बीपीएससी परीक्षा रद

By Unknown January 31, 2009

बिहार लोक सेवा आयोग... बीपीएससी के 48वीं सं 52वीं तक के सम्मिलित संयुक्त प्रतियोगिता परीक्षा के रद कs देल गेल अछि. ई आदेश पटना हाई कोर्ट सं आएल अछि. मुख्य परीक्षा 2 फरवरी सं होए वाला छल. आब पीटी फेस सं होएत. पटना हाई कोर्ट के कहनाय अछि जे बीपीएससी परीक्षा मे भेल गलती के मानि लेलक अछि
हाई कोर्ट के कहनाय छल जे परीक्षा के बिना रद कएने न्यायोचित फैसला नहीं भs सकैत अछि. 25 मई 2008 के भेल प्रारंभिक जांच परीक्षा...पीटी मे एक लाख 76 हजार 914 परीक्षार्थी बैसल छलाह. जेहि मे सं 19 हजार 318 के सफल घोषित कएल गेल छल. मुदा किछ छात्र कोर्ट चलि गेलाह हुनकर कहनाय छलन्हि जे परीक्षा मे किछ प्रश्न ... करीब 14 टा गलत छल आओर कइटा मॉडल सवाल के उत्तर सेहो गलत बताएल गेल छल. एहि सं पहिने बीपीएससी के गलती सुधारय लेल कहल गेल... मुदा सुधार नहिं भेला के बाद कोर्ट के ई फैसला सुनाबय पड़ल. हाई कोर्ट के कहनाय छल जे लोकतंत्र मे एकोटा व्यक्ति के अधिकार के उल्लंघन नहिं होबाक चाही आओर अगर एहि सं एकहुं टा लोक के हक छिनल जाएत अछि त ओ सही नहिं होएत. आओर हम एहिठाम लोकक हक के रक्षा के लेल छी.

Comments

फर्स्ट आउ छात्रवृत्ति पाउ

By Unknown October 01, 2009

हमर विआह- 8

By Unknown November 08, 2010

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...

बिहार मे सरकारी स्कूल के बच्चा सभ के लेल सेहो कम्प्यूटर सं पढ़ाई शुरू भs गेल अछि. ई संभव भेल अछि बिहार सरकार के ‘ई-समर्थ’ योजना के कारण. निजी- सरकारी भागीदारी सं शुरू भेल ई योजना अखन कक्षा 6, 7 आओर 8 के विद्यार्थी के लेल अछि. आगां एहि मे सभ क्लास के बच्चा के शामिल कएल जाएत. विद्यार्थी सभ के लेल 171 तरहक पाठ तैयार कएल गेल अछि जेहि सं बच्चा सभ के पढ़ाई मे रुचि जागए. नवका-नवका चीज नव ढंग सं सीख सकय...सोचि सकय. एक बात आओर जे अखन ई सुविधा बिहार के 244 मिडिल स्कूल मे शुरू कएल गेल अछि. अगर एकर रिपोर्ट उत्साहजनक रहल त राज्य के करीब सभ 25 हजार मिडिल स्कूल मे कम्प्यूटर सं पढाई शुरू करि देल जाएत. सरकार के कोशिश कम्प्यूटर के जरिए पढ़ाई-लिखाई के बच्चा सभ के लायक बनानाय... प्रभावी शिक्षा देनाय... मन लागय वाला पाठ...कहानी के माध्यम सं रोचक ढंग सं ज्ञान मे विस्तार लनाय अछि. कम्प्यूटर शिक्षा के माध्यम सं बच्चा सभ के आधुनिक शिक्षा मिलय. नव-नव चीज जानय लेल मिलय. कम्प्यूटर शिक्षा के लेल अखन हर स्कूल के तीन टा कम्प्यूटर...एकटा प्रोजेक्टर आओर जेनरेटर देल गेल अछि. एहि सं पहिने स्कूल के मास्टरजी के जरूर...