ई कि भs रहल अछि ? Ee ki bha rahal achhi ???

ई कि भs रहल अछि ?

कोसी मे आएल बाढ़ि सं लोक त्राहि-त्राहि करि रहल छथिन्ह. पानि छो़ड़ि आओर किछ नहिं दिख रहल अछि. जेम्हर नजर उठाबि ओम्हर पानिए पानि. जाएल जाए त कतs ? एहन स्थिति मे बचय लेल नावs टा एकटा सहारा छै. आओर नाव वाला अछि जे मनमाना पाई मांगि रहल अछि. सभ ठाम राहत आओर बचाव दल के लोक नहिं पहुंच पा रहल छथिन्ह. जतेय नाव पहुंचिओ रहल अछि ओहिठाम जोड़गर लोक सभ... इलाका के गुंडा... मवाली सभ आन लोक के धकिआ कs नाव पर चढ़ि कब्जा कs लैत अछि.

एक तs कोसी के कोप... दोसर गुंडा... बाहुबली... जोड़गर लोक... गली-मोहल्ला के छोटभैया नेता सभ के लंठई. कई ठाम सं खबर आबि रहल अछि जे नाव वाला पार लगाबय लेल हजार-हजार रुपया मांगि रहल अछि. पाई नहिं रहला पर शरीर परsक गहना तक उतरबा लs रहल अछि. एकरा कि कहबय? ई त अन्याय छै न यौ . ओना सरकार तरफ सं कहल गेल अछि जे नाव वाला पाई लेबैत पकड़ा जाएत ओकर नाव जब्त कs गेल जाएत.
एतबा नहिं बाढ़ि अएला पर लोक के त जी-जान बचाबय लेल जेम्हर रास्ता मिलय छनि भागि रहल छथिन्ह... जे गाड़ी... घोड़ा...नाव... ट्रेक्टर... बैलगाड़ी मिलय छनि सुरक्षित जगह दिस निकलि रहल छथिन्ह. मुदा एहि बीच चोर उच्चका सभ के मौका मिलि जा रहल अछि.

एहनो खबर छै जे लोक सभ अर द्वार छोड़ि जे छोट-छिन सामान...बैग...अटैची... झोला.. मोटरि...बैल...बाछी... बकरी लs ऊंच ठाम लेल विदा भ रहल छथिन्ह हुनका सभ के सामान सेहो छिनय के कोशिश कएल गेल अछि. लूटय के कोशिश कएल गेल अछि. एहन समय जखन कि पूरा दुनिया बाढ़ि पीड़ित के मदद के लेल आगां आबि रहल अछि ओ अपन हरकत सं बाज नहिं आबि रहल छथि. कई ठाम जखन खाय-पिबय के पैकेट गिराएल गेल आ बांटल गेल त जोड़गर आओर मुंहगर लोक... गुंडा सभ ओहि पैकेट के झपटि कs छीन लैत अछि. आम लोक भौंचक भs देखते रहि जाय छथिन्ह. लोक दान पुण्य कs लोक परलोक सुधारय के कोशिश करैत अछि.

एहन लोक के कि कहबय. एहन गप्प सेहो सुनय मे आबि रहल अछि जे सरकार तरफ सं जे नाव सभ देल गेल अछि ओहि पर सेहो जोड़गर लोक सभ कब्जा कs लेने छथिन्ह. अपन अपन पार्टी पॉटिक्स ... नाता-रिश्ता के ध्यान मे रखि लोक के निकालि रहल छथिन्ह. एहन लोक जे दु चारिटा छथि...हुनका सभ सं आग्रह... निवेदन अछि जे एहन विपत्ति के समय अगर मदद नहिं करि सकय छी त परेशानी केर आओर बेसि बढ़ाबय के कोशिश त नहिं करिऔ. भगवान के नाम लs मदद केर लेल जुटि जाउ. अहां जोड़गर लोक छी... मदद मे लागव तs सभ सं बेसि अहिं सभ मदद कs सकब. मन के बड़ शांति मिलत. अगिला... पिछला सभ गलती सुधारय केs ई नीक मौका अछि. किछ पुण्य कमा लिअ.

Comments

डॉक्टर लौटला... मुदा नुकसान के भरपाई केना होएत ?

Fropper.com - Indian Dating, Friendship, Romance पिछला पांच दिन सं बिहार मे जारी जूनियर डॉक्टर के हड़ताल खत्म भ गेल अछि. सरकार के मांग मानि लेबय के बाद डॉक्टर सभ काज पर वापस आबि गेलाह. आब हुनका सभ के 25 हजार रुपया के स्टाइपेंड मिलतन्हि. मुदा एहि हड़ताल के कारण इलाज नहि होए सं 46 लोक मारल गेलाह. हड़ताल पटना मेडिकल कॉलेज अस्पताल... पीएमसीएच आओर दरभंगा मेडिकल कॉलेज अस्पताल...डीएमसीएच दुनु मे छल. मांग मानि लेल गेलाह पर डॉक्टर सभ वापस त आबि गेलाह मुदा जे लोक इलाज के अभाव मे मरि गेलाह ओकर भरपाई केना होएत ? कि एकरा लेल हड़ताली डॉक्टर दोषी नहि छथि ? कि सरकार सं ई मांग दोसर कोनो तरहे नहि मनाएल जा सकय छल ? कि डॉक्टर के लेल आब सेवा भावना आओर शपथ कोनो मायने नहि रखैत अछि ? कि सभ किछ के पाइए सं तौलल जाएत ?. हमर ईमेल:-hellomithilaa@gmail.com Mithila, Maithili,Madhubani Paintings, Darbhanga, Samastipur, Muzaffarpur, Sitamarhi,nepal, janakpur,kamla balan, bagmati, kusha, ahilya, border, Janki, Kosi, Purnea, Saharsa, Madhepura, Araria, Supaul, Bihar, bihari, Patna, Lalu,laloo, Nitish, Paswan, Kojagra...

हमर पहिल ब्लॉग

हमर पहिल ब्लॉग में अहांक स्वागत अछि... ई ब्लॉग में हम सभ मिल कय अपन गाम घर... अपन मिथिलाक गप्पकरब... एक दूसराक दिलक बात करब... सुख-दुखक बात करब...मिथिलाक विकासक बात करब...हम कदम उठाचुकल छी बस अहां सभक सहयोगक दरकार अछि... मुदा एकटा विनम्र आग्रह अछि...अहां सभ अपन राय, सुझाव जरूर दिअ...गलती बताबय के कष्ट करब. धन्यवाद अहांक अपन.. हितेन्द्र कुमार गुप्ता hellomithilaa@gmail.com +919873606696

सौभाग्य मिथिला : मैथिलीक अपन चैनल

मैथिली के चौबीसों घंटा वाला अपन चैनल 18 जून सं शुरू भs रहल अछि. चैनल के नाम अछि सौभाग्य मिथिला . मिथिला... मैथिलीक लेल ई नीक खबर अछि. करीब पांच करोड़ मैथिल के लेल ई मैथिलीक पहिल मनोरंजन चैनल होएत. लाइन मे किछ आओर चैनल अछि मुदा किछ एहन पेंच... कारण अछि जेहि सं ओ ऑन एयर नहि भS रहल अछि. सौभाग्य मिथिलाक तैयारी अखन जोर-शोर सं चलि रहल अछि. चैनल के काज देख रहल छथिन्ह प्रफुल्ल कुमार मिश्रजी. प्रफुल्लजी करीब 14 साल सं टीवी सं जुड़ल छथिन्ह. आओर सौभाग्य मिथिला के धरातल पर लाबय लेल दिन-राति एक कएने छथिन्ह. प्रफुल्ल जीक संग चैनल सं कइटा आओर अनुभवी लोक सभ जुड़ल छथिन्ह जे मिथिला... मैथिल सभ्यता... संस्कृति आओर साहित्य के लोक के बीच पहुंचाबय लेल प्रयासरत छथिन्ह. प्रिंट पत्रकारिता आओर रंगमंच सं जुड़ल कुमार शैलेन्द्र जी चैनल के प्रोग्रामिंग देख रहल छथिन्ह. उम्मीद करबाक चाही जे ओ नीक-नीक कार्यक्रम लsक अएताह. कईबेर हुनकर नाटक देखय के मौका मिलल अछि. नीक काज करय छथिन्ह. सौभाग्य मिथिला पर भोर मे 6 बजे सं लs क राति साढ़े दस बजे धरि अहां के नबका-नबका कार्यक्रम देखायल जाएत. राति मे अहां दिनका किछ नीक कार्यक्रम...

हमर विआह- 8

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...

जनकपुरधाम मिथिला मध्यमा परिक्रमा शुरू

मिथिला बिहारी आ किशोरीजीक डोला संगही मिथिलाञ्चलमे पन्द्र दिन धैर पैदले घुमलजायबला मध्यमा परिक्रमा आई, 23 फरवरी सं शुरू भ रहल अछि।

मिथिला पेंटिंग ट्रेनिंग सेंटर

हमर गाम केवटी मे मिथिला पेंटिंग ट्रेनिंग सेंटर खुली रहल अछि. गाम के लेल ई बड़ नीक गप अछि. एहि सं दरभंगा-मधुबनी जिला के एकटा बड़का इलाका के लोक फायदा उठा सकय छथिन्ह. किएक त हमर गाम दरभंगा आओर मधुबनी जिला के बीच मे अछि. केवटी द क दरभंगा सं नेपालक सीमा जयनगर के जोड़य वाला नेशनल हाइवे सेहो जाएत अछि. हमर गामक हाईस्कूल मे अखनो इलाका के 10-12 किलोमीटर तक के छात्र पढ़य आबय छथिन्ह. ओना जखन हम स्कूल मे छलहुं तखन कहि सकय छी 50-50 किलोमीटर दूर तक के छात्र एहि ठाम पढय आबय छलखिन्ह. ओहि टाइम एहि ठाम छात्रावास के नीक व्यवस्था छल. सुदिष्ठ झा जीक समय केवटी स्कूल के पूरा दरभंगा-मधुबनी जिला मे एकटा अलग प्रतिष्ठा प्राप्त छल. आब गाम मे मिथिला पेंटिंग ट्रेनिंग सेंटर खुली रहल अछि. एहि सेंटर के खोलय के शुभ कार्य करय जा रहल छथिन्ह राम कुमार दास जी. राम कुमार दास जी रिटायर माइनिंग इंजीनियर छथिन्ह. दास जी अखन 65 साल के छथिन्ह. दस साल के उम्र मे गाम सं पढ़ाई-लिखाई... नौकरी के सिलसिला मे जे बाहर निकललखिन्ह तं आब 55 साल बाद फेर सं गाम वापस आबय के मौका मिललन्हि. पढ़ाई-लिखाई आ नौकरी लेल गाम सं निकलला पर कई बेर लोक म...

दहेज मुक्त मिथिलाक लेल बैसार

दहेज मुक्त मिथिलाक लेल एकटा बैसार रवि दिन 14 अगस्त के दिल्ली मे कनॉट प्लेस के पास कॉफी हाउस भ रहल अछि. एहि बैसार मे 28 सितंबर के दहेज मुक्त मिथिलाक लेल होए वाला राष्ट्रीय अधिवेशनक एजेंडा पर विचार - विमर्श कएल जाएत. बैसार मे अधिवेशन कतय कएल जाए...अधिवेशन के कार्यक्रम केहन होए... एकर प्रारूप... सहयोग... संकलन पर मिल-बैसि s क बात कएल जाएत. 28 सितंबर के दहेज मुक्त मिथिलाक लेल संकल्प दिवस के रूप मे मनाएल जाएत. एहि दहेज के कारण कतेक घर

Hello Mithila

Search This Blog