नवका- पुरनका लेख सर्च करु...

मिथिलामय भ गेल रवि दिन दिल्ली

नई दिल्ली के मावलंकर ह़ॉल मे रवि दिन 20 ई के अखिल भारतीय मिथिला संघ केर तरफ सं मिथिला विभूति स्मृति पर्व समारोह भेल. समारोह बड़ नीक रहल.

 एहि समारोह मे मिथिला आओर मैथिलीक विकास पर चर्चा सेहो कएल गेल. लोक सभ सं आग्रह कएल गेलन्हि जे अहां सभ
अपन माय...माटि आओर मातृभाषा के सदिखन ध्यान राखु. हिनका नहि बिसरु.

अखिल भारतीय मिथिला संघक महासचिव विजय चंद्र झा जी मिथिला समस्या पर सेहो प्रकाश डाललखिन्ह आओर इलाका में विकासक गति तेज करय लेल लोक सभके आगां आबय केर आह्वान करलखिन्ह.

समारोहक एकटा खास बात ई रहल जे ओतेक भव्य कार्यक्रम भेल... कई दिन सं तैयारी भ रहल छल. मुदा लोक सं एक पाई चंदा नहि लेल गेल. सभ खर्च संस्था खुद उठौलक. एहि सभक श्रेय जाए छनि विजय जी के.
विजय जी ओतेक उम्र भेलाहsक बादहुं एतेक सक्रिय छथिन्ह जे कोनो युवा के मात देबय लेल काफी अछि. मिथिलाके हिनका सन लोकक जरूरत अछि.

विजय चन्द्र झा जी आओर संजीव कुमार मिश्र जी
विजय जी मिथिला...मैथिलीक लsक काफी सक्रिय रहय छथिन्ह आओर दिल्ली मे रहय वाला अपन मिथिलावासी के सुख-दुख मे सदैव संग रहय छथिन्ह. हिनका सं लोक के प्रेरणा लेबक चाही.
समारोह के सफल बनैबा मे संजीव कुमार मिश्र जी (सुपुत्र श्री जगन्नाथ मिश्र जी)... अखिलेश झा जी आओर रौशन झा जी सेहो काफी योगदान रहलन्हि.

रौशन जी काफी ऊर्जावान छथिन्ह. हिनका अहां एक तरहे हरफनमौला कहि सकय छी...एकदम सं ऑलराउंडर...ओहुना रौशन जी अमर उजाला अखबार में स्पोर्ट्स देखय छथिन्ह.

एहि समारोह के मुख्य अतिथि छलीह दिल्ली के मुख्यमंत्री श्रीमती शीला दीक्षित जी. हिनका संग समारोह में सांसद आओर मध्य प्रदेश बीजेपी अध्यक्ष डॉ प्रभात झा जी...सांसद महाबल मिश्र जी...पूर्व सांसद डॉ गौरीशंकर राजहंस जी आओर दिल्ली के विधायक एससीएल गुप्ता जी मौजूद छलाह. दरभंगा के सांसद कीर्ति आजाद जी के आईपीएल मामला पर अनशन पर बैसय के कारण हिनकर पत्नी पूनम आजाद सेहो आएल छलीह.

हितेंद्र गुप्ता के मिथिला विभूति सम्मान सं सम्मानित करैत मध्य प्रदेश बीजेपी अध्यक्ष आ सांसद प्रभात झा जी आओर विजय चन्द्र झा जी
समारोह मे शुरुआती चर्चा...विचार-विमर्श के बाद मिथिलाक 19 लोक के मिथिला-मैथिलीक लेल हुनकर योगदान के लेल मिथिला विभूति सम्मान सं सम्मानित कएल गेलन्हि. मिथिला विभूति सम्मान मे सभ गोटे के ताम्रपत्र... शॉल आ पाग से सम्मानित कएल गेलन्हि.

एहि मे पत्रकारिता वाला खंड मे हेलो मिथिलाक लेल हितेंद्र गुप्ता...हमरा सेहो सम्मानित कएल गेल. एहि मे रंगमंच सं जुड़ल श्रीमति प्रेमलता मिश्र प्रेम... नाट्यकार महेन्द्र मलंगिया जी...नाटककार उत्पल झा जी... घ्रुपद गायक अभय नारायण मल्लिक जी... शतरंज खिलाड़ी श्रीराम झा जी...गोल्फ खिलाड़ी अशोक कुमार जी... चिकित्सक राज्यवर्धन आजाद जी... चिकित्सक अजय चौधरी जी... आम्रपाली ग्रुप के उद्यमी अनिल कुमार शर्मा जी...गायिका कुमुद झाजी...रवीन्द्रनाथ ठाकुर जी... गजेन्द्र नारायण सिंह जी... आ दिल्ली के पार्षद सुनील झा जी...रामदयाल महतो जी...श्रीमती तिलोत्तमा चौधरी जी...विमला देवी जी और कल्पना झा जी के सेहो सम्मानित कएल गेलन्हि.  विदेहक गजेन्द्र ठाकुर जीक नाम सेहो छलन्हि मुदा ओ समारोह मे नहि आबि पएलाह.

आम्रपाली ग्रुप के सीएमडी अनिल शर्मा जी के संग विजय चंद्र झा जी
मिथिला विभूति स्मृति पर्व समारोह के एकटा नीक बात इहो रहल जे आम्रपाली ग्रुप के सीएमडी अनिल कुमार शर्मा जी दिल्ली मे अपन खर्च पर मिथिला भवन बनाबय केर आश्वासन देलखिन्ह. एहि के लेल जमीन अखिल भारतीय मिथिला संघ के तरफ सं हुनका देल जएतन्हि. अखिल भारतीय मिथिला संघ के पास एहि लेल जमीन अछि.

एतबे नहि संगम विहार दिल्ली के विधायक एससीएल गुप्ताजी सेहो भरोस देलखिन्ह जे ओहि मिथिला भवन बनाबय मे हम शर्मा जीक पूरा मदद करबन्हि. ई बड़ पैघ गप अछि. दिल्ली मे अपन मिथिला भवन होएत.

एकर बाद स्मारिका के विमोचन सेहो भेल. एहि स्मारिका के दर्शक सभ गोटे के बीच बांटल गेल. स्मारिका मे मिथिला-मैथिली से जुड़ल नीक जानकारी देल गेल अछि.

समारोह के आखिर मे सांस्कृतिक कार्यक्रम भेल. रश्मि रानी...पवन कुमार... सुनील झा जी... अंशुमाला जी लोक के अपन झमकौआ गीत सं मंत्रमुग्ध कर देलखिन्ह. ओना मंच पर साउंडक किछ प्रॉब्लम के कारण बीच-बीच मे विघ्न सेहो आएल मुदा लोक कार्यक्रम के पूरा आनंद उठएलाह.

एहन कार्यक्रम दिल्ली मे जल्दी-जल्दी...बेर-बेर होबाक चाही. एहन कार्यक्रम के आयोजन पर हम सभ मैथिल भाई बहिन लोकनि मिलि पाबय छी. नहि तं लोक के फुरसत कहां.

एतेक नीक समारोह के लेल अखिल भारतीय मिथिला संघ के धन्यवाद.

8 टिप्‍पणियां:

  1. बहुत सुन्दर. अहाँ के बहुत बहुत बधाई हितेन्द्र भाई. अखिल भारतीय मिथिला संघ के सेहो आभारी छी जे एहन नीक आयोजन केलक.

    जवाब देंहटाएं
  2. Shirf Geet - Naad s Mithila ker vikash nahi homay wala achi

    जवाब देंहटाएं
  3. Sundar report - sunar kaaryaram - samman lel seho badhai. Harih Harah!

    जवाब देंहटाएं
  4. हितेंद्र जी मिथिला विभूति सम्मान के लेल बहुत बहुत बधाई | संगही एतेक सुन्दर खबर देवाक लेल धन्यबाद |

    जवाब देंहटाएं

अहां अपन विचार/सुझाव एहिठाम लिखु