Skip to main content

राज्यपाल करताह बाढ़ि प्रभावित इलाका के दौरा

By
बिहार के राज्यपाल देवानंद कुंवर काल्हि शनि दिन मिथिला के बाढ़ि प्रभावित इलाका के दौरा करताह. अपन दौरा के क्रम मे वो दरभंगा हवाई अड्डा पर अधिकारी सभ सं बाढ़ि के हालात पर चर्चा सेहो करथिन्ह. बाढ़ि के जाएजा ल राज्यपाल जरूरी निर्देश सेहो देथिन्ह. दरभंगा के हवाई अड्डा केवटी ब्लॉक मे पड़ैत अछि आओक केवटी ब्लॉक के खिरमा के पास राष्ट्रीय राजमार्ग पर पानि बहय के कारण लोक के अनाय जनाय बंद भेल अछि. हमर गाम केवटीक सम्पर्क जिला मुख्यालय दरभंगा सं कटल अछि.
बाढ़ि के हालत पर स्थानीय स्तर पर सेहो चर्चा कएल गेल. प्रखंड मुख्यालय मे भेल एकटा बैठक मे बीडीओ साहेब के संग प्रखंड के सभ बड़का अफसर... सभ पार्टी के नेता आओर गणमान्य लोक सभ हिस्सा लेलाह. एहि बैठक मे प्रखंड के छबीसों टा पंचायत के बाढ़ि प्रभावित घोषित करय के प्रस्ताव पास कएल गेल. अधिकारी सभ के कहनाय छनि जे सरकार के तरफ सं प्रखंड के सभ किसान के बाढ़ि से नुकसान पहुंचल फसल के मुआवजा मिलतन्हि... माल-मवेशी के लेल चारा के इंतजाम कएल जाएत... आओर अनाज के व्यवस्था कएल जाएत. जिलाधिकारी के तरफ सं सेहो कहल गेलन्हि जे शुरुआत मे बाढ़ि प्रभावित सभ लोक के एक क्विंटल अनाज आओर ढ़ाई सय के करीब रुपया देल जाएत.
ओना मिथिलाक दोसर इलाका मे बाढ़ि के सेहो हाल बड़ खराब अछि. दरभंगा के संग मधुबनी... समस्तीपुर... सीतामढ़ी... कटिहार... खगड़िया... सुपौल के लोक परेशान छथिन्ह. भीतर आओर दूरदराज के इलाका के लोक सभ के पास राहत नहि पहुंचि पाबि रहल अछि. लोक सभ के पास जिनगी बचाबय के लेल संघर्ष करि रहल छथिन्ह.
Share/Save/Bookmark
हमर ईमेल:-hellomithilaa@gmail.com


Labels:

Comments

  1. मुकुन्द बिहारीAugust 29, 2009 at 10:58 AM

    सर नमस्कार... अपने त मिथिलांचल से जुड़ सबटा समाचार हमरा सब के द देए छी

    ReplyDelete
  2. UnknownAugust 29, 2009 at 11:34 AM

    Dhanyawad Mukundjee... ehina utsaah barhaabait rahiyau.

    ReplyDelete

Post a Comment

Popular posts from this blog

हमर विआह- 8

By
श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...
18 comments
Read more

फर्स्ट आउ छात्रवृत्ति पाउ

By
बिहार सरकार के तरफ सं एकटा छात्रवृत्ति योजना शुरू कएल गेल अछि. एहि मे एससी... एसटी, अल्पसंख्यक आओर अत्यंत पिछला वर्ग सं मैट्रिक मे फर्स्ट आबय वाला विद्यार्था के 10 हजार रुपया के छात्रवृत्ति देल जाएत. एकर शुरूआत मुख्यमंत्री नीतीश कुमार जी पटना मे किछ छात्र के 10 हजार रुपया के चेक द कएलखिन्ह. अहांके कि लगैत अछि कि ई एकटा नीक कदम अछि? कि एहि सं बेसि सं बेसि विद्यार्थी पढ़ाई-लिखाई के तरफ ध्यान देताह ? कि ई राज्य मे साक्षरता लाबय के दिशा मे नीक पहल अछि? आ फेर एकरो हाल दोसर योजना के जकां रहत? सरकार एहि सं पहिनहुं चरवाहा विद्यालय... साइकिल योजना... मिडडे मील नहि जाने कि कि चलाबैत अछि...कि एकरो हाल ओकरे जकां होएत? अहां सभ अपन-अपन विचार जरूर राखु आओर इहो बताउ जे शिक्षा क्षेत्र मे बेहतरी के लेल सरकार के आओर कि- कि करबाक चाही?   Mithila News Fropper.com - Indian Dating, Friendship, Romance हमर ईमेल:-hellomithilaa@gmail.com Mithila, Maithili,Madhubani Paintings, Darbhanga, Samastipur, Muzaffarpur, Sitamarhi,nepal, janakpur,kamla balan, bagmati,Janki, Kosi, Purnea, Saharsa, Madhepur...
6 comments
Read more

सौभाग्य मिथिला : मैथिलीक अपन चैनल

By
मैथिली के चौबीसों घंटा वाला अपन चैनल 18 जून सं शुरू भs रहल अछि. चैनल के नाम अछि सौभाग्य मिथिला . मिथिला... मैथिलीक लेल ई नीक खबर अछि. करीब पांच करोड़ मैथिल के लेल ई मैथिलीक पहिल मनोरंजन चैनल होएत. लाइन मे किछ आओर चैनल अछि मुदा किछ एहन पेंच... कारण अछि जेहि सं ओ ऑन एयर नहि भS रहल अछि. सौभाग्य मिथिलाक तैयारी अखन जोर-शोर सं चलि रहल अछि. चैनल के काज देख रहल छथिन्ह प्रफुल्ल कुमार मिश्रजी. प्रफुल्लजी करीब 14 साल सं टीवी सं जुड़ल छथिन्ह. आओर सौभाग्य मिथिला के धरातल पर लाबय लेल दिन-राति एक कएने छथिन्ह. प्रफुल्ल जीक संग चैनल सं कइटा आओर अनुभवी लोक सभ जुड़ल छथिन्ह जे मिथिला... मैथिल सभ्यता... संस्कृति आओर साहित्य के लोक के बीच पहुंचाबय लेल प्रयासरत छथिन्ह. प्रिंट पत्रकारिता आओर रंगमंच सं जुड़ल कुमार शैलेन्द्र जी चैनल के प्रोग्रामिंग देख रहल छथिन्ह. उम्मीद करबाक चाही जे ओ नीक-नीक कार्यक्रम लsक अएताह. कईबेर हुनकर नाटक देखय के मौका मिलल अछि. नीक काज करय छथिन्ह. सौभाग्य मिथिला पर भोर मे 6 बजे सं लs क राति साढ़े दस बजे धरि अहां के नबका-नबका कार्यक्रम देखायल जाएत. राति मे अहां दिनका किछ नीक कार्यक्रम...
21 comments
Read more