Skip to main content

बिहारी रुकल तं... रुकि जाएत दिल्ली

By



बिहारक लोक अगर एक दिन काज करनाए बंद करि देत तं दिल्ली बंद भ जाएत...थमि जाएत...सभ किछ ठहरि जाएत. ई कहनाए छनि बिहारक मुख्यमंत्री नीतीश कुमार जीक.

नीतीश जी दिल्ली के बुराड़ी में बिहारक स्थापना के एक सय साल पूरा होए पर भेल एकटा कार्यक्रम में ई बात कहलखिन्ह.

नीतीश जीक साफ कहनाए छलन्हि जे बिहारक लोक बाहर जाSक भीख
नहि मांगैत अछि. अपन मेहनत...मजदूरी... पढ़ाई-लिखाई... प्रतिभा और कौशल के बल पर आगां बढ़ैत अछि.

मुख्यमंत्री जीक कहनाए छलन्हि जे दिल्ली ने एक सय लोक मे बीस बिहारी अछि. बिहारी एहि ठाम अपन काबिलियत के बल पर नीक-नीक पद पर अछि. जे पैघ पद नहि छैथि ओ चोरि-चकारी नहि ... भीख मांगि करि नहि बल्कि अपन मेहनत के बल पर जीवन यापन करैत छथिन्ह.

नीतीश जी कहलखिन्ह जे देश भर में बिहारी मजदूर के मांग अछि. पंजाब, हरियाणा, बंगाल, असम, महाराष्ट्र के संग कश्मीर मे सेहो बिना बिहारी मजदूर के काज पर प्रभाव पड़ैत अछि.

आब जखन बिहार सं मजदूर के पलायन रुकल अछि...कम भेल अछि तं पंजाब... हरियाणा में मजदूर के लुभाबय लेल फोन...किराया आओर रहय के सुविधा के पेशकश कएल जा रहल अछि.

बिहारी मजदूर... बिहारी लोक जतय जाए छथिन्ह ओतय के विकास...अर्थ व्यवस्था मे योगदान करय छथिन्ह.

नीतीश जी कहलखिन्ह जे भने ई बिहारक स्थापना केर सौवां साल अछि मुदा बिहारक इतिहास सिर्फ सय साल के नहि अछि... बिहारक इतिहास हजारों सालक अछि. भगवान महावीर...भगवान बुद्ध सं सम्राट अशोक... चंद्रगुप्त काल सं अछि. नालंदा आओर विक्रमशिला काल सं अछि.

बिहारक अपन एकटा स्वर्णिम युग रहल अछि. किछ कारण सं बिहार पाछां चलि गेल मुदा आब ओ चक्र...पहिला फेर सं घुमि रहल अछि. बिहार अपन गौरव के फेर सं हासिल करय के दिशा में बढ़ि रहल अछि.. बिहार एक बेर फेर सं ज्ञान के क्षेत्र मे दुनिया के अगुवा बनि क देखाएत.

दिल्ली मे नीतीश जीक ई पहिल बड़का कार्यक्रम छल. एहि मौका पर बिहार के 20टा प्रमुख लोक के सम्मानित सेहो कएल गेलन्हि.

दिल्ली के आईएनए दिल्ली हाट आओर नोएडा के सेक्टर 62 स्थित एक्सपो सेंटर में बिहार के एक सय साल होए कर प्रदर्शनी सेहो लागल अछि. एहि ठाम सांस्कृतिक कार्यक्म के अहां सेहो आनंद उठा सकय छी. ई अगिला हफ्ता धरि चलत.

Labels:

Comments

  1. UnknownMarch 19, 2012 at 11:41 AM

    Hitendra ji namaskaar,
    lekh ta badd niik achhi muda apnek sa e ummid nahi chhal .

    Aaha nitish ji ker badde me kahlahu muda e kiyak nahi likhlahu je ki ohi 20 gote me ekko ta maithil nahi chhal .

    Ki ahi 100 saal me mithila ker kono ehan sapoot nahi achhi jekra puruskaar del jaa sakay .

    ReplyDelete

Post a Comment

Popular posts from this blog

हमर विआह- 8

By
श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...
18 comments
Read more

फर्स्ट आउ छात्रवृत्ति पाउ

By
बिहार सरकार के तरफ सं एकटा छात्रवृत्ति योजना शुरू कएल गेल अछि. एहि मे एससी... एसटी, अल्पसंख्यक आओर अत्यंत पिछला वर्ग सं मैट्रिक मे फर्स्ट आबय वाला विद्यार्था के 10 हजार रुपया के छात्रवृत्ति देल जाएत. एकर शुरूआत मुख्यमंत्री नीतीश कुमार जी पटना मे किछ छात्र के 10 हजार रुपया के चेक द कएलखिन्ह. अहांके कि लगैत अछि कि ई एकटा नीक कदम अछि? कि एहि सं बेसि सं बेसि विद्यार्थी पढ़ाई-लिखाई के तरफ ध्यान देताह ? कि ई राज्य मे साक्षरता लाबय के दिशा मे नीक पहल अछि? आ फेर एकरो हाल दोसर योजना के जकां रहत? सरकार एहि सं पहिनहुं चरवाहा विद्यालय... साइकिल योजना... मिडडे मील नहि जाने कि कि चलाबैत अछि...कि एकरो हाल ओकरे जकां होएत? अहां सभ अपन-अपन विचार जरूर राखु आओर इहो बताउ जे शिक्षा क्षेत्र मे बेहतरी के लेल सरकार के आओर कि- कि करबाक चाही?   Mithila News Fropper.com - Indian Dating, Friendship, Romance हमर ईमेल:-hellomithilaa@gmail.com Mithila, Maithili,Madhubani Paintings, Darbhanga, Samastipur, Muzaffarpur, Sitamarhi,nepal, janakpur,kamla balan, bagmati,Janki, Kosi, Purnea, Saharsa, Madhepur...
6 comments
Read more

सौभाग्य मिथिला : मैथिलीक अपन चैनल

By
मैथिली के चौबीसों घंटा वाला अपन चैनल 18 जून सं शुरू भs रहल अछि. चैनल के नाम अछि सौभाग्य मिथिला . मिथिला... मैथिलीक लेल ई नीक खबर अछि. करीब पांच करोड़ मैथिल के लेल ई मैथिलीक पहिल मनोरंजन चैनल होएत. लाइन मे किछ आओर चैनल अछि मुदा किछ एहन पेंच... कारण अछि जेहि सं ओ ऑन एयर नहि भS रहल अछि. सौभाग्य मिथिलाक तैयारी अखन जोर-शोर सं चलि रहल अछि. चैनल के काज देख रहल छथिन्ह प्रफुल्ल कुमार मिश्रजी. प्रफुल्लजी करीब 14 साल सं टीवी सं जुड़ल छथिन्ह. आओर सौभाग्य मिथिला के धरातल पर लाबय लेल दिन-राति एक कएने छथिन्ह. प्रफुल्ल जीक संग चैनल सं कइटा आओर अनुभवी लोक सभ जुड़ल छथिन्ह जे मिथिला... मैथिल सभ्यता... संस्कृति आओर साहित्य के लोक के बीच पहुंचाबय लेल प्रयासरत छथिन्ह. प्रिंट पत्रकारिता आओर रंगमंच सं जुड़ल कुमार शैलेन्द्र जी चैनल के प्रोग्रामिंग देख रहल छथिन्ह. उम्मीद करबाक चाही जे ओ नीक-नीक कार्यक्रम लsक अएताह. कईबेर हुनकर नाटक देखय के मौका मिलल अछि. नीक काज करय छथिन्ह. सौभाग्य मिथिला पर भोर मे 6 बजे सं लs क राति साढ़े दस बजे धरि अहां के नबका-नबका कार्यक्रम देखायल जाएत. राति मे अहां दिनका किछ नीक कार्यक्रम...
21 comments
Read more