नहि मिलत विशेष राज्य के दर्जा...

बिहार के विशेष राज्य के दर्जा नहि मिलत. मिलत केना? जखन प्रधानमंत्री खुद एकरा पक्ष मे नहि छथिन्ह त दोसर ककर हिम्मत जे एकरा आगां बढ़ाएत ? कांग्रेस त शुरूए सं बिहार के पिछड़ापन के लेल जिम्मेदार रहल अछि. आब एकटा उम्मीद छल स्पेशल स्टेट्स के सेहो खत्म भs गेल. देश के एकटा प्रमुख अखबार अछि टाइम्स ऑफ इंडिया . एहि अखबार मे साफ लिखल अछि जे PM against special category status demand अहां सभ लिंक के क्लिक करि रिपोर्ट पढ़ि सकय छी.

बिहार के प्रति कांग्रेस के रवैया अहां ईहो बात सं जानि सकय छी जे केंद्रीय मंत्रिमंडल मे बिहार के एकोटा प्रतिनिधि... मंत्री नहि छथिन्ह. रेल बजट मे बिहार के अंगुठा देखाएले गेल... आम बजट मे त साफ- साफ उपेक्षा करि देल गेल. दादा-दीदी के चक्कर मे बिहार बाबू- दादा करि रहल अछि... कराहि रहल अछि. फायदा मे रहय वाला रेल मंत्रालय लालू के खिलाफ श्वेत पत्र लाबय वाला अछि... मुदा करोड़ो रुपया के नुकसान करय वाला विमानन मंत्रालय के किछ नहि कहल जा रहल अछि. सरकार आओर करोड़ो रुपया के पैकेज देबय के सोचि रहल अछि. जेहिआ सं शरद पवार देश के कृषि मंत्री बनलाह देश के खेती के हाल खराब अछि.. .हुनका कारणे महंगाई चरम पर अछि... लोक के खनाय-पिनाय मुश्किल भ गेल अछि. हुनका किछ नहि कहल जाएत. फेर करोड़ो रुपया के आयात... निर्यात के खेल चलत.
एकरा लेल बिहार के राजनेता सेहो कम जिम्मेदार नहि छथिन्ह. रेल आओर बजट मे जखन बिहार के उपेक्षा होएत रहय तखन नीतीश कुमार ओकर खिलाफ बजय के जगह... विरोध करय के जगह लालू पर लागल रहलाह. अपने मे लड़ैत रहलाह आओर केंद्र हिनका सभ के अपन लड़ाई पर हंसैत रहल.

जखन बिहार के सांसद सभ प्रधानमंत्री सं मिललखिन्ह... त ओ चुपचाप सुनैत रहलखिन्ह. बस विचार करय... मामला के देखय के बात कहि सभ के विदा कs देलखिन्ह. कोसी के लेल जतय 1400 करोड़ रुपया मांगल गेल रहय ओतय बिहार के 117 करोड़ रुपया देल गेल. ई त घाव पर नमक छिड़कनाय भेल. सभ सांसद प्रधानमंत्री सं कहबो कएलखिन्ह जे अहां खुद एकरा राष्ट्रीय आपदा घोषित कएने छलहुं मुदा एतेक राशि त ऊंट के मुंह मे जीरा साबित होएत. ओ किछ नहि बजलाह.

बिहार के 34 टा सांसद मनमोहन सिंह जी सं मिललखिन्ह. ओहि मे आरजेडी... जेडीयू... बीजेपी सभ के नेता छलखिन्ह... लालू यादव... शरद यादव ... राजीव रंजन सिंह... शिवानंद तिवारी... शाहनवाज हुसैन... एनके सिंह. सांसद सभ बिहार के बारे मे करीब आधा घंटा तक हुनका सं बात कएलखिन्ह. प्रधानमंत्री बस भरोस देलखिन्ह. भरोस के बल पर त बिहार अखन धरि ठगाइत रहल अछि. अहां सभ बस हाथ पर हाथ धरि बैसल रहुं.

Fropper.com - Indian Dating, Friendship, Romance

हमर ईमेल:-hellomithilaa@gmail.com

Comments

डॉक्टर लौटला... मुदा नुकसान के भरपाई केना होएत ?

Fropper.com - Indian Dating, Friendship, Romance पिछला पांच दिन सं बिहार मे जारी जूनियर डॉक्टर के हड़ताल खत्म भ गेल अछि. सरकार के मांग मानि लेबय के बाद डॉक्टर सभ काज पर वापस आबि गेलाह. आब हुनका सभ के 25 हजार रुपया के स्टाइपेंड मिलतन्हि. मुदा एहि हड़ताल के कारण इलाज नहि होए सं 46 लोक मारल गेलाह. हड़ताल पटना मेडिकल कॉलेज अस्पताल... पीएमसीएच आओर दरभंगा मेडिकल कॉलेज अस्पताल...डीएमसीएच दुनु मे छल. मांग मानि लेल गेलाह पर डॉक्टर सभ वापस त आबि गेलाह मुदा जे लोक इलाज के अभाव मे मरि गेलाह ओकर भरपाई केना होएत ? कि एकरा लेल हड़ताली डॉक्टर दोषी नहि छथि ? कि सरकार सं ई मांग दोसर कोनो तरहे नहि मनाएल जा सकय छल ? कि डॉक्टर के लेल आब सेवा भावना आओर शपथ कोनो मायने नहि रखैत अछि ? कि सभ किछ के पाइए सं तौलल जाएत ?. हमर ईमेल:-hellomithilaa@gmail.com Mithila, Maithili,Madhubani Paintings, Darbhanga, Samastipur, Muzaffarpur, Sitamarhi,nepal, janakpur,kamla balan, bagmati, kusha, ahilya, border, Janki, Kosi, Purnea, Saharsa, Madhepura, Araria, Supaul, Bihar, bihari, Patna, Lalu,laloo, Nitish, Paswan, Kojagra...

हमर पहिल ब्लॉग

हमर पहिल ब्लॉग में अहांक स्वागत अछि... ई ब्लॉग में हम सभ मिल कय अपन गाम घर... अपन मिथिलाक गप्पकरब... एक दूसराक दिलक बात करब... सुख-दुखक बात करब...मिथिलाक विकासक बात करब...हम कदम उठाचुकल छी बस अहां सभक सहयोगक दरकार अछि... मुदा एकटा विनम्र आग्रह अछि...अहां सभ अपन राय, सुझाव जरूर दिअ...गलती बताबय के कष्ट करब. धन्यवाद अहांक अपन.. हितेन्द्र कुमार गुप्ता hellomithilaa@gmail.com +919873606696

सौभाग्य मिथिला : मैथिलीक अपन चैनल

मैथिली के चौबीसों घंटा वाला अपन चैनल 18 जून सं शुरू भs रहल अछि. चैनल के नाम अछि सौभाग्य मिथिला . मिथिला... मैथिलीक लेल ई नीक खबर अछि. करीब पांच करोड़ मैथिल के लेल ई मैथिलीक पहिल मनोरंजन चैनल होएत. लाइन मे किछ आओर चैनल अछि मुदा किछ एहन पेंच... कारण अछि जेहि सं ओ ऑन एयर नहि भS रहल अछि. सौभाग्य मिथिलाक तैयारी अखन जोर-शोर सं चलि रहल अछि. चैनल के काज देख रहल छथिन्ह प्रफुल्ल कुमार मिश्रजी. प्रफुल्लजी करीब 14 साल सं टीवी सं जुड़ल छथिन्ह. आओर सौभाग्य मिथिला के धरातल पर लाबय लेल दिन-राति एक कएने छथिन्ह. प्रफुल्ल जीक संग चैनल सं कइटा आओर अनुभवी लोक सभ जुड़ल छथिन्ह जे मिथिला... मैथिल सभ्यता... संस्कृति आओर साहित्य के लोक के बीच पहुंचाबय लेल प्रयासरत छथिन्ह. प्रिंट पत्रकारिता आओर रंगमंच सं जुड़ल कुमार शैलेन्द्र जी चैनल के प्रोग्रामिंग देख रहल छथिन्ह. उम्मीद करबाक चाही जे ओ नीक-नीक कार्यक्रम लsक अएताह. कईबेर हुनकर नाटक देखय के मौका मिलल अछि. नीक काज करय छथिन्ह. सौभाग्य मिथिला पर भोर मे 6 बजे सं लs क राति साढ़े दस बजे धरि अहां के नबका-नबका कार्यक्रम देखायल जाएत. राति मे अहां दिनका किछ नीक कार्यक्रम...

हमर विआह- 8

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...

जनकपुरधाम मिथिला मध्यमा परिक्रमा शुरू

मिथिला बिहारी आ किशोरीजीक डोला संगही मिथिलाञ्चलमे पन्द्र दिन धैर पैदले घुमलजायबला मध्यमा परिक्रमा आई, 23 फरवरी सं शुरू भ रहल अछि।

मिथिला पेंटिंग ट्रेनिंग सेंटर

हमर गाम केवटी मे मिथिला पेंटिंग ट्रेनिंग सेंटर खुली रहल अछि. गाम के लेल ई बड़ नीक गप अछि. एहि सं दरभंगा-मधुबनी जिला के एकटा बड़का इलाका के लोक फायदा उठा सकय छथिन्ह. किएक त हमर गाम दरभंगा आओर मधुबनी जिला के बीच मे अछि. केवटी द क दरभंगा सं नेपालक सीमा जयनगर के जोड़य वाला नेशनल हाइवे सेहो जाएत अछि. हमर गामक हाईस्कूल मे अखनो इलाका के 10-12 किलोमीटर तक के छात्र पढ़य आबय छथिन्ह. ओना जखन हम स्कूल मे छलहुं तखन कहि सकय छी 50-50 किलोमीटर दूर तक के छात्र एहि ठाम पढय आबय छलखिन्ह. ओहि टाइम एहि ठाम छात्रावास के नीक व्यवस्था छल. सुदिष्ठ झा जीक समय केवटी स्कूल के पूरा दरभंगा-मधुबनी जिला मे एकटा अलग प्रतिष्ठा प्राप्त छल. आब गाम मे मिथिला पेंटिंग ट्रेनिंग सेंटर खुली रहल अछि. एहि सेंटर के खोलय के शुभ कार्य करय जा रहल छथिन्ह राम कुमार दास जी. राम कुमार दास जी रिटायर माइनिंग इंजीनियर छथिन्ह. दास जी अखन 65 साल के छथिन्ह. दस साल के उम्र मे गाम सं पढ़ाई-लिखाई... नौकरी के सिलसिला मे जे बाहर निकललखिन्ह तं आब 55 साल बाद फेर सं गाम वापस आबय के मौका मिललन्हि. पढ़ाई-लिखाई आ नौकरी लेल गाम सं निकलला पर कई बेर लोक म...

दहेज मुक्त मिथिलाक लेल बैसार

दहेज मुक्त मिथिलाक लेल एकटा बैसार रवि दिन 14 अगस्त के दिल्ली मे कनॉट प्लेस के पास कॉफी हाउस भ रहल अछि. एहि बैसार मे 28 सितंबर के दहेज मुक्त मिथिलाक लेल होए वाला राष्ट्रीय अधिवेशनक एजेंडा पर विचार - विमर्श कएल जाएत. बैसार मे अधिवेशन कतय कएल जाए...अधिवेशन के कार्यक्रम केहन होए... एकर प्रारूप... सहयोग... संकलन पर मिल-बैसि s क बात कएल जाएत. 28 सितंबर के दहेज मुक्त मिथिलाक लेल संकल्प दिवस के रूप मे मनाएल जाएत. एहि दहेज के कारण कतेक घर

Hello Mithila

Search This Blog