Skip to main content

कोसी के एक साल ( एक )

By
18 अगस्त... मिथिला के लोक एहि तारीख के कहिओ भूलि नहि सकय छथिन्ह. बिहार के लेल शोक मानल जाए वाला कोसी एहि दिन सच मे लाखों लोक के लेल एकटा बड़का शोक लs क आएल. विनाश के एहन लीला एहिठाम कहिओ नहि भेल छल. ओना त एहि इलाका के लोक के लेल हर साल आबय वाला बाढ़ि के पानि एकटा नियति जका बनि गेल अछि. मुदा पिछला साल 18 अगस्त के जे भेल ओहन विपत्ति लोक के हाड़-मांस कंपा देबय के लेल काफी अछि.
ओना त पिछला साल आएल बाढ़ि मे सैकड़ो लोक डूबि गेलाह... सैकड़ों माल-मवेशी बहि गेल... हजारों लोक दहा गेलाह. मुदा सरकारी तौर पर देखल जाए त करीब साढ़े पांच सय लोक डूबि गेलाह... करीब पौने दू सय लोक के अखन धरि कोनो थाह-पता नहि छनि... 20 हजार सं बेसि माल-जाल बहि गेल. जे नहि रहलाह हुनकर आत्मा के भगवान शांति प्रदान करथुन्ह. मुदा जे बचि गेलाह हुनको जिनगी कोनो नरक सं कम के नहि रहल. परेशान लोक के त एतेक धरि कहनाय छनि जे अगर जीनाए एकरे कहय छै त एहन जिनगी सं मरनाए भला.
हाल त एहन अछि जे लोक पिछला साल के फेर सं यादों नहि करय चाहय छथिन्ह. किएक त ओकरा याद करला सं साल भर मे जे जख्म कनि भरल छनि ओ फेर सं फपदय लागय छनि... ओ फेर सं जिनगी मे हलचल मचा दैत छनि. 18 अगस्त 2008 के ओ दिन याद करनाय...कोनो तूफान के सामना करनाय सं कम नहि अछि. कुसहा मे बांध टूटला सं सुपौल... मधेपुरा... सहरसा... अररिया... आओर पूर्णिया के सैकड़ों गाम-घर एहा पानि मे बहि गेल जेना खर-पतवार... पुआल बहैत अछि. सड़क...पुल... रेलक पटरी सभ पानिक फोर्स मे कतs गेल तकर कोनो नामोनिशान नहि रहल.
गाछ-बिरिछ... घर-द्वार... दलान सभ दहा गेल... धारक आगां जे आएल सभ बहि गेल. कि कमजोर... कि बरजोर... कि हिंदू... कि मुसलमान... कि धनिक... कि गरीब... कि बच्चा... कि सयान... कि बूढ़. सभ बहि गेलाह. ककरो संग कोनो फर्क नहि. सभ घास-पात जकां बहि गेलाह. कोसी के पानि के एहन उफनैत धारि आई धरि लोक कहिओ नहि देखने छलखिन्ह.
दोसर भाग

Share/Save/Bookmark
हमर ईमेल:-hellomithilaa@gmail.com


Labels:

Comments

Post a Comment

Popular posts from this blog

हमर विआह- 8

By
श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...
18 comments
Read more

फर्स्ट आउ छात्रवृत्ति पाउ

By
बिहार सरकार के तरफ सं एकटा छात्रवृत्ति योजना शुरू कएल गेल अछि. एहि मे एससी... एसटी, अल्पसंख्यक आओर अत्यंत पिछला वर्ग सं मैट्रिक मे फर्स्ट आबय वाला विद्यार्था के 10 हजार रुपया के छात्रवृत्ति देल जाएत. एकर शुरूआत मुख्यमंत्री नीतीश कुमार जी पटना मे किछ छात्र के 10 हजार रुपया के चेक द कएलखिन्ह. अहांके कि लगैत अछि कि ई एकटा नीक कदम अछि? कि एहि सं बेसि सं बेसि विद्यार्थी पढ़ाई-लिखाई के तरफ ध्यान देताह ? कि ई राज्य मे साक्षरता लाबय के दिशा मे नीक पहल अछि? आ फेर एकरो हाल दोसर योजना के जकां रहत? सरकार एहि सं पहिनहुं चरवाहा विद्यालय... साइकिल योजना... मिडडे मील नहि जाने कि कि चलाबैत अछि...कि एकरो हाल ओकरे जकां होएत? अहां सभ अपन-अपन विचार जरूर राखु आओर इहो बताउ जे शिक्षा क्षेत्र मे बेहतरी के लेल सरकार के आओर कि- कि करबाक चाही?   Mithila News Fropper.com - Indian Dating, Friendship, Romance हमर ईमेल:-hellomithilaa@gmail.com Mithila, Maithili,Madhubani Paintings, Darbhanga, Samastipur, Muzaffarpur, Sitamarhi,nepal, janakpur,kamla balan, bagmati,Janki, Kosi, Purnea, Saharsa, Madhepur...
6 comments
Read more

सौभाग्य मिथिला : मैथिलीक अपन चैनल

By
मैथिली के चौबीसों घंटा वाला अपन चैनल 18 जून सं शुरू भs रहल अछि. चैनल के नाम अछि सौभाग्य मिथिला . मिथिला... मैथिलीक लेल ई नीक खबर अछि. करीब पांच करोड़ मैथिल के लेल ई मैथिलीक पहिल मनोरंजन चैनल होएत. लाइन मे किछ आओर चैनल अछि मुदा किछ एहन पेंच... कारण अछि जेहि सं ओ ऑन एयर नहि भS रहल अछि. सौभाग्य मिथिलाक तैयारी अखन जोर-शोर सं चलि रहल अछि. चैनल के काज देख रहल छथिन्ह प्रफुल्ल कुमार मिश्रजी. प्रफुल्लजी करीब 14 साल सं टीवी सं जुड़ल छथिन्ह. आओर सौभाग्य मिथिला के धरातल पर लाबय लेल दिन-राति एक कएने छथिन्ह. प्रफुल्ल जीक संग चैनल सं कइटा आओर अनुभवी लोक सभ जुड़ल छथिन्ह जे मिथिला... मैथिल सभ्यता... संस्कृति आओर साहित्य के लोक के बीच पहुंचाबय लेल प्रयासरत छथिन्ह. प्रिंट पत्रकारिता आओर रंगमंच सं जुड़ल कुमार शैलेन्द्र जी चैनल के प्रोग्रामिंग देख रहल छथिन्ह. उम्मीद करबाक चाही जे ओ नीक-नीक कार्यक्रम लsक अएताह. कईबेर हुनकर नाटक देखय के मौका मिलल अछि. नीक काज करय छथिन्ह. सौभाग्य मिथिला पर भोर मे 6 बजे सं लs क राति साढ़े दस बजे धरि अहां के नबका-नबका कार्यक्रम देखायल जाएत. राति मे अहां दिनका किछ नीक कार्यक्रम...
21 comments
Read more