एकजुट होउ सभ मैथिल...

By Unknown January 11, 2009

रांची के हरमू मे पिछला दिन मैथिली सम्मान दिवस समारोह मनाएल गेल. एकर आयोजन झारखंड मैथिली मंचक ओर सं कएल गेल. समारोह के अधयक्षता डॉ गुणेश्वर झा जी कएलखिन्ह. एहि अवसर पर सभ गोटे के एकमत सं कहनाय छलन्हि जे मैथिली के विकास के लेल सभ गोटे के एक संग आबय पड़त. मैथिली के पढ़ाई...लिखाई के लेल सभ मैथिल के संगठित होए पड़त. अलग राज्य के लेल मिलि क काज करय पड़त... समारोह के शुरुआत गोसाउनिक गीत सं भेल ओर ओकर बाद अशोक अविचल जीक पुस्तक हमरा देशक भाग मे के लोकार्पण कएल गेल... समारोह मे मौजूद सभ गोटे के कहनाय छलनि जे मैथिली के विकास के लेल अखन धरि सरकारक रवैया सकारात्मक नहिं रहल अछि. चाहे स्कूल मे मैथिली पढ़ाई के गप्प होय आ कॉलेज मे. फेर चाहे बीपीएससी मे परीक्षा देबय के गप्प होय आ यूपीएससी मे. मैथिली के पाछां राखय के प्रयास कएल गेल अछि. मैथिली के सभस बेसि नुकसान आरजेडी शासन काल मे भेल...पढ़ाई सं हटा देल गेल...परीक्षा सं निकाल देल गेल... आओर ओतेक लोक के मातृभाषा होबाक बादो एकरा जे सम्मान मिलबाक चाही से नहिं देल गेल. एहि के लेल अपन मैथिल लोक सेहो जिम्मेदार छी. जे सदिखन अपन मुंह बंद रखने रहलौं आओर पान...तम्बाकू चबाबैत रहलौं...ताश खेलैत रहलौ...माछ-भात खाएत रहलौ...मुदा मैथिली के आगां लाबय लेल किछ नहिं कएलौं...आ फेर पाछा करय वाला के सही सबक नहिं सीखैलौं. चलु आब त जागु.

Comments

श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...