कोसी के काज पूरा

कोसी मे पिछला साल आएल बाढ़ि के बाद जे काज होबाक छल ओकरा पूरा करि लेल गेल अछि. ई कहनाय छनि केंद्रीय जल संसाधन मंत्री पवन कुमार बंसल जीक. बंसल जीक कहनाय छनि जे कुसहा मे डेढ़ किलोमीटर के करीब जे बांध टूटल छल ओकरा बना लेल गेल अछि. एकरे संग कोसी अपन पुरान रास्ता पर आबि गेल अछि. कोसीक धार आब पुरान रास्ता पर बहि रहल अछि. पिछला साल कुसहा मे बांध टूटला सं जान-माल के भारी नुकसान भेल छल. बाढ़ि के राष्ट्रीय आपदा घोषित करि देल गेल छल. बाढ़ि के याद करि लोक अखनो सिहरि उठय छथिन्ह. सरकार के तरफ सं जे कहल जाए मुदा स्थानीय लोक के कहनाय छनि बाढ़ि सं बचाव के लोल अखनो काफी किछ करय के जरूरत अछि. धार के पानि कनिओ बढैत अछि कि लोक के धड़कन सेहो बढ़ि जाएत अछि.