आब तेसर सं ड्रेस

By

बिहार मे आब तेसरे क्लास सं विद्यार्थी के स्कूल ड्रेस मिलत. पहिने क्लास 6 सं 8 तक के लड़की के ड्रेस मिलय छल आब ई क्लास तीन सं शुरू भs जाएत. एहि सं तेसर सं क्लास पांच तक के करीब पौने एक करोड़ विद्यार्थी के बीच चारि सय करोड़ के ड्रेस बांटल जाएत. एहि योजना के तहत नवका सत्र मे करीब अस्सी लाख छात्र के पांच-पांच सय रुपया देल जाएत.
एकरे संग एकटा आओर नीक खबर ई अछि जे आब क्लास 9 के लड़का के सेहो साइकिल देल जाएत. एहि योजना मे क्लास 9 मे नाम लिखाबय वाला विद्यार्थी के साइकिल के लेल दू हजार रुपया देल जाएत. एहि योजना सं राज्य के करीब पौने पांच लाख विद्यार्थी के साइकिल बांटल जाएत आओर एहि पर करीब 112 करोड़ रुपया के खर्च आएत.
सरकार के माननाय अछि जे एहि सं बेसि सं बेसि छात्र स्कूल आएत आओर स्कूल छोड़य वाला विद्यार्थी के संख्या कमत. सरकार एहि बात के सेहो कोशिश करि रहल अछि जे राशि के दुरुपयोग नहि होए आओर एकर फायदा विद्यार्थी के मिलय. स्कूल मे बच्चा सभ के दाखिला बढ़य . संगहि संग रोज स्कूल सेहो आबथि.
Share/Save/Bookmark
हमर ईमेल:-hellomithilaa@gmail.com


Comments

Post a Comment

Popular posts from this blog

हमर विआह- 8

By
Image
श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...
Read more

केंद्र मे हारल बिहार...

By
Image
लोकसभा चुनाव मे बिहार के मुख्यमंत्री नीतीश कुमार जीक जादू चलि गेल . विकास ओर जातीय गणित के मामला मे ओ सभ पर भारी पड़लाह . लालूजी आओर पासवानजी जे सोचि कांग्रेस सं तालमेल नहिं कएलाह ओ रणनीति सफल नहिं रहल . यूपीए के प्रमुख सहयोगी ई दुनु नेता सोचय छलाह जे बेसि सीट जीत ओ यूपीए के सरकार बनला पर मोलभाव करय के स्थिति मे रहलताह . मुदा दांव उल्टा पड़ि गेलन्हि . लालूजी केहुना क S चारि टा सीट जीत पएलाह . पासवानजी के त खातों नहिं खुलन्हि . पार्टी के सफाया भ गेल . आब जखन केंद्र मे एक बेर फेर सं यूपीए आबि गेल अछि . सभ सं बड़का सवाल ई अछि जे कि ई बिहार के लेल नीक अछि ? कि नीतीश के जीत बिहार के लेल एकटा बड़का हार अछि ? कि एहि बेर केंद्रीय मंत्रिमंडल मे बिहार के समुचित प्रतिनिधित्व मिलत ? कि पिछला सरकार मे जे काज शुरू भेल छल ओ चलैत रहत आ ओकरा पर ...
Read more

सौभाग्य मिथिला : मैथिलीक अपन चैनल

By
Image
मैथिली के चौबीसों घंटा वाला अपन चैनल 18 जून सं शुरू भs रहल अछि. चैनल के नाम अछि सौभाग्य मिथिला . मिथिला... मैथिलीक लेल ई नीक खबर अछि. करीब पांच करोड़ मैथिल के लेल ई मैथिलीक पहिल मनोरंजन चैनल होएत. लाइन मे किछ आओर चैनल अछि मुदा किछ एहन पेंच... कारण अछि जेहि सं ओ ऑन एयर नहि भS रहल अछि. सौभाग्य मिथिलाक तैयारी अखन जोर-शोर सं चलि रहल अछि. चैनल के काज देख रहल छथिन्ह प्रफुल्ल कुमार मिश्रजी. प्रफुल्लजी करीब 14 साल सं टीवी सं जुड़ल छथिन्ह. आओर सौभाग्य मिथिला के धरातल पर लाबय लेल दिन-राति एक कएने छथिन्ह. प्रफुल्ल जीक संग चैनल सं कइटा आओर अनुभवी लोक सभ जुड़ल छथिन्ह जे मिथिला... मैथिल सभ्यता... संस्कृति आओर साहित्य के लोक के बीच पहुंचाबय लेल प्रयासरत छथिन्ह. प्रिंट पत्रकारिता आओर रंगमंच सं जुड़ल कुमार शैलेन्द्र जी चैनल के प्रोग्रामिंग देख रहल छथिन्ह. उम्मीद करबाक चाही जे ओ नीक-नीक कार्यक्रम लsक अएताह. कईबेर हुनकर नाटक देखय के मौका मिलल अछि. नीक काज करय छथिन्ह. सौभाग्य मिथिला पर भोर मे 6 बजे सं लs क राति साढ़े दस बजे धरि अहां के नबका-नबका कार्यक्रम देखायल जाएत. राति मे अहां दिनका किछ नीक कार्यक्रम...
Read more

फर्स्ट आउ छात्रवृत्ति पाउ

By
Image
बिहार सरकार के तरफ सं एकटा छात्रवृत्ति योजना शुरू कएल गेल अछि. एहि मे एससी... एसटी, अल्पसंख्यक आओर अत्यंत पिछला वर्ग सं मैट्रिक मे फर्स्ट आबय वाला विद्यार्था के 10 हजार रुपया के छात्रवृत्ति देल जाएत. एकर शुरूआत मुख्यमंत्री नीतीश कुमार जी पटना मे किछ छात्र के 10 हजार रुपया के चेक द कएलखिन्ह. अहांके कि लगैत अछि कि ई एकटा नीक कदम अछि? कि एहि सं बेसि सं बेसि विद्यार्थी पढ़ाई-लिखाई के तरफ ध्यान देताह ? कि ई राज्य मे साक्षरता लाबय के दिशा मे नीक पहल अछि? आ फेर एकरो हाल दोसर योजना के जकां रहत? सरकार एहि सं पहिनहुं चरवाहा विद्यालय... साइकिल योजना... मिडडे मील नहि जाने कि कि चलाबैत अछि...कि एकरो हाल ओकरे जकां होएत? अहां सभ अपन-अपन विचार जरूर राखु आओर इहो बताउ जे शिक्षा क्षेत्र मे बेहतरी के लेल सरकार के आओर कि- कि करबाक चाही?   Mithila News Fropper.com - Indian Dating, Friendship, Romance हमर ईमेल:-hellomithilaa@gmail.com Mithila, Maithili,Madhubani Paintings, Darbhanga, Samastipur, Muzaffarpur, Sitamarhi,nepal, janakpur,kamla balan, bagmati,Janki, Kosi, Purnea, Saharsa, Madhepur...
Read more

दिल्ली मे भेल मिथिला महोत्सव आओर मैथिली साहित्य महोत्सव

By
Image
दिल्ली के प्रेस क्लब ऑफ इंडिया मे शनि दिन, 12 नवम्बर के मिथिला महोत्सव-6 आ मैथिली साहित्य महोत्सव-3 के आयोजन कएल गेल। मैथिल पत्रकर ग्रुप द्वारा प्रेस एसोसिएशन, प्रेस क्लब ऑफ इंडिया आ ओखला प्रेस क्लब के सहयोग स एहि कार्यक्रम केर आयोजन कएल गेल। आयोजनक शुरुआत मैथिली साहित्य महोत्सव ३ सं भेल। साहित्य महोत्सव के दू सत्र मे दूटा विषय पर चर्चा भेल, ‘हवाई जहाज दरभंगा पहुँचला पर मिथिलाक विकास केँ कतेक पाँखि भेटल’ आ
Read more

राष्ट्र निर्माणमे राज दरभंगाक योगदानक चर्चा दिल्ली मे

By
दिल्लीक ताज पैलेस होटलमे 31 अगस्तक दिन आयोजित भव्य संगोष्ठी आ पुस्तक विमोचन समारोह मिथिला आ सम्पूर्ण भारतक सांस्कृतिक आ ऐतिहासिक चेतनाक दृष्टिकोण सं एकटा महत्वपूर्ण अवसर रहल। एहि आयोजनक मुख्य विषय छल 'भारतक आध्यात्मिक, सांस्कृतिक आ
Read more

प्रसिद्ध नाटककार महेंद्र मलंगिया जी भेलाह एकटा आओर सम्मान सं सम्मानित

By
Image
प्रसिद्ध मैथिली नाटककार महेंद्र मलंगिया जी एकटा आओर सम्मान सं सम्मानित भेलाह। मलंगिया जी के रविदिन, 18 सितंबर के नेपालक राजधानी काठमांडू मे ‘हरिप्रसाद कल्याणी रिमाल नाट्यसंगीत पुरस्कार सं सम्मानित कयल गेलन्हि। मैथिली भाषा साहित्य नाट्यसर्जक आ निर्देशक महेंद्र मलंगिया जी मधुबनी जिलाक मलंगिया गाम के रहय वाला छथिन्ह। हिनका एहि सं पहिने मैथिली भाषाक प्रतिष्ठित प्रबोध सम्मान, पाटलिपुत्र सम्मान, विद्यापति सेवा संस्थान सम्मान, रंग रत्न उपाधि
Read more

जिम्मेदार के ?

By
Image
दरभंगा के कुशेश्वरस्थान आओर खगड़िया के अलौली प्रखंड मे भेल नाव दुर्घटना के बाद बिहार मे राजनीतिक आरोप -प्रत्यारोप के दौर शुरू भs गेल अछि. कोई एकरा लेल प्रशासन...सरकार के जिम्मेदार ठहरा रहल अछि... त ककरो कहनाय अछि जे अगर लोक कनि सब्र सं काज लैत त एहन दुर्घटना नहि होएत. जल्दी पहुंचय लेल जानि कs क्षमता सं बेसि लोक नाव पर चढि गेलाह. कतेक लोक के अहां रोकि सकैत छी ? आजादी के एतेक दिन बादहुं लोक के एक ठाम सं दोसर ठाम जाए लेल नाव के सहारा लेबय पड़य अछि. यातायात के साधन नहि अछि. इंफ्रास्ट्रक्चर पर ध्यान नहि देल गेल अछि. सड़क... बिजली आओर दोसर मूलभूत सुविधा के मामला मे काफी पिछड़ल अछि. एहि के लेल पिछला सभ सरकार जिम्मेदार अछि. फेर हमहु सभ कम जिम्मेदार नहि छी जे अपना आस-पास के समस्या... परेशानी के अपन सांसद... विधायक... मंत्री के नहि बताबय छी. आवेदन नहि करय छी. सूचना के अधिकार के फायदा नहि उठावय छी. पिआस लगला पर पोखर खोदय छी. लोकतंत्र मे जनता के बेसि जागरूक रहय पड़य छनि. प्रतिनिधि के हुड़काबय पड़य छनि. काम-काज कराबय लेल मुखिया... सरपंच सं लs क मुख्यमंत्री तक अपन दुखड़ा पहुंताबय पड़य छै. जखन...
Read more

जगदीश मंडल जी के उपन्यास 'पंगु' लेल साहित्य अकादमी पुरस्कार

By
Image
वरिष्ठ साहित्यकार श्री जगदीश मंडल जी के हुनक उपन्यास 'पंगु' लेल वर्ष 2021 केर मैथिली भाषाक साहित्य अकादमी पुरस्कार सं सम्मानित कएल जएबाक निर्णय भेल अछि। एहि सम्मान के लेल मंडल जी के हार्दिक बधाई आ शुभकामना। हिनकर उपन्यास 'पंगु' साल 1942-75 के बीच केर किसानक परिवेश पर आधारित अछि। ई उपन्यास साल 2018 मे छपल छल।
Read more

आब मैथिली मे गीता...

By
Image
रामायण के बाद आब गीता सेहो मैथिली मे आबि गेल अछि. मैथिली मे ई नवका गीता लिखलखिन्ह मधुबनी जिला के रुद्रकांत पाठक जी. रुद्रकांत जी रहिका ब्लॉक के सतलखा पाठकटोल सं छथिन्ह. पाठक टी रिटायर टीचर छथिन्ह. हिनकर गीता केर नाम छनि 'रद्रांशकृत वचनामृत गीता' रुद्रकांत जी गीता के श्लोक के पहिने मैथिली मे पद्य के रूप मे अनुवाद कएलखिन्ह फेर ओकर भाव के अनुवाद करि ओकरा आम लोक के लेल आसान बना देलखिन्ह. सभ सं अचरज के गप ई जे ओ एहि गीता के अनुवाद सिर्फ डेढ़ मास मे कएलखिन्ह. जखन कि गीता के 18 अध्याय मे कुल 705 श्लोक अछि. हिनकर अनुवाद कएल गीता आम लोक के आसानी सं समझ मे आबि सकैत अछि. मैथिली के लेल ई एकटा नीक खबर अछि. एहि सं मैथिली साहित्य आओर समृद्ध होएत आओर लोक के रुझान सेहो बढ़त. हुनका सं प्रेरणा ल आओर लोक एहि क्षेत्र मे काज करय लेल आगां अएताह आओर नव-नव किताबक... ग्रंथक अनुवाद करताह. मुदा सभसं पैघ जरूरत अछि मैथिली साहित्य के आम लोक तक पहुंचाबय के. अखन धरि ई आम लोक के पहुंत सं दूर अछि. दिल्ली...पटना केर त गप छोडुं दरभंगा...मधुबनी तक मे मैथिलीक पोथी...किताब खरीदय लेल लोक के भारी परेशानी उठाबय पड़य छनि...
Read more