ट्रेनक टाइम टेबल बदलल…

By Unknown July 02, 2010

एहि मास सं दिल्ली सं बिहार जाए वाला कइटा गाड़ी के टाइम टेबल आओर आबय-जाए के जगह बदलि गेल अछि. एहि लेल स्टेशन जाए सं पहिने 139 पर या स्टेशन पर फोन कs पता कs लेल करब... जे ट्रेन कोन स्टेशन सं खुलत आ आएत... संगहि-संग कतेक बजे खुलत आ आयत. एतबे नहि किछ ट्रेनक नंबर सेहो बदलि देल गेल अछि. नई दिल्ली सं खुलय वाला कइटा ट्रेन आब आनंद विहार टर्मिनल सं खुलत... नई दिल्ली सं दरभंगा होएत सीतामढ़ी जाए वाला लिच्छवी आब 15 जुलाई सं आनंद विहार टर्मिनल सं खुलत आओर आएत. हजरत निजामुद्दीन-जयनगर गरीब रथ एक्सप्रेस सेहो आब एतहिं सं खुलत.

एकरे संग

नई दिल्ली- भागलपुर विक्रमशिला एक्सप्रेस...

दिल्ली -हटिया झारखंड एक्सप्रेस...

हजरत निजामुद्दीन - राजेंद्र नगर गरीब रथ...

नई दिल्ली-गुवाहाटी नॉर्थ ईस्ट एक्सप्रेस...

नई दिल्ली -मुजफ्फरपुर सप्तक्रांति एक्सप्रेस...

नई दिल्ली- इस्लामपुर मगध एक्सप्रेसक

परिचालन सेहो आनंद विहार टर्मिनल सं होएत.

आओर हां ट्रेन नंबर 4007 मुजफ्फरपुर-दिल्ली जंक्शन सदभावना एक्सप्रेस आब सुबह 4.50 बजे दिल्ली पहुंचत... संगहि–संग ट्रेन नंबर 2557 मुजफ्फरपुर-नई दिल्ली सप्तक्रांति एक्सप्रेस 4.45 बजे भोर के जगह आब किछ पहिने 4.25 बजे पहुंचत... आओर राजगीर - नई दिल्ली श्रमजीवी एक्सप्रेस 5.10 बजे भोर मे नई दिल्ली पहुंचत. तं घर सं निकलय सं पहिने गाड़ी...ट्रेन के बारे मे नीक सं पूरा जानकारी लs लेल करु... जेहि सं कोनो परेशानी नहि होए.

हमर ईमेल:-hellomithilaa@gmail.com

Comments

हमर विआह- 8

By Unknown November 08, 2010

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...

मिथिला पेंटिंग ट्रेनिंग सेंटर

By Unknown September 29, 2010

हमर गाम केवटी मे मिथिला पेंटिंग ट्रेनिंग सेंटर खुली रहल अछि. गाम के लेल ई बड़ नीक गप अछि. एहि सं दरभंगा-मधुबनी जिला के एकटा बड़का इलाका के लोक फायदा उठा सकय छथिन्ह. किएक त हमर गाम दरभंगा आओर मधुबनी जिला के बीच मे अछि. केवटी द क दरभंगा सं नेपालक सीमा जयनगर के जोड़य वाला नेशनल हाइवे सेहो जाएत अछि. हमर गामक हाईस्कूल मे अखनो इलाका के 10-12 किलोमीटर तक के छात्र पढ़य आबय छथिन्ह. ओना जखन हम स्कूल मे छलहुं तखन कहि सकय छी 50-50 किलोमीटर दूर तक के छात्र एहि ठाम पढय आबय छलखिन्ह. ओहि टाइम एहि ठाम छात्रावास के नीक व्यवस्था छल. सुदिष्ठ झा जीक समय केवटी स्कूल के पूरा दरभंगा-मधुबनी जिला मे एकटा अलग प्रतिष्ठा प्राप्त छल. आब गाम मे मिथिला पेंटिंग ट्रेनिंग सेंटर खुली रहल अछि. एहि सेंटर के खोलय के शुभ कार्य करय जा रहल छथिन्ह राम कुमार दास जी. राम कुमार दास जी रिटायर माइनिंग इंजीनियर छथिन्ह. दास जी अखन 65 साल के छथिन्ह. दस साल के उम्र मे गाम सं पढ़ाई-लिखाई... नौकरी के सिलसिला मे जे बाहर निकललखिन्ह तं आब 55 साल बाद फेर सं गाम वापस आबय के मौका मिललन्हि. पढ़ाई-लिखाई आ नौकरी लेल गाम सं निकलला पर कई बेर लोक म...

मैथिली के चौबीसों घंटा वाला अपन चैनल 18 जून सं शुरू भs रहल अछि. चैनल के नाम अछि सौभाग्य मिथिला . मिथिला... मैथिलीक लेल ई नीक खबर अछि. करीब पांच करोड़ मैथिल के लेल ई मैथिलीक पहिल मनोरंजन चैनल होएत. लाइन मे किछ आओर चैनल अछि मुदा किछ एहन पेंच... कारण अछि जेहि सं ओ ऑन एयर नहि भS रहल अछि. सौभाग्य मिथिलाक तैयारी अखन जोर-शोर सं चलि रहल अछि. चैनल के काज देख रहल छथिन्ह प्रफुल्ल कुमार मिश्रजी. प्रफुल्लजी करीब 14 साल सं टीवी सं जुड़ल छथिन्ह. आओर सौभाग्य मिथिला के धरातल पर लाबय लेल दिन-राति एक कएने छथिन्ह. प्रफुल्ल जीक संग चैनल सं कइटा आओर अनुभवी लोक सभ जुड़ल छथिन्ह जे मिथिला... मैथिल सभ्यता... संस्कृति आओर साहित्य के लोक के बीच पहुंचाबय लेल प्रयासरत छथिन्ह. प्रिंट पत्रकारिता आओर रंगमंच सं जुड़ल कुमार शैलेन्द्र जी चैनल के प्रोग्रामिंग देख रहल छथिन्ह. उम्मीद करबाक चाही जे ओ नीक-नीक कार्यक्रम लsक अएताह. कईबेर हुनकर नाटक देखय के मौका मिलल अछि. नीक काज करय छथिन्ह. सौभाग्य मिथिला पर भोर मे 6 बजे सं लs क राति साढ़े दस बजे धरि अहां के नबका-नबका कार्यक्रम देखायल जाएत. राति मे अहां दिनका किछ नीक कार्यक्रम...

Search

Hello Mithila