नवका- पुरनका लेख सर्च करु...

कोसी: फेर बढल धड़कन...

कोसी मे पानि बढ़य के खबर अछि. ओना अखन मानसून नहि आएल अछि. पानि अखन कम अछि. मुदा कोसी मे एको इंच पानि बढ़ल नहि कि लोक के धड़कन सेहो बढ़य लागय छनि. लोक के पिछला साल आएल भीषण बाढ़िक याद ताजा भs जाएत छनि. पिछला साल कुसहा मे बांध टूटला सं वीरपुर मधेपुरा... सहरसा... पूर्णिया... अररिया... खगड़िया मे भारी तबाही भेल छल. बाढ़िक पानि कम भेलाह के बाद बांध मरम्मत के काज शुरु भेल. मुदा अखनो मरम्मत के काज पूरा नहि कहल जा सकैत अछि. सरकार के तरफ सं कहल जाएत अछि जे सभ काज समय पर भ जाएत. मुदा लोक सभ के इहो कहनाय छनि जे नेपाल सं जे सहयोग मिलबाक चाही से नहि मिलि रहल अछि. काज मे माओवादी के कारण सेहो असर पड़ि रहल अछि. आओर पिछला साल जकां एहि साल फेर पानि आएल त फेर तबाही भs सकैत अछि.
बाढ़िक आपदा सं निपटय के जानकारी देबय के लेल राज्य आपदा प्रबंधन विभाग के ओर सं 17-18 जून के मधुबनी आओर खगड़िया मे दु दिनक बाढ़ प्रबंधन कार्यशाला लगाएल जा रहल अछि. एहि मे आपदा के स्थिति मे कि–कि करबाक चाही... कि सावधानी बरतबाक चाही...बताएल जाएत. एहि मे लोक सभ सं इहो जानल जाएत जे बाढ़ि के समय हुनका कोन-कोन समस्या के सामना करय पड़य छनि आओर ओहि सं केना नीक सं निपटल जा सकैत अछि. ओना एहि बेर कोसी के धार पर... पानि पर सैटेलाइट सं नजर राखल जा रहल अछि. सैटेलाइट सं ई पता चलैत रहत जे किम्हर पानि बेसि अछि आओर धार किम्हर बहि रहल अछि. किम्हर के लोक के सचेत करय के जरूरत अछि.
ओना एहि बेर प्रशासन के तरफ सं राहत आओर बचाब के सेहो तैयारी कएल जा रहल अछि जे कोनो आपात स्थिति मे जानमान के कम सं कम नुकसान होए. लोक सभ सेहो एहि बेर किछ बेसि सतर्क छथि. अहां सभ सेहो अपन-अपन गाम-घर...टोला-मोहल्ला के खबर एहि ठाम भेजल करू जेहि सं लोक के अहांक स्थिति हालत के सही –सही पता चलैत रहय.

कोई टिप्पणी नहीं:

एक टिप्पणी भेजें

अहां अपन विचार/सुझाव एहिठाम लिखु