मैथिली-भोजपुरी कविता उत्सव

By Unknown January 24, 2010

दिल्ली मे रवि दिन 24 जनवरी के मैथिली-भोजपुरी कविता उत्सव होबय जा रहल अछि. ई कविता उत्सव गणतंत्र दिवस के उपलक्ष्य मे होबय जा रहल अछि. कविता उत्सव दिल्ली के आईटीओ के पास आईसीसीआर सभागार मे सांझ साढ़े पांच बजे सं शुरू होएत. एहि कविता उत्सव मे मैथिली के उदयनारायण सिंह 'नचिकेता'...कामिनी कामायनी... गंगेश गुंजन... तारानंद वियोगी... मंजर सुलेमान... रमन कुमार सिंह... रवींद्र लाल दास... शेफालिका वर्मा... सारंग कुमार आओर सुस्मिता पाठक कविगण आमंत्रित छथिन्ह. जखन कि भोजपुरी सं कमलेश राय... कुबेर नाथ मिश्र'विचित्र'... चंद्रदेव यादव... प्रकाश उदय... राधेश्याम तिवारी... विश्वनाथ यादव... शत्रुघ्न कुमार...हरिराम द्विवेदी शामिल होताह.

कविता उत्सव के उद्घाटन दिल्ली के मुख्यमंत्री शीला दीक्षित करतीह. शीला जी मैथिली-भोजपुरी अकादमी के अध्यक्ष सेहो छथीह. मुख्य अतिथि रहतीह दिल्ली सरकार के मंत्री किरण वालिया जी. उत्सव के अध्यक्षता करथिन्ह वरिष्ठ कवि प्रो. केदारनाथ सिंह जी. त रवि दिन मैथिली भोजपुरी कविता के आनंद लिअ.

गणतंत्र दिवस कविता उत्सव

आई सी सी आर सभागार

आजाद भवन

आई पी एस्टेट ( आई टी ओ )

नई दिल्ली- 110002

हमर ईमेल:-hellomithilaa@gmail.com

Comments

सभ सं लोकप्रिय मैथिली गीत ?

By Unknown June 30, 2009

हमर विआह- 8

By Unknown November 08, 2010

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...

कस्तूरबा गांधी विद्यालय खुलत

By Unknown January 26, 2008

हमर विआह 4 (चारिम कड़ी)

By Unknown June 07, 2009

फोटो देखला के बाद, मोन मे अजीब बेचैनी समा गेल। लागैत छल, जेना दस दिन बाद आबय वाला जन्मदिन अखने आबि जाए। मन मे एकटा मीठ मिठास आ उत्सुकता भरि गेल। बार-बार लिफाफा खोलि, फोटो निकालि निहारय लागय छलहुं। किएक, मन कतहुं आओर लगात। हृदय मे एकटा अनजान उमंग, एकटा नबका सपना पलय लागल। हमर ई मनोदशा डेरा के पास रहय वाला गामक एकटा लड़का के पता चलि गेल। ओकरा सं बात आगां बढ़ि गेल। विआहक गप्प चलि रहल अछि, ई गप्प दिल्ली मे रहय वाला गामक सभ दोस्त सभ के कानों-कान खबर भ गेल। हमर गाम के हिसाब सं देखल जाय, त रोड कात मे गुप्ताजी सभ, आओर बाकी में कायस्थ-ब्राह्मणक बेसि आबादी छनि। लालाजी सभ के बेसि होए के कारण, सभ एक-दोसर के नाम के अंत मे 'लाल' लगा क पुकारैत छथिन्ह। गाम मे लोक सभ हमरो ‘हितलाल’ कहि क बुलाबैत छलाह। गाम मे हम सभ एक-दू क्लास आगां-पाछां के लड़का सभ- संगहि घुमलौं-फिरलौं, हंसी-मजाक, मस्ती, आ अपनापन के रंग मे रंगायल जिनगी बितेलौं। पढ़ाई आ काम-काज के सिलसिला मे गाम सं काफी लोक सभ दिल्ली आबि गेल छथिन्ह। हमहुं गाम सं दिल्ली अएला के बाद एहिठाम रहय वाला शेखरलाल, सुमनलाल, राजीवलाल, उदयलाल, विनोदलाल, मनोज...

Search

Hello Mithila