महासुन्दरी देवी जीके पद्मश्री सम्मान

मिथिला... मिथिला पेंटिंग आओर बिहार के लेल बड़ नीक खबर अछि. मिथिला पेंटिंग के लेल श्रीमती महासुन्दरी देवी जीके पद्मश्री ... Padmashri Award सम्मान देल जएतन्हि. ई सम्मान राष्ट्रपति प्रतिभा पाटिल जी देतीह. मिथिला के लेल ई बड़ पैघ सम्मान अछि.

श्रीमती महासुन्दरी देवी जी मधुबनी जिलाक रांटी गाम के छथीह. हिनकर पति स्वर्गीय रामजीवन लाभ जी छलखिन्ह. महासुन्दरी देवी जीक

उम्र 85 साल सं बेसि छनि. हिनकर मां-बाबूजी बच्चे मे गुजरि गेल छलखिन्ह.

महासुन्दरी जी छह साल सं कमहिं के उम्र मे मधुबनी... मिथिला पेंटिंग करनाय शुरू करि देने छलीह. ओहि टाइम गाम-घर मे सभ लोक पेंटिंग करय छलखिन्ह. एकटा परम्परा टाइप के छल. गाम-घर मे महिला...लड़की सभ एहि परम्परा के आगां बढ़ाबय छलीह.

Smt Mahasundari Devi

पचास साल पहिनके बात अछि हिनका गाम मे मुम्बई सं एकटा आदमी आएल छलखिन्ह... ओ हिनका पेंटिंग करैत देखलखिन्ह त हिनका किछ कलर आओर पेंट देलखिन्ह. किछ दिन बाद जखन ओ फेर गाम मे अएलखिन्ह त ओ हिनकर बनाएल चारिटा पेंटिंग के देखि दंग रहि गेलखिन्ह.

ओहि पेंटिंग के देखि ओ अतेक खुश भ गेलखिन्ह जे... ओ ओहि जमाना मे एक-एक मिथिला पेंटिंग के दस-दस डॉलर देलखिन्ह. महासुन्दरी जी मना करैत रहलीह पाई लेबय सं ...मुदा ओ कहलखिन्ह जे ई अहांक मेहनत केर कमाई अछि. ओहि टाइम मे चालीस डॉलर हिनकर पहिल कमाई छलन्हि.

एहि के बाद महासुन्दरी जी अपन गाम के लड़की आओर महिला सभ के एकजुट क मिथिला पेंटिंग लेल काज करय लगलीह. जेहि के बाद 1979 मे मिथिला आर्ट के लेल एकटा सोसायटी सेहो बनएलीह.

महासुन्दरी जी 1970 मे साड़ी पर...1973 मे लकड़ी पर...1980 मे सनमाइका आओर दोसर चीज पर मिथिला पेंटिंग करलीह.

एहि के बाद Mithila Paintings... Madhubani Paintings के बढ़ावा देबय के लेल हिनका कइटा सम्मान मिललन्हि. जेहि मे बिहार स्टेट अवार्ड... बिहार राज्य मास्टर क्राफ्ट अवार्ड आओर राष्ट्रीय मिथिला चित्रकला नागार्जुन अवार्ड शामिल अछि.

Aripan, Mahasundari Devi

हिनका 2007 मे Shilp Guru Master Craftspersons सम्मान सेहो मिलल छनि. मध्यप्रदेश सरकार सेहो कला के क्षेत्र मे हिनकर योगदान के देखैत हिनका 1995-96 मे तुलसी सम्मान सं सम्मानित कएने छल.

हिनका Padmashri Samman मिलला सं देश-विदेश मे मिथिलाक पेंटिंग के आओर सम्मान मिलत. लोक एकरा जानय के कोशिश करथिन्ह. देश-विदेश मे एकर लोकप्रियता बढ़त. कलाकार के सम्मान के दृष्टि सं देखल जाएत.

एतबे नहि एहि क्षेत्र मे काज करय वाला कलाकार सभ सेहो अपना के सौभाग्यशाली समझताह. ओ आओर उत्साह के संग एहि मिथिला पेंटिंग के प्रचार...प्रसार मे जुटताह. नीक- नीक काज करताह. महासुन्दरी जीके हेलो मिथिला क तरफ सं शुभकामना.

The Union Minister Dayanidhi Maran presenting the Shilp Guru Award 2007 to Smt. Maha Sundari Devi from Bihar for Madhubani Painting, at the presentation ceremony of the National Awards 2007-2008 for Master Crafts persons & Weavers and Shilp Guru Awards 2007 &2008 for Master Crafts persons, in New Delhi on November 24, 2010.

बिहार के एकटा आओर पद्मश्री मिलल अछि. श्री पी के सेन जीके सिविल सेवा के लेल पद्मश्री सम्मान मिललन्हि. जखन कि झारखंड के श्री मकरध्वज दरोगा जी छउ नृत्य के लेल पद्मश्री सम्मान मिलतन्हि.

आओर फोटो देखय लेल क्लिक करु

मुस्कुराहट

हमर ईमेल:-hellomithilaa@gmail.com

Comments

डॉक्टर लौटला... मुदा नुकसान के भरपाई केना होएत ?

Fropper.com - Indian Dating, Friendship, Romance पिछला पांच दिन सं बिहार मे जारी जूनियर डॉक्टर के हड़ताल खत्म भ गेल अछि. सरकार के मांग मानि लेबय के बाद डॉक्टर सभ काज पर वापस आबि गेलाह. आब हुनका सभ के 25 हजार रुपया के स्टाइपेंड मिलतन्हि. मुदा एहि हड़ताल के कारण इलाज नहि होए सं 46 लोक मारल गेलाह. हड़ताल पटना मेडिकल कॉलेज अस्पताल... पीएमसीएच आओर दरभंगा मेडिकल कॉलेज अस्पताल...डीएमसीएच दुनु मे छल. मांग मानि लेल गेलाह पर डॉक्टर सभ वापस त आबि गेलाह मुदा जे लोक इलाज के अभाव मे मरि गेलाह ओकर भरपाई केना होएत ? कि एकरा लेल हड़ताली डॉक्टर दोषी नहि छथि ? कि सरकार सं ई मांग दोसर कोनो तरहे नहि मनाएल जा सकय छल ? कि डॉक्टर के लेल आब सेवा भावना आओर शपथ कोनो मायने नहि रखैत अछि ? कि सभ किछ के पाइए सं तौलल जाएत ?. हमर ईमेल:-hellomithilaa@gmail.com Mithila, Maithili,Madhubani Paintings, Darbhanga, Samastipur, Muzaffarpur, Sitamarhi,nepal, janakpur,kamla balan, bagmati, kusha, ahilya, border, Janki, Kosi, Purnea, Saharsa, Madhepura, Araria, Supaul, Bihar, bihari, Patna, Lalu,laloo, Nitish, Paswan, Kojagra...

हमर पहिल ब्लॉग

हमर पहिल ब्लॉग में अहांक स्वागत अछि... ई ब्लॉग में हम सभ मिल कय अपन गाम घर... अपन मिथिलाक गप्पकरब... एक दूसराक दिलक बात करब... सुख-दुखक बात करब...मिथिलाक विकासक बात करब...हम कदम उठाचुकल छी बस अहां सभक सहयोगक दरकार अछि... मुदा एकटा विनम्र आग्रह अछि...अहां सभ अपन राय, सुझाव जरूर दिअ...गलती बताबय के कष्ट करब. धन्यवाद अहांक अपन.. हितेन्द्र कुमार गुप्ता hellomithilaa@gmail.com +919873606696

सौभाग्य मिथिला : मैथिलीक अपन चैनल

मैथिली के चौबीसों घंटा वाला अपन चैनल 18 जून सं शुरू भs रहल अछि. चैनल के नाम अछि सौभाग्य मिथिला . मिथिला... मैथिलीक लेल ई नीक खबर अछि. करीब पांच करोड़ मैथिल के लेल ई मैथिलीक पहिल मनोरंजन चैनल होएत. लाइन मे किछ आओर चैनल अछि मुदा किछ एहन पेंच... कारण अछि जेहि सं ओ ऑन एयर नहि भS रहल अछि. सौभाग्य मिथिलाक तैयारी अखन जोर-शोर सं चलि रहल अछि. चैनल के काज देख रहल छथिन्ह प्रफुल्ल कुमार मिश्रजी. प्रफुल्लजी करीब 14 साल सं टीवी सं जुड़ल छथिन्ह. आओर सौभाग्य मिथिला के धरातल पर लाबय लेल दिन-राति एक कएने छथिन्ह. प्रफुल्ल जीक संग चैनल सं कइटा आओर अनुभवी लोक सभ जुड़ल छथिन्ह जे मिथिला... मैथिल सभ्यता... संस्कृति आओर साहित्य के लोक के बीच पहुंचाबय लेल प्रयासरत छथिन्ह. प्रिंट पत्रकारिता आओर रंगमंच सं जुड़ल कुमार शैलेन्द्र जी चैनल के प्रोग्रामिंग देख रहल छथिन्ह. उम्मीद करबाक चाही जे ओ नीक-नीक कार्यक्रम लsक अएताह. कईबेर हुनकर नाटक देखय के मौका मिलल अछि. नीक काज करय छथिन्ह. सौभाग्य मिथिला पर भोर मे 6 बजे सं लs क राति साढ़े दस बजे धरि अहां के नबका-नबका कार्यक्रम देखायल जाएत. राति मे अहां दिनका किछ नीक कार्यक्रम...

हमर विआह- 8

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...

जनकपुरधाम मिथिला मध्यमा परिक्रमा शुरू

मिथिला बिहारी आ किशोरीजीक डोला संगही मिथिलाञ्चलमे पन्द्र दिन धैर पैदले घुमलजायबला मध्यमा परिक्रमा आई, 23 फरवरी सं शुरू भ रहल अछि।

मिथिला पेंटिंग ट्रेनिंग सेंटर

हमर गाम केवटी मे मिथिला पेंटिंग ट्रेनिंग सेंटर खुली रहल अछि. गाम के लेल ई बड़ नीक गप अछि. एहि सं दरभंगा-मधुबनी जिला के एकटा बड़का इलाका के लोक फायदा उठा सकय छथिन्ह. किएक त हमर गाम दरभंगा आओर मधुबनी जिला के बीच मे अछि. केवटी द क दरभंगा सं नेपालक सीमा जयनगर के जोड़य वाला नेशनल हाइवे सेहो जाएत अछि. हमर गामक हाईस्कूल मे अखनो इलाका के 10-12 किलोमीटर तक के छात्र पढ़य आबय छथिन्ह. ओना जखन हम स्कूल मे छलहुं तखन कहि सकय छी 50-50 किलोमीटर दूर तक के छात्र एहि ठाम पढय आबय छलखिन्ह. ओहि टाइम एहि ठाम छात्रावास के नीक व्यवस्था छल. सुदिष्ठ झा जीक समय केवटी स्कूल के पूरा दरभंगा-मधुबनी जिला मे एकटा अलग प्रतिष्ठा प्राप्त छल. आब गाम मे मिथिला पेंटिंग ट्रेनिंग सेंटर खुली रहल अछि. एहि सेंटर के खोलय के शुभ कार्य करय जा रहल छथिन्ह राम कुमार दास जी. राम कुमार दास जी रिटायर माइनिंग इंजीनियर छथिन्ह. दास जी अखन 65 साल के छथिन्ह. दस साल के उम्र मे गाम सं पढ़ाई-लिखाई... नौकरी के सिलसिला मे जे बाहर निकललखिन्ह तं आब 55 साल बाद फेर सं गाम वापस आबय के मौका मिललन्हि. पढ़ाई-लिखाई आ नौकरी लेल गाम सं निकलला पर कई बेर लोक म...

दहेज मुक्त मिथिलाक लेल बैसार

दहेज मुक्त मिथिलाक लेल एकटा बैसार रवि दिन 14 अगस्त के दिल्ली मे कनॉट प्लेस के पास कॉफी हाउस भ रहल अछि. एहि बैसार मे 28 सितंबर के दहेज मुक्त मिथिलाक लेल होए वाला राष्ट्रीय अधिवेशनक एजेंडा पर विचार - विमर्श कएल जाएत. बैसार मे अधिवेशन कतय कएल जाए...अधिवेशन के कार्यक्रम केहन होए... एकर प्रारूप... सहयोग... संकलन पर मिल-बैसि s क बात कएल जाएत. 28 सितंबर के दहेज मुक्त मिथिलाक लेल संकल्प दिवस के रूप मे मनाएल जाएत. एहि दहेज के कारण कतेक घर

Hello Mithila

Search This Blog