कि भs पाएत अंग्रेजी अनिवार्य ?

By
बिहार विद्यालय परीक्षा समिति... बोर्ड के परीक्षा मे आब अंग्रेजी अनिवार्य होएत. फैसला ल लेल गेल अछि. लागू कहिआ सं होएत एहि पर किछ नहि कहल जा सकैत अछि. ओना कोशिश भs रहल अछि जे अगिला साल सं एकरा लागू करि देल जाए. मुदा बिहार मे जे पढ़ाई के हाल अछि ओकरा देखैत एहि पर संदेह लगैत अछि जे ई अगिला साल सं लागू भ पाएत. बिहार बोर्ड मे अखन अंग्रेजी कंपल्सरी नहि अछि. अंग्रेजी मे फेल करला पर परीक्षा रिजल्ट पर कोनो असर नहि पड़ैत अछि.
एहि कदम के जतय किछ लोक समर्थन करि रहल छथिन्ह ओतय किछ लोक कंपल्सरी करय के खिलाफ छथिन्ह. बिहार मे अगर अंग्रेजी अनिवार्य करि देल जाएत अछि त सभ स बड़का दिक्कत पढ़ाई के भs जाएत. जखन परीक्षा पास करनाय अनिवार्य भ जाएत त विद्यार्थी के जोर अंग्रेजी पर सेहो रहत. मुदा अखन बिहार मे अंग्रेजी पढ़ाबय लाएक ढंग के टीचर नहि छथिन्ह. एहि बातक खुलासा 12 जिला मे कराएल गेल सर्वे मे सेहो भेल अछि. सर्वे मे ई पाएल गेल जे अंग्रेजी विषय के पढ़ाबय वाला शिक्षक खुद अंग्रेजी नहि बोलि पाबय छथिन्ह. कइटा स्कूल एहन अछि जतय दोसर विषय के गुरुजी अंग्रेजी के क्लॉस सेहो लय छथिन्ह. 
 बोर्ड करला के बाद आगां के पढ़ाई-लिखाई के लेल छात्र के बिहार सं बाहर जाए पड़य छनि. मुदा अंग्रेजी माध्यम सं पढ़ाई नहि करला के कारण हुनका दिक्कत के सामना करय पड़य छनि. बिहार के विद्यार्थी मैथ...साइंस मे नीक नंबर लाबय छथिन्ह मुदा अंग्रेजी मे पिछड़ि जाए छथिन्ह. ई बात बिहार सं बाहर बंगलौर... दिल्ली... पुणे आओर दोसर ठाम जाs क पढ़य वाला विद्यार्थी सभ नीक सं जानैत छथिन्ह. कोनो नौकरी के बात होए तखनो अंग्रेजी वाला हिंदी वाला पर भारी पड़ैत अछि. आई-काल्हि सभ किछ कंप्यूटर सं होएत अछि आओर किछिए ठाम काज हिंदी सं होएत अछि. सभ काज अंग्रेजीए माध्यम सं होएत अछि. ताहि लेल जतेक जल्दी सं अंग्रेजी सीख लेल जाए नीक रहत.
ओना सरकार के कहनाय अछि जे बदलैत वक्त के अनुसार लोक के लेल अंग्रेजी जरूरी अछि. आजुक युग मे जतय पूरा दुनिया एकटा गाम-घर जकां भ गेल अछि. एक दोसरा सं सम्पर्क मे बनल रहल लेल...एक दोसरा के जानय-बुझय लेल दुनिया भर मे एकमात्र सम्पर्क भाषा अंग्रेजी अछि. आब देखु कि होएत अछि. अहां सभ के कि लगैत अछि. अंग्रेजी अनिवार्य होबाक चाही आ नहि ? आ पहिने के तरह सिर्फ पढ़ाई होए कंपल्सरी नहि होए ? अपन विचार लिखब.

Share/Save/Bookmark

हमर ईमेल:- hellomithilaa@gmail.com

Comments

Post a Comment

Popular posts from this blog

फर्स्ट आउ छात्रवृत्ति पाउ

By
Image
बिहार सरकार के तरफ सं एकटा छात्रवृत्ति योजना शुरू कएल गेल अछि. एहि मे एससी... एसटी, अल्पसंख्यक आओर अत्यंत पिछला वर्ग सं मैट्रिक मे फर्स्ट आबय वाला विद्यार्था के 10 हजार रुपया के छात्रवृत्ति देल जाएत. एकर शुरूआत मुख्यमंत्री नीतीश कुमार जी पटना मे किछ छात्र के 10 हजार रुपया के चेक द कएलखिन्ह. अहांके कि लगैत अछि कि ई एकटा नीक कदम अछि? कि एहि सं बेसि सं बेसि विद्यार्थी पढ़ाई-लिखाई के तरफ ध्यान देताह ? कि ई राज्य मे साक्षरता लाबय के दिशा मे नीक पहल अछि? आ फेर एकरो हाल दोसर योजना के जकां रहत? सरकार एहि सं पहिनहुं चरवाहा विद्यालय... साइकिल योजना... मिडडे मील नहि जाने कि कि चलाबैत अछि...कि एकरो हाल ओकरे जकां होएत? अहां सभ अपन-अपन विचार जरूर राखु आओर इहो बताउ जे शिक्षा क्षेत्र मे बेहतरी के लेल सरकार के आओर कि- कि करबाक चाही?   Mithila News Fropper.com - Indian Dating, Friendship, Romance हमर ईमेल:-hellomithilaa@gmail.com Mithila, Maithili,Madhubani Paintings, Darbhanga, Samastipur, Muzaffarpur, Sitamarhi,nepal, janakpur,kamla balan, bagmati,Janki, Kosi, Purnea, Saharsa, Madhepur...
Read more

हमर विआह- 8

By
Image
श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...
Read more

बिहार से छीनो, बंगाल को दो...

By
Image
पिछला लेख मे हम अहां के कहने छलहुं जे बिहार सं रेल इंजन निर्माणक दु टा परियोजना आब बंगाल जा सकैत अछि. एहि पर नई दुनिया मे एकटा स्पेशल स्टोरी आएल अछि. लेख अछि ममता के एजेंडे मे बिहार से छीनो. बंगाल को दो नई दुनिया के एहि विशेष स्टोरी के अनुसार ममता बनर्जी आई-काल्हि कोलकाता मे बैसि बजट बनाबय के तैयारी मे लागल छथीह आओर एकर घोषणा आबय वाला रेल बजट मे भs सकैत अछि. एहि बारे मे एकटा खबर पहिनहुं बिजनेस के प्रतिष्टित साइट www.livemint.com मे सेहो आएल छल. आओर जखन हम एहि पर बिहार के झटका लिखलहुं त लोक सभ कहय लगलाह अहां अनेरो बात के तूल द रहल छी. अगर ई तूल देनाय छै त बैसल रहुं मुंह छिपा कs. खेलैत रहुं ताश आओर मारैत रहुं गप. ममता बनर्जी जकां नेता अहां के एहि आलस्यपन के फायदा उठा सभ प्रोजेक्ट अपना ठाम लs जएताह. तखन हाथ मलैत रहब. आबो जागु नहिं त सुतले कि आओर जागले कि वाला हाल भs जाएत. अपने जागु आओर अपन एमपी सभ के सेहो जगबिओन्हि. दूनु परियोजना कि शिफ्ट करय के खिलाफ अभियान चलाउ. अपन राय राखु... अपन विरोध जताउ.
Read more

दिल्ली मे भेल मिथिला महोत्सव आओर मैथिली साहित्य महोत्सव

By
Image
दिल्ली के प्रेस क्लब ऑफ इंडिया मे शनि दिन, 12 नवम्बर के मिथिला महोत्सव-6 आ मैथिली साहित्य महोत्सव-3 के आयोजन कएल गेल। मैथिल पत्रकर ग्रुप द्वारा प्रेस एसोसिएशन, प्रेस क्लब ऑफ इंडिया आ ओखला प्रेस क्लब के सहयोग स एहि कार्यक्रम केर आयोजन कएल गेल। आयोजनक शुरुआत मैथिली साहित्य महोत्सव ३ सं भेल। साहित्य महोत्सव के दू सत्र मे दूटा विषय पर चर्चा भेल, ‘हवाई जहाज दरभंगा पहुँचला पर मिथिलाक विकास केँ कतेक पाँखि भेटल’ आ
Read more

राष्ट्र निर्माणमे राज दरभंगाक योगदानक चर्चा दिल्ली मे

By
दिल्लीक ताज पैलेस होटलमे 31 अगस्तक दिन आयोजित भव्य संगोष्ठी आ पुस्तक विमोचन समारोह मिथिला आ सम्पूर्ण भारतक सांस्कृतिक आ ऐतिहासिक चेतनाक दृष्टिकोण सं एकटा महत्वपूर्ण अवसर रहल। एहि आयोजनक मुख्य विषय छल 'भारतक आध्यात्मिक, सांस्कृतिक आ
Read more

सौभाग्य मिथिला : मैथिलीक अपन चैनल

By
Image
मैथिली के चौबीसों घंटा वाला अपन चैनल 18 जून सं शुरू भs रहल अछि. चैनल के नाम अछि सौभाग्य मिथिला . मिथिला... मैथिलीक लेल ई नीक खबर अछि. करीब पांच करोड़ मैथिल के लेल ई मैथिलीक पहिल मनोरंजन चैनल होएत. लाइन मे किछ आओर चैनल अछि मुदा किछ एहन पेंच... कारण अछि जेहि सं ओ ऑन एयर नहि भS रहल अछि. सौभाग्य मिथिलाक तैयारी अखन जोर-शोर सं चलि रहल अछि. चैनल के काज देख रहल छथिन्ह प्रफुल्ल कुमार मिश्रजी. प्रफुल्लजी करीब 14 साल सं टीवी सं जुड़ल छथिन्ह. आओर सौभाग्य मिथिला के धरातल पर लाबय लेल दिन-राति एक कएने छथिन्ह. प्रफुल्ल जीक संग चैनल सं कइटा आओर अनुभवी लोक सभ जुड़ल छथिन्ह जे मिथिला... मैथिल सभ्यता... संस्कृति आओर साहित्य के लोक के बीच पहुंचाबय लेल प्रयासरत छथिन्ह. प्रिंट पत्रकारिता आओर रंगमंच सं जुड़ल कुमार शैलेन्द्र जी चैनल के प्रोग्रामिंग देख रहल छथिन्ह. उम्मीद करबाक चाही जे ओ नीक-नीक कार्यक्रम लsक अएताह. कईबेर हुनकर नाटक देखय के मौका मिलल अछि. नीक काज करय छथिन्ह. सौभाग्य मिथिला पर भोर मे 6 बजे सं लs क राति साढ़े दस बजे धरि अहां के नबका-नबका कार्यक्रम देखायल जाएत. राति मे अहां दिनका किछ नीक कार्यक्रम...
Read more

आईबीएम मे जॉब... पाठकक पत्र

By
Image
हेलो मिथिलाक एकटा पाठक छथिन्ह ब्रजेश झाजी . ब्रजेश जीके हेलो मिथिला नीक लगय छनि एकरा लेल हुनका धन्यवाद. ब्रजेश जी आईबीएम मे काज करय छथिन्ह आओर ओ अपना दिस के लोक के मदद करय चाहय छथिन्ह. अगर अहां सभ मे सं किनको आईटी... कम्प्यूटर सं जुड़ल काज चाही त हिनका सं सम्पर्क कs सकय छी. हुनकर लिखल पत्र के हम एतय अहां सभ के लेल राखि रहल छी. Mithila Pariwar k Namaskar, Hum aaj k khabar padhe ke darmyan ek ta cheez dekhli jon cheez se hum bahut prabhavit bheli ki apan maithil parivaar "Hello Mithila" ka madhyam se Delhi me rahewala mithila ke logak ke lel Job k jankari bahut achha lagal, aaise naya awewala log aa je apan vartman Job badle ke chahi chhat unka bahut madad miltain. Hum ek cheez apne ke madhyam se batawe ke chahi chhi ki je bhi log IBM mein job kare ke chahi chhat ta unka hamar number email address de del jao ya hamra email pe u log apan Resume bhej deth, humra se jaha tak madad ho sakat u hum karab. Qualificaion: Graduation, aa English bole, samjhe, aa likhe ke jankari h...
Read more

प्रसिद्ध नाटककार महेंद्र मलंगिया जी भेलाह एकटा आओर सम्मान सं सम्मानित

By
Image
प्रसिद्ध मैथिली नाटककार महेंद्र मलंगिया जी एकटा आओर सम्मान सं सम्मानित भेलाह। मलंगिया जी के रविदिन, 18 सितंबर के नेपालक राजधानी काठमांडू मे ‘हरिप्रसाद कल्याणी रिमाल नाट्यसंगीत पुरस्कार सं सम्मानित कयल गेलन्हि। मैथिली भाषा साहित्य नाट्यसर्जक आ निर्देशक महेंद्र मलंगिया जी मधुबनी जिलाक मलंगिया गाम के रहय वाला छथिन्ह। हिनका एहि सं पहिने मैथिली भाषाक प्रतिष्ठित प्रबोध सम्मान, पाटलिपुत्र सम्मान, विद्यापति सेवा संस्थान सम्मान, रंग रत्न उपाधि
Read more

सरकारी स्कूल मे कम्प्यूटर शिक्षा

By
Image
बिहार मे सरकारी स्कूल के बच्चा सभ के लेल सेहो कम्प्यूटर सं पढ़ाई शुरू भs गेल अछि. ई संभव भेल अछि बिहार सरकार के ‘ई-समर्थ’ योजना के कारण. निजी- सरकारी भागीदारी सं शुरू भेल ई योजना अखन कक्षा 6, 7 आओर 8 के विद्यार्थी के लेल अछि. आगां एहि मे सभ क्लास के बच्चा के शामिल कएल जाएत. विद्यार्थी सभ के लेल 171 तरहक पाठ तैयार कएल गेल अछि जेहि सं बच्चा सभ के पढ़ाई मे रुचि जागए. नवका-नवका चीज नव ढंग सं सीख सकय...सोचि सकय. एक बात आओर जे अखन ई सुविधा बिहार के 244 मिडिल स्कूल मे शुरू कएल गेल अछि. अगर एकर रिपोर्ट उत्साहजनक रहल त राज्य के करीब सभ 25 हजार मिडिल स्कूल मे कम्प्यूटर सं पढाई शुरू करि देल जाएत. सरकार के कोशिश कम्प्यूटर के जरिए पढ़ाई-लिखाई के बच्चा सभ के लायक बनानाय... प्रभावी शिक्षा देनाय... मन लागय वाला पाठ...कहानी के माध्यम सं रोचक ढंग सं ज्ञान मे विस्तार लनाय अछि. कम्प्यूटर शिक्षा के माध्यम सं बच्चा सभ के आधुनिक शिक्षा मिलय. नव-नव चीज जानय लेल मिलय. कम्प्यूटर शिक्षा के लेल अखन हर स्कूल के तीन टा कम्प्यूटर...एकटा प्रोजेक्टर आओर जेनरेटर देल गेल अछि. एहि सं पहिने स्कूल के मास्टरजी के जरूर...
Read more

हमर विआह-9

By
अल्का के गेलाह के बाद, जिनगी एकदम सं सुनसान, वीरान जकां भ गेल। हम रोज हुनका सं बात करय के कोशिश करैत रहलौं—फोन करैत रहलौं, मैसेज पठबैत रहलौं, मुदा हर बेर ओ चुप्पी साधि लैत रहलीह। कोनो जवाब नै।  हुनकर आवाज सुनय के आस मे दिन मे कई बेर फोन लगाबैत रहैत छलौं, मुदा ओ हर बेर फोन काटि दैत रहय छलीह। हुनका देखय आ मिलय केर चाह मे अहमदाबाद तक गेलहुं, मुदा ओ हमरा संग खुद अपना सं एतेक नाराज भ गेल छलीह जे ओ मिलय तक सं इनकार करि देलीह। ओहि दिन के बाद फेर कोनो संपर्क नहि रहल। किछु दिन बाद पता चलल जे हुनकर शादी भ गेलन्हि। ओ आब हमर दुनिया सं बहुत दूर, सात समुंदर पार यूएस चलि गेलीह। ई खबर सुनि, मोन के भीतर किछु टुटि गेल। फेर हुनका सं संपर्क करय के कोनो कोशिश नहि कएलौं। दिन-राति आब त बस ओहि याद मे बीतय लागल। कोनो काज मे मोन नहि लागए, बस अपना-आप सं भागैत, भीड़ मे रहितौं अकेलापन के अनुभव करैत रहलौं। किछ दिन छुट्टी ल क एक तरहे डेरा मे बंद भ गेलौं। हंसी-मजाक करय वाला हम, धीरे-धीरे गंभीर आ देवदास जकां बनि गेलौं। जिनगी के सभ रंग फीका पड़ि गेल। ऐना कतेक दिन करतौं। समय के संग-संग, धीरे-धीरे अपन आप के सम्हारय क...
Read more