झंझारपुर के जिला बनयबाक मांग

By Unknown November 24, 2007

झंझारपुर के जिला बनाबय के मांग जोर पकड़य लागल अ. एहि के लेल लोक सभ आब सड़क पर सेहो उतरय लगलाह अ. एहि शुक्र के झंझारपुर बंद सेहो राखल गेल. दोकान...स्कूल सभ बंद रहल... जिला बनाओ संघर्ष समिति बनाक एहि ठामक युवक सभ आब मैदान में उतरि पड़लाह अ. झंझारपुरक युवक सभ झंडा बैनर लेने मार्च सेहो कएलाह... युवक सभ के स्थानीय लोकक सेहो पुरा सहयोग मिलि रहल अछि. आ शांति मार्च में ओ लोकनि सेहो बढ़ि-चढि क शामिल भेलाह.
शांति मार्चक बाद एकटा मीटिंग सेहो भेल... मीटिंग में ई बात पर जोर देल गेल कि जखन तक जिला नहिं बनत...इलाका के समग्र विकास संभव नहिं अछि...आ विकासक लेल लोक के संघर्ष के रास्ता पर चलय पड़त...किछु दिन कष्ट सहलाके बाद जिला बनला पर आबय वाला पीढी के फायदा होयत. झंझारपुर अखन मधुबनी जिला में पड़य अछि. झंझारपुर दरभंगा से करीब पैंतीस-चालीस किलोमीटर दूरी पर अछि. ई रेल आ बस दुनु स मार्ग स जुड़ल अछि. दरभंगा सं निर्मली वाला ट्रेन झंझारपुर दक जाइत अछि.

Comments

हमर विआह 4 (चारिम कड़ी)

By Unknown June 07, 2009

फोटो देखला के बाद, मोन मे अजीब बेचैनी समा गेल। लागैत छल, जेना दस दिन बाद आबय वाला जन्मदिन अखने आबि जाए। मन मे एकटा मीठ मिठास आ उत्सुकता भरि गेल। बार-बार लिफाफा खोलि, फोटो निकालि निहारय लागय छलहुं। किएक, मन कतहुं आओर लगात। हृदय मे एकटा अनजान उमंग, एकटा नबका सपना पलय लागल। हमर ई मनोदशा डेरा के पास रहय वाला गामक एकटा लड़का के पता चलि गेल। ओकरा सं बात आगां बढ़ि गेल। विआहक गप्प चलि रहल अछि, ई गप्प दिल्ली मे रहय वाला गामक सभ दोस्त सभ के कानों-कान खबर भ गेल। हमर गाम के हिसाब सं देखल जाय, त रोड कात मे गुप्ताजी सभ, आओर बाकी में कायस्थ-ब्राह्मणक बेसि आबादी छनि। लालाजी सभ के बेसि होए के कारण, सभ एक-दोसर के नाम के अंत मे 'लाल' लगा क पुकारैत छथिन्ह। गाम मे लोक सभ हमरो ‘हितलाल’ कहि क बुलाबैत छलाह। गाम मे हम सभ एक-दू क्लास आगां-पाछां के लड़का सभ- संगहि घुमलौं-फिरलौं, हंसी-मजाक, मस्ती, आ अपनापन के रंग मे रंगायल जिनगी बितेलौं। पढ़ाई आ काम-काज के सिलसिला मे गाम सं काफी लोक सभ दिल्ली आबि गेल छथिन्ह। हमहुं गाम सं दिल्ली अएला के बाद एहिठाम रहय वाला शेखरलाल, सुमनलाल, राजीवलाल, उदयलाल, विनोदलाल, मनोज...

हमर विआह- 8

By Unknown November 08, 2010

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...

Search

Hello Mithila