नहि होएत आनलाइन पिंडदान...

Fropper.com - Indian Dating, Friendship, Romance

गया मे होए वाला पितृपक्ष मेला के दौरान जे आनलाइन पिंडदान कराबय के बात चलि रहल छल ओकरा टालि देल गेल अछि. एहि सं पहिने बिहार के उप मुख्यमंत्री सुशील कुमार मोदी बिहार सं बाहर रहय वाला लोक के लेल आनलाइन पिंडदान शुरू करय के प्रस्ताव रखने छलखिन्ह. मुदा गया पितृपक्षा मेला प्राधिकरण के बैसार मे एकरा लागू नहि करय के फैसला लेल गेल. बैसार मे ई कहल गेल जे कइटा धार्मिक संगठन एकर विरोध कएलक अछि. बैसार मे एकरा वैदिक संस्कृति आओर हिंदू घर्म के आस्था पर चोट करनाय बताएल गेल. बैसार मे शामिल बिहार सरकार के मंत्री अश्विनी चौबे सेहो एकर विरोध कएलखिन्ह. हुनका विरोध करतहि सभ सुर मे सुर मिलाबय लागलखिन्ह.

चौबे जीक कहनाय छलन्हि जे पिंडदान ओहे करय छथिन्ह जिनका अपना पुरखा के लेल श्रद्धा रहय छनि. एकरा लेल गया...बदरीनाथ जाए पड़य छनि. ओना मंत्रीजी ई जरूर निर्देश देलखिन्ह जे मेला के प्रचार-प्रसार जरूर कएल जाए. अखबार... पत्रिका... टीवी... वेबसाइट पर पर पिंडदान के महात्म लोक के बताएल जाए. एकरे संग अधिकारी सभ के 3 सितम्बर सं शुरू होए वाला मेला के लेल सभ तरहक तैयारी समय पर पूरा करय के लेल सेहो कहल गेल.

हमर ईमेल:-hellomithilaa@gmail.com