Skip to main content

राजपथ पर मिथिलाक सिक्की कलाक प्रदर्शन

By
गणतंत्र दिवस के मौका पर दिल्ली के राजपथ पर भेल परेड मे मिथिलाक सिक्की कलाक शानदार प्रदर्शन देखबाक मिलल.

26 जनवरी के परेडक झांकी मे मैथिली गीत पथिआ मौनिया रे जान संग सिक्की कलाक रूप देख मन गदगद भ गेल. अपना मे एकटा गर्व जका महसूस भेल.

सिक्की कला पर बनल एहि झांकी मे
अगिला भाग मे छह कोना वाला सिक्की सं बनल एकटा बॉक्स छल... ओहि पर एकटा बड़का कलश बनाऔल गेल छल जकरा ऊपर सिक्की सं बनल नारियल राखल गेल छल.

झांकी मे रंग-बिरंग के पौती-मौनी आ खिलौना राखल गेल छल. झांकी मे महिला सभ सिक्की सं सामान बनाबए मे सेहो जुटल छलीह.

आई-काल्हि जखन सिक्की कला खत्म भेल जा रहल अछि सरकार के तरफ सं एकरा झांकी मे शामिल करनाए नीक... सराहनीय कदम अछि.

सिक्की कला के लेल 1969 मे रैयाम के विंदेश्वरी देवी जीके राष्ट्रीय पुरस्कार मिल चुकल छनि. एहिना सीतामढ़ी...सुरसंड के कुमुदनी देवी सेहो राष्ट्रीय पुरस्कार पा चुकल छथीह.

मिथिला मे मिथिला पेंटिंग के जकां सिक्की कला सेहो काफी लोकप्रिय रहल अछि. मुदा मिथिला पेंटिंग देश-दुनिया मे नाम कमा रहल अछि सिक्की आर्ट पिछड़ि गेल.

दरभंगा...मधुबनी... समस्तीपुर... सहरसा... सीतामढ़ी आ नेपालक बॉर्डर वाला मिथिलाक इलाका मे पहिने शादी-विवाह मे सिक्की सं बनल मौनी- पौती आ तरह-तरह के सामान देल जाएत छल. सभ मे किछ नहि किछ सामान भरल रहैत छल.

मुदा आई काल्हि ई देखय मे नहि आ रहल अछि. पहिने मां- दादी...दीदी सभ के टकुआ लS सिक्की सं किछ न किछ बनाबैत देखैत छलहुं. मुदा आब नहि देखाएत अछि.

सिक्की एक तरहक घास होएत अछि.  सड़क आ पोखर कात मे लंबा-लंबा सोन जकां चमकैत सिक्की अहां के मिल जाएत. पानि के मौसम के बाद ई उगैत अछि आओर एकरा काटि क सूखा लेल जाएत अछि.

सोन जकां चमकैत सिक्की के लाल-हरियर रंग सं रगि कं रंग-बिरंगक सामान...खिलौना...मौनी...पौती बना लेल जाएत अछि. कईठाम तं सिक्की सं पर्दा...चटाई...कलैंडर- फोटो सेहो देखय लेल मिलल.

एकटा कलाकार अपन सोच के जतेक दूर तक ल जा सकैत अछि ओतक तरहक सामान अहां सिक्की सं बना सकैत छी.

सरकार के एहि कला के बढ़ाला देबय के प्रयास करबाक चाही. ओना एहि बेर दरभंगा मे मिथिला उत्सव के दौरान सेहो सिक्की सं बनल किछ सामान देखय लेल मिलल.

रैयाम सं आएल किछ माई-बहिन अपन सिक्की कला के मंडप मे प्रदर्शित कएने छलीह. मुदा एकरा आओर बढ़ाबा देबय के जरूरत अछि.

अगर एकरा सं किछ पाई आबय लगय...किछ कमाय होए लगय तं गामघर के आओर माई बहिन एहि सं जुड़ि सकय छथीह.

एहि लेल अपना दिस काज करय वाला किछ एनजीओ सभ के सेहो आगां आ क प्रयास करबाक चाही जेहि सं ई कला दम तोड़य सं बचि सकय.
Labels:

Comments

  1. Arvind DasJanuary 27, 2013 at 9:00 PM

    http://arvinddas.blogspot.in/2012/07/blog-post_29.html

    ReplyDelete
  2. UnknownJanuary 28, 2013 at 2:25 PM

    Arvind Das jee ahank blog barh neek achhi. barh jaankaaree achhi. Sikki art par ahank lekh barh neek laagal...mon khush bha gel... dhanyawad

    ReplyDelete

Post a Comment

Popular posts from this blog

हमर विआह- 8

By
श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...
18 comments
Read more

फर्स्ट आउ छात्रवृत्ति पाउ

By
बिहार सरकार के तरफ सं एकटा छात्रवृत्ति योजना शुरू कएल गेल अछि. एहि मे एससी... एसटी, अल्पसंख्यक आओर अत्यंत पिछला वर्ग सं मैट्रिक मे फर्स्ट आबय वाला विद्यार्था के 10 हजार रुपया के छात्रवृत्ति देल जाएत. एकर शुरूआत मुख्यमंत्री नीतीश कुमार जी पटना मे किछ छात्र के 10 हजार रुपया के चेक द कएलखिन्ह. अहांके कि लगैत अछि कि ई एकटा नीक कदम अछि? कि एहि सं बेसि सं बेसि विद्यार्थी पढ़ाई-लिखाई के तरफ ध्यान देताह ? कि ई राज्य मे साक्षरता लाबय के दिशा मे नीक पहल अछि? आ फेर एकरो हाल दोसर योजना के जकां रहत? सरकार एहि सं पहिनहुं चरवाहा विद्यालय... साइकिल योजना... मिडडे मील नहि जाने कि कि चलाबैत अछि...कि एकरो हाल ओकरे जकां होएत? अहां सभ अपन-अपन विचार जरूर राखु आओर इहो बताउ जे शिक्षा क्षेत्र मे बेहतरी के लेल सरकार के आओर कि- कि करबाक चाही?   Mithila News Fropper.com - Indian Dating, Friendship, Romance हमर ईमेल:-hellomithilaa@gmail.com Mithila, Maithili,Madhubani Paintings, Darbhanga, Samastipur, Muzaffarpur, Sitamarhi,nepal, janakpur,kamla balan, bagmati,Janki, Kosi, Purnea, Saharsa, Madhepur...
6 comments
Read more

सौभाग्य मिथिला : मैथिलीक अपन चैनल

By
मैथिली के चौबीसों घंटा वाला अपन चैनल 18 जून सं शुरू भs रहल अछि. चैनल के नाम अछि सौभाग्य मिथिला . मिथिला... मैथिलीक लेल ई नीक खबर अछि. करीब पांच करोड़ मैथिल के लेल ई मैथिलीक पहिल मनोरंजन चैनल होएत. लाइन मे किछ आओर चैनल अछि मुदा किछ एहन पेंच... कारण अछि जेहि सं ओ ऑन एयर नहि भS रहल अछि. सौभाग्य मिथिलाक तैयारी अखन जोर-शोर सं चलि रहल अछि. चैनल के काज देख रहल छथिन्ह प्रफुल्ल कुमार मिश्रजी. प्रफुल्लजी करीब 14 साल सं टीवी सं जुड़ल छथिन्ह. आओर सौभाग्य मिथिला के धरातल पर लाबय लेल दिन-राति एक कएने छथिन्ह. प्रफुल्ल जीक संग चैनल सं कइटा आओर अनुभवी लोक सभ जुड़ल छथिन्ह जे मिथिला... मैथिल सभ्यता... संस्कृति आओर साहित्य के लोक के बीच पहुंचाबय लेल प्रयासरत छथिन्ह. प्रिंट पत्रकारिता आओर रंगमंच सं जुड़ल कुमार शैलेन्द्र जी चैनल के प्रोग्रामिंग देख रहल छथिन्ह. उम्मीद करबाक चाही जे ओ नीक-नीक कार्यक्रम लsक अएताह. कईबेर हुनकर नाटक देखय के मौका मिलल अछि. नीक काज करय छथिन्ह. सौभाग्य मिथिला पर भोर मे 6 बजे सं लs क राति साढ़े दस बजे धरि अहां के नबका-नबका कार्यक्रम देखायल जाएत. राति मे अहां दिनका किछ नीक कार्यक्रम...
21 comments
Read more