जनसंख्या नियंत्रण के लेल बिहार सरकार एकटा विशेष अभियान चलाएत. एहि के लेल सरकार विशेषज्ञ के मदद सेहो लेत. मुख्यमंत्री नीतीश कुमार के कहनाय छनि जे जनसंख्या नियंत्रण के क्षेत्र मे तमिलनाडु के पूर्व मुख्यसचिव टीबी एंटनी नीक काज कएने छथिन्ह. एहि लेल सरकार हुनकर सेवा लेबय के बारे मे सोचि रहल अछि. मुख्यमंत्री इहो कहलथिन्ह जे एकरा लेल जनसंख्या नियंत्रण परिषद बनाएल जाएत.
अखन अगर जनसंख्या के हिसाब सं देखल जाए त बिहार मे एक किलोमीटर मे 880 लोक रहय छथिन्ह. जे देश के जनसंख्या घनत्व के हिसाब से काफी ज्यादा अछि. ओना दरभंगा...पटना सभ के देखल जाए त एहिठाम एक किलोमीटर मे 1300 लोक रहय छथि. एहि लेल जनसंख्या नियंत्रण कार्यक्रम के महत्व बढ़ि जाएत अछि. एहि के लेल लोक के जागरूक करय के जरूरत अछि. एहि के लेल सरकार के कहनाय अछि जे सघन अभियान चलाएल जाएत मुदा एहि मे कोनो जोर जबरदस्ती नहि कएल जाएत. बस लोक के समझाबय... जागरूक करय के काज कएल जाएत.
नीतीश जी राज्य मे जनसंख्या पर नियंत्रण के लेल... अभियान चलाबय के लेल सॉफ्टवेयर के महारथी बिल गेट्स सं सेहो सहयोग चाहैत छथिन्ह. बिल गेट्स फाउंडेशन दुनिया भर मे जनसंख्या नियंत्रण ओर दोसर सामाजिक सरोकार वाला सेवा के काज सं सेहो जुड़ल अछि. 
Comments
Post a Comment