मौत पर लोक खामोश किएक?

दिल्ली मे लक्ष्मीनगर के ललिता पार्क इलाका मे मकान गिरय सं 67 लोक मारल गेलाह. 80 लोक घायल छथिन्ह. अखनो धरि पूरा मलबा साफ नहि भेल अछि. एहि सं आशंका अछि जे किछ लोक आओर फंसल होताह.

इमारत गिरय सं मारल गेल लोक मे बेसि बिहार आओर बंगाल दिस के छथिन्ह. मारल गेल 67 लोक मे सं त 32 टा त सिर्फ बिहार सं छथिन्ह. ओहि मे सभ सं बेसि सहरसा सं.

ई सभ लोक बिहार सं रोजगार के तलाश मे दिल्ली आएल छलखिन्ह आओर अपन पूरा परिवार के संग एहिठाम रहय छलखिन्ह. दिल्ली...एनसीआर मे मकान आओर मकान भाड़ा एतेक बेसि बढ़ि गेल अछि जे लोक के मजबूरी मे एहन मकान मे रहय पड़ैत अछि.

मुदा बिहार चुनाव मे हरदम बिहारी लोक के परेशानी दूर करय के बात करय वाला दिल्ली के कांग्रेसी सरकार के अधिकारी आओर मंत्री सभ एहि मकान के कमजोरी पर ध्यान नहि देलक.

जखन कि मकान मालिक के साफ कहनाय छनि जे ओ एकरा बारे मे दिल्ली के शहरी विकास मंत्री के बता देने छल. सरकार एहि के लेल आब एमसीडी पर पाला झारय अछि त एमसीडी सरकार पर.

मानि लिअ मारय वाला मे बेसि लोक बिहार छोड़ि दोसर राज्य के रहैत त कि एहने मामला शांत भ गेल रहैत. दू -दू लाख के मुआवजा दs क. देश के राजधानी दिल्ली मे एहन बड़का कांड होए आओर सरकार बस मुआवजा दsक बचि जाए.

एहि सं किछ दिन पहिने पूर्वोत्तर मे सेहो बिहारी... हिंदीभाषी लोक के मारल गेल. बस दू चारि लाइन के खबर आबि क इतिश्री भ गेल. दोसर के त छोड़ु बिहारी नेता सभ सेहो बस दू -चारिटा बाइट द शांत भ गेलाह.

एहि सभ के कारण बिहारी लोक महाराष्ट्र मुम्बई मे मारि खाए छथि... राज्य सं बाहर भैया...बिहारी कहि के पुकारल जाएत छथि. आवाज नहि उठाएब... प्रतिरोध नहि करब त लोक अहां के नहि सुनत.

ललिता पार्क वाला मामला के देखिऔ सरकार मामला के दबाबय मे लागल अछि. आखिर एहन स्थिति आएल केना? कि ओ आओर इलाका के सैकड़ों दोसर मकान एक दिन मे आ राइतो-राति बनि गेल.

जे मकान मे बिजली-पानि सभ सुविधा देलिअई ओकरा अहां कहैत छी जै ओ अवैध छै. आखिर पुलिस... अधिकारी... मंत्री... विधायक एतेक दिन तक किएक चुप बैसल रहलाह? किएक सुतल रहलाह?

मुदा सभ सं अजगुत वाला गप ई अछि जे एतेक लोक के मारल गेलाह के बादहुं लोक सभ खामोश छथिन्ह. मीडिया के हाल सेहो एहने अछि. बस दू चारिटा खबर देखा देलहुं...काज खत्म.

आब देखिऔ एहि मकान के गिरला के बाद सरकार कइटा आओर मकान के खतरनाक घोषित करि देलक अछि आओर खाली करा रहल अछि. मुदा खाली करि रहल लोक के रहय के कोनो खास वैकल्पिक व्यवस्था नहि कएल गेल अछि.

एहि जाड़ मे इलाका के हजारों बिहारी लोक के सामने रोटी-रोटी संग-संग रहय के समस्या ठाड़ भ गेल अछि. लोक अपन अपन सामान निकालि मकान के बाहर रहल लेल विवश छथिन्ह.

अगर कोनो जगह सरकार के नहि मिलैत अछि त नवका बनल खेलगांव त बगले मे अछि सरकार किएक नहि किछ दिन के लेल हिनका सभ के ओहि ठाम रहय के इंतजाम करैत अछि.

ओना एहि मामला पर अंन्तर्राष्ट्रीय मैथिली परिषद के कृपाननंद जीक तरफ सं शनि दिन दिल्ली के कॉफी हाउस मे एकटा बैसार राखल गेल अछि. एहि मे आगां के रणनीति पर चर्चा करताह. मुदा तखन धरि काफी देर भ गेल रहत.

Planning to marry? Register at Shaadi.com Matrimonial

हमर ईमेल:-hellomithilaa@gmail.com

Comments

डॉक्टर लौटला... मुदा नुकसान के भरपाई केना होएत ?

Fropper.com - Indian Dating, Friendship, Romance पिछला पांच दिन सं बिहार मे जारी जूनियर डॉक्टर के हड़ताल खत्म भ गेल अछि. सरकार के मांग मानि लेबय के बाद डॉक्टर सभ काज पर वापस आबि गेलाह. आब हुनका सभ के 25 हजार रुपया के स्टाइपेंड मिलतन्हि. मुदा एहि हड़ताल के कारण इलाज नहि होए सं 46 लोक मारल गेलाह. हड़ताल पटना मेडिकल कॉलेज अस्पताल... पीएमसीएच आओर दरभंगा मेडिकल कॉलेज अस्पताल...डीएमसीएच दुनु मे छल. मांग मानि लेल गेलाह पर डॉक्टर सभ वापस त आबि गेलाह मुदा जे लोक इलाज के अभाव मे मरि गेलाह ओकर भरपाई केना होएत ? कि एकरा लेल हड़ताली डॉक्टर दोषी नहि छथि ? कि सरकार सं ई मांग दोसर कोनो तरहे नहि मनाएल जा सकय छल ? कि डॉक्टर के लेल आब सेवा भावना आओर शपथ कोनो मायने नहि रखैत अछि ? कि सभ किछ के पाइए सं तौलल जाएत ?. हमर ईमेल:-hellomithilaa@gmail.com Mithila, Maithili,Madhubani Paintings, Darbhanga, Samastipur, Muzaffarpur, Sitamarhi,nepal, janakpur,kamla balan, bagmati, kusha, ahilya, border, Janki, Kosi, Purnea, Saharsa, Madhepura, Araria, Supaul, Bihar, bihari, Patna, Lalu,laloo, Nitish, Paswan, Kojagra...

हमर पहिल ब्लॉग

हमर पहिल ब्लॉग में अहांक स्वागत अछि... ई ब्लॉग में हम सभ मिल कय अपन गाम घर... अपन मिथिलाक गप्पकरब... एक दूसराक दिलक बात करब... सुख-दुखक बात करब...मिथिलाक विकासक बात करब...हम कदम उठाचुकल छी बस अहां सभक सहयोगक दरकार अछि... मुदा एकटा विनम्र आग्रह अछि...अहां सभ अपन राय, सुझाव जरूर दिअ...गलती बताबय के कष्ट करब. धन्यवाद अहांक अपन.. हितेन्द्र कुमार गुप्ता hellomithilaa@gmail.com +919873606696

सौभाग्य मिथिला : मैथिलीक अपन चैनल

मैथिली के चौबीसों घंटा वाला अपन चैनल 18 जून सं शुरू भs रहल अछि. चैनल के नाम अछि सौभाग्य मिथिला . मिथिला... मैथिलीक लेल ई नीक खबर अछि. करीब पांच करोड़ मैथिल के लेल ई मैथिलीक पहिल मनोरंजन चैनल होएत. लाइन मे किछ आओर चैनल अछि मुदा किछ एहन पेंच... कारण अछि जेहि सं ओ ऑन एयर नहि भS रहल अछि. सौभाग्य मिथिलाक तैयारी अखन जोर-शोर सं चलि रहल अछि. चैनल के काज देख रहल छथिन्ह प्रफुल्ल कुमार मिश्रजी. प्रफुल्लजी करीब 14 साल सं टीवी सं जुड़ल छथिन्ह. आओर सौभाग्य मिथिला के धरातल पर लाबय लेल दिन-राति एक कएने छथिन्ह. प्रफुल्ल जीक संग चैनल सं कइटा आओर अनुभवी लोक सभ जुड़ल छथिन्ह जे मिथिला... मैथिल सभ्यता... संस्कृति आओर साहित्य के लोक के बीच पहुंचाबय लेल प्रयासरत छथिन्ह. प्रिंट पत्रकारिता आओर रंगमंच सं जुड़ल कुमार शैलेन्द्र जी चैनल के प्रोग्रामिंग देख रहल छथिन्ह. उम्मीद करबाक चाही जे ओ नीक-नीक कार्यक्रम लsक अएताह. कईबेर हुनकर नाटक देखय के मौका मिलल अछि. नीक काज करय छथिन्ह. सौभाग्य मिथिला पर भोर मे 6 बजे सं लs क राति साढ़े दस बजे धरि अहां के नबका-नबका कार्यक्रम देखायल जाएत. राति मे अहां दिनका किछ नीक कार्यक्रम...

हमर विआह- 8

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...

जनकपुरधाम मिथिला मध्यमा परिक्रमा शुरू

मिथिला बिहारी आ किशोरीजीक डोला संगही मिथिलाञ्चलमे पन्द्र दिन धैर पैदले घुमलजायबला मध्यमा परिक्रमा आई, 23 फरवरी सं शुरू भ रहल अछि।

मिथिला पेंटिंग ट्रेनिंग सेंटर

हमर गाम केवटी मे मिथिला पेंटिंग ट्रेनिंग सेंटर खुली रहल अछि. गाम के लेल ई बड़ नीक गप अछि. एहि सं दरभंगा-मधुबनी जिला के एकटा बड़का इलाका के लोक फायदा उठा सकय छथिन्ह. किएक त हमर गाम दरभंगा आओर मधुबनी जिला के बीच मे अछि. केवटी द क दरभंगा सं नेपालक सीमा जयनगर के जोड़य वाला नेशनल हाइवे सेहो जाएत अछि. हमर गामक हाईस्कूल मे अखनो इलाका के 10-12 किलोमीटर तक के छात्र पढ़य आबय छथिन्ह. ओना जखन हम स्कूल मे छलहुं तखन कहि सकय छी 50-50 किलोमीटर दूर तक के छात्र एहि ठाम पढय आबय छलखिन्ह. ओहि टाइम एहि ठाम छात्रावास के नीक व्यवस्था छल. सुदिष्ठ झा जीक समय केवटी स्कूल के पूरा दरभंगा-मधुबनी जिला मे एकटा अलग प्रतिष्ठा प्राप्त छल. आब गाम मे मिथिला पेंटिंग ट्रेनिंग सेंटर खुली रहल अछि. एहि सेंटर के खोलय के शुभ कार्य करय जा रहल छथिन्ह राम कुमार दास जी. राम कुमार दास जी रिटायर माइनिंग इंजीनियर छथिन्ह. दास जी अखन 65 साल के छथिन्ह. दस साल के उम्र मे गाम सं पढ़ाई-लिखाई... नौकरी के सिलसिला मे जे बाहर निकललखिन्ह तं आब 55 साल बाद फेर सं गाम वापस आबय के मौका मिललन्हि. पढ़ाई-लिखाई आ नौकरी लेल गाम सं निकलला पर कई बेर लोक म...

दहेज मुक्त मिथिलाक लेल बैसार

दहेज मुक्त मिथिलाक लेल एकटा बैसार रवि दिन 14 अगस्त के दिल्ली मे कनॉट प्लेस के पास कॉफी हाउस भ रहल अछि. एहि बैसार मे 28 सितंबर के दहेज मुक्त मिथिलाक लेल होए वाला राष्ट्रीय अधिवेशनक एजेंडा पर विचार - विमर्श कएल जाएत. बैसार मे अधिवेशन कतय कएल जाए...अधिवेशन के कार्यक्रम केहन होए... एकर प्रारूप... सहयोग... संकलन पर मिल-बैसि s क बात कएल जाएत. 28 सितंबर के दहेज मुक्त मिथिलाक लेल संकल्प दिवस के रूप मे मनाएल जाएत. एहि दहेज के कारण कतेक घर

Hello Mithila

Search This Blog