खबर अछि जे केंद्रीय जल संसाधन मंत्री पवन कुमार बंसल 12 तारीख के कुसहा इलाका के दौरा करताह. पिछला साल 18 अगस्त के एहिठाम बांध टूटला सं उत्तर बिहार के एकटा बड़का इलाका पानि मे बहि गेल छल. कोसीक बाढ़ि सं भारी तबाही भेल छल. ओना सरकार के कहनाय अछि जे बांध के मरम्मत के सभ काज पूरा कs लेल गेल अछि. आओर डरय के कोनो गप नहि अछि. मुदा आई-काल्हि नेपाल मे भs रहल दिन-राति मुसलाधार पानि सं हालात एक बेर फेर खराब भेल जा रहल अछि. नेपाल सं आबय वाला कोसी आओर दोसर नदी मे पानि उफान पर अछि. जलस्तर बढ़ल जा रहल अछि. नेपाल के नदी मे पानि छोड़ला सं कइटा इलाका मे पानि सेहो घुसि गेल अछि. लोक सभ सुरक्षित स्थान पर जाए लगलाह अ. जलस्तर बढ़ला सं सरकार आओर प्रशासन सेहो सतर्क अछि. ओना कुसहा मे बांध पर काज करय वाला इंजीनियर के संग नेपाल के तरफ सं परेशानी सेहो आबय के खबर अछि. खबर अछि जे इंजीनियर सभ के संग मारिपीट सेहो कएल गेल. एकरा गंभीरता सं लैत केंद्र सरकार कुसहा के बांघ के स्थिति के बारे मे राज्य सरकार से रोज रिपोर्ट देबय लेल कहलक अछि. केंद्र के तरफ सं बिहार सरकार ओर नेपाल के राजदूत सं सेहो बातचीत कएल गेल अछि.
कोई टिप्पणी नहीं:
एक टिप्पणी भेजें
अहां अपन विचार/सुझाव एहिठाम लिखु