राज सं लाचार कांग्रेस

महाराष्ट्र विधानसभा मे महाराष्ट्र नवनिर्माण सेना के विधायक जमि कs बवाल करलक. समाजवादी पार्टी के विधायक अबु आजमी के हिंदी मे शपथ लेबय सं रोकय के पूरा कोशिश करलक. शपथपत्र छीन लेलक. हाथापाई करलक. एतेक सभ भेलाह पर कांग्रेस के कहनाय अछि जे महाराष्ट्र नवनिर्माण सेना प्रमुख राज ठाकरे कानून के मखौल उड़ा रहल अछि. ओ कानून... संविधान के अनादर करि रहल अछि. कतेक हास्यास्पद गप अछि. कांग्रेस ई बात करि रहल अछि. जकर राज्य आओर केंद्र दुनू ठाम सरकार अछि.

आखिर राज ठाकरे के शुरुए सं एतेक सिर पर के चढ़ौलक ? कांग्रेसे नहि ? मराठी मानुष आओर यूपी-बिहारी भैया सभ के खिलाफ मारि-पीट करय के मामला होए. यूपी-बिहारी वापस जाओ के नारा लगाबय के होए. कांग्रेस शुरूए सं कड़ा रुख अपनौने रहैत त एहन हाल नहि रहैत? सवाल इहो अछि जे अगर कांग्रेस आओर शरद पवार जीक एनसीपी... राज ठाकरे के बढ़ावा नहि देने रहैत त कि आई महाराष्ट्र मे कांग्रेस-एनसीपी के सरकार बनैत? कहि सकय छी...कदापि नहि? ओ त राज ठाकरे छथि जिनके प्रतापे बाल ठाकरे के शिवसेना के वोट कटल आओर कांग्रेस-एनसीपी आगां बढ़ि सकल. एकदम सं अंग्रेज वाला फूट डालो राज करो के नीति.

राज ठाकरे चुनाव खत्म भेलाह के बादे सभ विधायक के कहि देने रहय जे अहां सभ मराठी मे शपथ लिअ. अगर मराठी मे शपथ नहि लेब त हमर लोक अहां सभ के रोकि सकैत अछि आ दोसर कदम उठा सकैत अछि. लोक के देश मे कोनो भाषा पढ़य...लिखय... बाजय... शपथ लेबय के अधिकार देल गेल अछि. आओऱ फेर हिंदी त राष्ट्रभाषा अछि. आब अहां सोचि सकय छी जे कि राज ठाकरे आओर एहि कांग्रेस सरकार के रहैत देश मे कोनो विधायक हिंदी मे शपथ नहि लs सकैत अछि कि ?. अगर हिंदी मे शपथ नहि ल सकैत अछि त अहां मैथिली... संस्कृत... उर्दू... गुजराती... पाली के बारे मे सोचि सकय छी जे कि हाल होएत?

महाराष्ट्र मे ई सभ भेल मुम्बई महानगर मे. जतय अहां सोचि सकय छी जे आधा सं बेसि लोक बाहरी होएत... कमाय... खाय के लेल आएल लोक. फिल्मी दुनिया... सरकारी दफ्तर मे काज करय वाला... फैक्ट्री... कारखाना... दोकान मे काज करय वाला. कारोबार के लेल दोसर ठाम सं आएल लोक. महाराष्ट्र के दोसर हिस्सा के बात छोडु मुदा मुम्बई मे त बेसि अंग्रेजीए चलैत अछि. मराठी हिंदी त छोडु. बॉलीवुड फिल्म के हिंदी डॉयलॉग सेहो रोमन मे लिखल रहैत अछि. ओहि ठाम राज ठाकरे के पार्टी के एहन हंगामा पर राज्य सरकार किएक चुप अछि किछ कहल नहि जा रहल अछि. राज्य के मुख्यमंत्री कहय छथिन्ह ई अशोभनीय घटना अछि. ओ किछ करताह नहि. बस डॉयलॉग छोड़ताह. हिनका सं पहिने जे मुख्यमंत्री छलाह देशमुखजी हुनको सेहो हाल छलन्हि. महाराष्ट्र मे जखन यूपी-बिहारी के पीटल जा रहल छल तखन ओ चुपचाप सिर्फ देखैत रहलाह.

आओर एहन नहि अछि जे ई सभ एकाएक भेल होए. राजठाकरे पहिने सं एकर धमकी देने छल तखनो किछ नहि भेल इहे त बड़का शर्म के बात अछि. ओना सभ पार्टी के दबाव के देखैत बाद मे महाराष्ट्र नवनिर्माण सेना के चारिटा विधायक के चारि साल के लेल निलंबित करि देल गेल. आब देखु आगां कि होएत अछि.

Fropper.com - Indian Dating, Friendship, Romance

हमर ईमेल:-hellomithilaa@gmail.com

Comments

डॉक्टर लौटला... मुदा नुकसान के भरपाई केना होएत ?

Fropper.com - Indian Dating, Friendship, Romance पिछला पांच दिन सं बिहार मे जारी जूनियर डॉक्टर के हड़ताल खत्म भ गेल अछि. सरकार के मांग मानि लेबय के बाद डॉक्टर सभ काज पर वापस आबि गेलाह. आब हुनका सभ के 25 हजार रुपया के स्टाइपेंड मिलतन्हि. मुदा एहि हड़ताल के कारण इलाज नहि होए सं 46 लोक मारल गेलाह. हड़ताल पटना मेडिकल कॉलेज अस्पताल... पीएमसीएच आओर दरभंगा मेडिकल कॉलेज अस्पताल...डीएमसीएच दुनु मे छल. मांग मानि लेल गेलाह पर डॉक्टर सभ वापस त आबि गेलाह मुदा जे लोक इलाज के अभाव मे मरि गेलाह ओकर भरपाई केना होएत ? कि एकरा लेल हड़ताली डॉक्टर दोषी नहि छथि ? कि सरकार सं ई मांग दोसर कोनो तरहे नहि मनाएल जा सकय छल ? कि डॉक्टर के लेल आब सेवा भावना आओर शपथ कोनो मायने नहि रखैत अछि ? कि सभ किछ के पाइए सं तौलल जाएत ?. हमर ईमेल:-hellomithilaa@gmail.com Mithila, Maithili,Madhubani Paintings, Darbhanga, Samastipur, Muzaffarpur, Sitamarhi,nepal, janakpur,kamla balan, bagmati, kusha, ahilya, border, Janki, Kosi, Purnea, Saharsa, Madhepura, Araria, Supaul, Bihar, bihari, Patna, Lalu,laloo, Nitish, Paswan, Kojagra...

हमर पहिल ब्लॉग

हमर पहिल ब्लॉग में अहांक स्वागत अछि... ई ब्लॉग में हम सभ मिल कय अपन गाम घर... अपन मिथिलाक गप्पकरब... एक दूसराक दिलक बात करब... सुख-दुखक बात करब...मिथिलाक विकासक बात करब...हम कदम उठाचुकल छी बस अहां सभक सहयोगक दरकार अछि... मुदा एकटा विनम्र आग्रह अछि...अहां सभ अपन राय, सुझाव जरूर दिअ...गलती बताबय के कष्ट करब. धन्यवाद अहांक अपन.. हितेन्द्र कुमार गुप्ता hellomithilaa@gmail.com +919873606696

सौभाग्य मिथिला : मैथिलीक अपन चैनल

मैथिली के चौबीसों घंटा वाला अपन चैनल 18 जून सं शुरू भs रहल अछि. चैनल के नाम अछि सौभाग्य मिथिला . मिथिला... मैथिलीक लेल ई नीक खबर अछि. करीब पांच करोड़ मैथिल के लेल ई मैथिलीक पहिल मनोरंजन चैनल होएत. लाइन मे किछ आओर चैनल अछि मुदा किछ एहन पेंच... कारण अछि जेहि सं ओ ऑन एयर नहि भS रहल अछि. सौभाग्य मिथिलाक तैयारी अखन जोर-शोर सं चलि रहल अछि. चैनल के काज देख रहल छथिन्ह प्रफुल्ल कुमार मिश्रजी. प्रफुल्लजी करीब 14 साल सं टीवी सं जुड़ल छथिन्ह. आओर सौभाग्य मिथिला के धरातल पर लाबय लेल दिन-राति एक कएने छथिन्ह. प्रफुल्ल जीक संग चैनल सं कइटा आओर अनुभवी लोक सभ जुड़ल छथिन्ह जे मिथिला... मैथिल सभ्यता... संस्कृति आओर साहित्य के लोक के बीच पहुंचाबय लेल प्रयासरत छथिन्ह. प्रिंट पत्रकारिता आओर रंगमंच सं जुड़ल कुमार शैलेन्द्र जी चैनल के प्रोग्रामिंग देख रहल छथिन्ह. उम्मीद करबाक चाही जे ओ नीक-नीक कार्यक्रम लsक अएताह. कईबेर हुनकर नाटक देखय के मौका मिलल अछि. नीक काज करय छथिन्ह. सौभाग्य मिथिला पर भोर मे 6 बजे सं लs क राति साढ़े दस बजे धरि अहां के नबका-नबका कार्यक्रम देखायल जाएत. राति मे अहां दिनका किछ नीक कार्यक्रम...

हमर विआह- 8

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...

जनकपुरधाम मिथिला मध्यमा परिक्रमा शुरू

मिथिला बिहारी आ किशोरीजीक डोला संगही मिथिलाञ्चलमे पन्द्र दिन धैर पैदले घुमलजायबला मध्यमा परिक्रमा आई, 23 फरवरी सं शुरू भ रहल अछि।

मिथिला पेंटिंग ट्रेनिंग सेंटर

हमर गाम केवटी मे मिथिला पेंटिंग ट्रेनिंग सेंटर खुली रहल अछि. गाम के लेल ई बड़ नीक गप अछि. एहि सं दरभंगा-मधुबनी जिला के एकटा बड़का इलाका के लोक फायदा उठा सकय छथिन्ह. किएक त हमर गाम दरभंगा आओर मधुबनी जिला के बीच मे अछि. केवटी द क दरभंगा सं नेपालक सीमा जयनगर के जोड़य वाला नेशनल हाइवे सेहो जाएत अछि. हमर गामक हाईस्कूल मे अखनो इलाका के 10-12 किलोमीटर तक के छात्र पढ़य आबय छथिन्ह. ओना जखन हम स्कूल मे छलहुं तखन कहि सकय छी 50-50 किलोमीटर दूर तक के छात्र एहि ठाम पढय आबय छलखिन्ह. ओहि टाइम एहि ठाम छात्रावास के नीक व्यवस्था छल. सुदिष्ठ झा जीक समय केवटी स्कूल के पूरा दरभंगा-मधुबनी जिला मे एकटा अलग प्रतिष्ठा प्राप्त छल. आब गाम मे मिथिला पेंटिंग ट्रेनिंग सेंटर खुली रहल अछि. एहि सेंटर के खोलय के शुभ कार्य करय जा रहल छथिन्ह राम कुमार दास जी. राम कुमार दास जी रिटायर माइनिंग इंजीनियर छथिन्ह. दास जी अखन 65 साल के छथिन्ह. दस साल के उम्र मे गाम सं पढ़ाई-लिखाई... नौकरी के सिलसिला मे जे बाहर निकललखिन्ह तं आब 55 साल बाद फेर सं गाम वापस आबय के मौका मिललन्हि. पढ़ाई-लिखाई आ नौकरी लेल गाम सं निकलला पर कई बेर लोक म...

दहेज मुक्त मिथिलाक लेल बैसार

दहेज मुक्त मिथिलाक लेल एकटा बैसार रवि दिन 14 अगस्त के दिल्ली मे कनॉट प्लेस के पास कॉफी हाउस भ रहल अछि. एहि बैसार मे 28 सितंबर के दहेज मुक्त मिथिलाक लेल होए वाला राष्ट्रीय अधिवेशनक एजेंडा पर विचार - विमर्श कएल जाएत. बैसार मे अधिवेशन कतय कएल जाए...अधिवेशन के कार्यक्रम केहन होए... एकर प्रारूप... सहयोग... संकलन पर मिल-बैसि s क बात कएल जाएत. 28 सितंबर के दहेज मुक्त मिथिलाक लेल संकल्प दिवस के रूप मे मनाएल जाएत. एहि दहेज के कारण कतेक घर

Hello Mithila

Search This Blog