नवका- पुरनका लेख सर्च करु...

एक अगस्त सं इज्जत सेवा...

उम्मीद अछि जे एक अगस्त सं इज्जत सेवा शुरू भs जाएत. एहि इज्जत सेवा के घोषणा रेलमंत्री ममता बनर्जी के रेल बजट मे भेल छल. एक तारीख सं ई शुरू भs जाए एकरा लेल जोर-शोर सं तैयारी चलि रहल अछि. इज्जत सेवा मे एक सय किलोमीटर तक आबय-जाए लेल 25 रुपया के पास मिलत. ई पास गरीबी रेखा सं नीचा रहय वाला ओहन लोक के मिलत जिनकर मासिक आमदनी डेढ़ हजार सं बेसि नहि छनि. गरीब-गुरबा के लेल शुरू भेल एहि सेवा के मकसद अछि काम-काज के लेल डेली शहर अप-डाउन करय वाला लोक के 25 रुपया मे मासिक सीजन टिकट देनाए. एहि सेवा सं दिल्ली... मुम्बई... कोलकाता... पटना जैसन बड़का शहर मे दूर-दराज सं डेली काज करय आबय वाला लोक सभ के फायदा होएतन्हि. अपन मिथिला मे सेहो सैकड़ो लोक रोज मुजफ्फरपुर... समस्तीपुर... दरभंगा... बरौनी... अप-डाउन करय छथि. हुनका सभ के आब मात्र पचीस रुपया मे मास धरिके लेल पास मिल जएतन्हि. लोक के लेल ई नीक कदम अछि. एकरा फायदा समाज के एकटा बड़का तबका के मिलत. आओर पहिने कहिओ काल किछ लोक जे बेटिकट चलि जाए छलाह आब पास ल क बेधड़क जएताह. त एहि बात के अहां सभ सेहो अपन गाम-घर के लोक सभ के बता दिऔन्हि जेहि सं ओ पास बनबाबय मे जुटि जएताह.
Share/Save/Bookmark

हमर ईमेल:- hellomithilaa@gmail.com

1 comment:

  1. नीक खबर । एहि सं लाखों लोक के फायदा होएत ।

    ReplyDelete

अहांक विचार/सुझाव...