मिथिला इतिहास संस्थान सम्मेलन

मिथिला इतिहास संस्थानक सम्मेलन 15-16 मार्च के ललित नारायण मिथिला विश्वविद्यालय में होएत. एहि लेल विश्वविद्यालय के इतिहास विभाग जोर शोर सं जुटल अछि. मिथिलाक इतिहास अध्ययन पर विशेष जोर देबय के लेल सम्मेलन में प्राचीन... मध्य आओर आधुनिक मिथिला पर केंद्रित आलेख सेहो राखल जाएत. एहि ठाम मिथिला में समाज आओर शिक्षा विषय पर सिंपोजियम सेहो आयोजित कएल जाएत. एकर संगहि एकटा परिचर्चा मिथिला इतिहास में मिथक किंवदंती एवं अंधविश्वास पर सेहो होएत.
सम्मेलन में मिथिला के इतिहास एवं संस्कृति सं संबंधित शोध आलेखक संग मिथिला संस्कृति सं जुड़ल लोक साहित्य के संकलन के लेल विशेष परियोजना तैयार कएल जाएत. सम्मेलन में तीन सौ सं ज्यादा प्रतिनिधि के शामिल होए के उम्मीद छै. सम्मेलन के लेल डा. विवेकानंद झा जीक अध्यक्षता में एकटा कमेटी बनाएल गेल अछि. कमेटी में प्रो. रत्नेश्वर मिश्र, प्रो. सीपीएन सिंहा , प्रो. नरेंद्र नारायण सिंह निराला , डा. धर्मेद्र कुंवर , डा. एसएन आर्या, डा. हीरानंद आचार्य , डा. अमरनाथ ठाकुर आओर डा. उषा किरण झा शामिल छथिन्ह.