श्वेता के जन्मदिनक पार्टी सं डेरा त आबि गेलहुं, मुदा आब ध्यान श्वेता सं हटि क अल्का पर अटैकि गेल। मोन एकदम सं फ्लैशबैक मे चलि गेल—कॉलेजक दिन, जे जीवन के सबसे रंगीन, मस्ती आओर मासूमियत सं भरल समय छल। बारहवीं के बाद कॉलेजक पहिल दिन, कहिओ नहि बिसराबय वाला दिन। ओहि दिन पहिल बेर मिलल छलीह अल्का। क्लास मे विद्यार्थी सभ के इंट्रोडक्शन चलि रहल छल। परिचय सं पता चलल जे अल्का सेहो दरभंगा के छथीह। बिहार सं आओर छात्र सभ छल, मुदा अपन शहर के बाते किछु आओर होए छै। जखन बात अपन शहर के होए त लगाव कनि बेसि बढ़ि जाए छै। अल्का यानी मैथिल ब्यूटी, सभ सं अलग। एकदम सं मासूम। एकटा अलगे भोलापन लेने। मोन सं, दिल सं एकदम आईना जकां साफ। दुनियादारी के छल-कपट, होशियारी सं दूर। बोली अतेक मीठ जेना आवाज में मिश्री घुलल होए। मोन होएत छल जे एकटक दैखेत रही आ हुनका सुनिते रही। केतबो खिसिआएल छी, अल्का के आवाज सुनि लिअ सभ शांत भ जाएत। मैथिली त ओहिना मीठ होएत अछि, मुदा अल्का के आवाज मे एकटा अलगे जादू आ कहु सम्मोहन छल जे अहां अपना के बिसैरि हुनका मे खो जएतौं। मंदिर के घंटी जकां मन प्रसन्न करि देबय वाला। सादगी एहन जे देखिते मुंह...
मिथिलाक सभस महत्वपूर्ण पावनि अछि छठ...आओर अखन गाम-घर, शहर सभठाम छठक तैयारी जोर शोर सं चलि रहल अछि...छठ में भगवान सूर्य के पूजा होइछन्हि...छठ पावनि हर साल दिवाली के बाद कातिक महीना के छठा दिन होइछ...कहि सकय छी जे कातिक मास के इजोरिया में षष्ठी तिथि के छठ पावनि शुरू होइ छै...कहल जाइछै जे भगवान दिनकर के पूजा...आराधना मात्र सं सभ मनोकामना पूरा होइ छै...तीनों लोक में शक्ति के संचार होइ छै...पूजा के लेल पोखरि...नदीक घाटक साफ -सफाई शुरू भ गेल अछि...एहि पावनि में शुद्धता, साफ-सफाई के विशेष ध्यान रखल जाइ छै...पूजा में काम आबय वाला सामान सभ सं बाजार पटल परल अछि...टोकरी, सूप, डाला...पूजाक सामान, फल-फूल सं बाजार के माहौल रंगीन बनल अछि...पूजा में ईख (कुसियार) ,मूली, नींबू, अरुआ, सुथनी, अरकपात काम आबय छै...नबका कपड़ा, श्रृंगारक सामान...लहठी सेहो घऱ में आबय छै...बच्चा सभ के तं पटाखा छोड़य के मौका सेहो रहय छै...ओना एहि बेर सामानक दाम खूब बढ़ल छै जाहि सं लोकक बजट सेहो बिगड़ल छै...दुर्गापूजा, इन्द्र पूजा, कोजगरा, दिवाली, चित्रगुप्त पूजा, काली पूजा सभके एक के बाद एक लगले होई सं खर्चा सेहो बड़ बढ़ल छै...आओर एहि बेर बाढ़ि के परेशानी तं छैबे छल.
एहि बेर संझका अर्घ्य सोलह तारीख शुक्र दिन अछि आओर भोरका अर्घ्य सत्रह तारीख शनि दिन अछि...दरभंगा, मधुबनी, सहरसा, पूर्णिया, समस्तीपुर आओर बरौनी..पटने नहि दिल्ली में सेहो जोर शोर सं तैयारी चलि रहल अछि...घाटक सफाई भ रहल अछि...प्रशासन तरफ सं भ रहल अछि कई ठाम लोक सभ अपने भिर क साफ सफाई करि रहल छथिन्ह...छठ के मौका पर तं पूर्णिया के सौरा नदी के सिटी घाट पर गोताखोर दल के लगायल गेल अ...नाविक सभ सेहो दस बारह टा नाव सं घाट पर नजर रखने रहताह.
Comments
Post a Comment