ि सं प्रभावित. रौदी-दाही के प्रभाव सं बिहार कहिओ मुक्त नहि भेल.

सरकारक कोशिश आब एहि 32 जिला के सूखाग्रस्त घोषित करबाक अछि. भs सकैत अछि जे काल्हि मंगल दिन जे बैसार होएत ओहि मे एहि जिला सभ के सूखाग्रस्त घोषित करि देल जाएत.

पानि... वर्षा कम होए सं लोक सभ परेशान छथिन्ह. रोपनी नहि होए सं खेत सभ सेहो सूखल पड़ल अछि. हाल ई अछि जे एहि बेर सामान्य सं चौथाईओ पानि नहि भेल अछि.

पिछला साल सेहो रौदी के कारण 26 जिला के सूखाग्रस्त घोषित कएल गेल छल. चुनाव के करीब देखि सरकार कोनो सुस्ती नहि बरतय चाहैत अछि. राज्य सरकार रौदी के देखैत केंद्र सरकार सं मदद के लेल 15 हजार करोड़ रुपया के मांग करि सकैत अछि.

हमर ईमेल:-hellomithilaa@gmail.com

muskurahat

Apna falsafa hai...JIYO AUR JEENE DO... sabhee se pyaar se milo... dher saaraa pyaar karo... kyonki Ishwar kee banaai iss dunia mein aakhir nafrat karoge to kisse. करुं मैं दुश्मनी किससे अगर दुश्मन भी हो मेरा मुहब्बत ने जगह नहीं छोड़ी दिल में अदावत की

Comments

हमर विआह- 8

By Unknown November 08, 2010

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...

कि इहे सभागाछी अछि ?

By Unknown June 26, 2009

हमर विआह 4 (चारिम कड़ी)

By Unknown June 07, 2009

फोटो देखला के बाद, मोन मे अजीब बेचैनी समा गेल। लागैत छल, जेना दस दिन बाद आबय वाला जन्मदिन अखने आबि जाए। मन मे एकटा मीठ मिठास आ उत्सुकता भरि गेल। बार-बार लिफाफा खोलि, फोटो निकालि निहारय लागय छलहुं। किएक, मन कतहुं आओर लगात। हृदय मे एकटा अनजान उमंग, एकटा नबका सपना पलय लागल। हमर ई मनोदशा डेरा के पास रहय वाला गामक एकटा लड़का के पता चलि गेल। ओकरा सं बात आगां बढ़ि गेल। विआहक गप्प चलि रहल अछि, ई गप्प दिल्ली मे रहय वाला गामक सभ दोस्त सभ के कानों-कान खबर भ गेल। हमर गाम के हिसाब सं देखल जाय, त रोड कात मे गुप्ताजी सभ, आओर बाकी में कायस्थ-ब्राह्मणक बेसि आबादी छनि। लालाजी सभ के बेसि होए के कारण, सभ एक-दोसर के नाम के अंत मे 'लाल' लगा क पुकारैत छथिन्ह। गाम मे लोक सभ हमरो ‘हितलाल’ कहि क बुलाबैत छलाह। गाम मे हम सभ एक-दू क्लास आगां-पाछां के लड़का सभ- संगहि घुमलौं-फिरलौं, हंसी-मजाक, मस्ती, आ अपनापन के रंग मे रंगायल जिनगी बितेलौं। पढ़ाई आ काम-काज के सिलसिला मे गाम सं काफी लोक सभ दिल्ली आबि गेल छथिन्ह। हमहुं गाम सं दिल्ली अएला के बाद एहिठाम रहय वाला शेखरलाल, सुमनलाल, राजीवलाल, उदयलाल, विनोदलाल, मनोज...

Search

Hello Mithila