मीडिया कप पर नेशनल मीडिया के कब्जा

पहिल मीडिया कप पर नेशनल मीडिया के कब्जा भ गेल. मीडिया कप क्रिकेट के फाइलन में नेशनल टीवी चैनल के टीम हिन्दुस्तान पेपर के टीम के 41 रन सं हरा देलक. ललित नारायण मिथिला विश्वविद्यालय मैदान में भेल एहि प्रतियोगिता के फाइलन में टॉस जीत कए नेशनल मीडिया के खिलाड़ी पहिने बल्लेबाजी करैत 20 ओवर में 138 रन बनौलाह. एहि में जी न्यूज के आलोक पूंज आओर न्यूज 24 के मणिशंकर 26- 26 रन बनौलाह. आजतक के प्रहलाद कुमार कीलू 18 रन ठोकलाह . जवाब में हिन्दुस्तान पेपर के सभ खिलाड़ी पूरा 20 ओवर तक पिच पर नहिं टिक सकला...आओर सिर्फ 97 रन बना सकलाह. डॉ संजय लाला 28 रन बनौलाह. 5 विकेट लेबय वाला प्रकाश झा के मैन ऑफ द मैच के खिताब देल गेल. खिलाड़ी सभ के पुरस्कार ललित नारायण मिथिला विश्वविद्यालय के वीसी श्री मिश्री लाल ठाकुर वितरित कएलथिन्ह. प्रतियोगिता के खत्म भेलाह के बाद गंगा एक्जक्यूटिव क्लब में रंगारंग कार्यक्रम के आयोजन सेहो कएल गेल. एहि मीडिया कप में भाग लय वाला सभ खिलाड़ि शामिल भेलाह. देर राति तक गीत नाद के कार्यक्रम चलैत रहल. मुदा गायक के संग-संग पत्रकार लोकनि सेहो गाना गाबि अपन प्रतिभा सं लोक के अवगत करैलथिन्ह