नवका- पुरनका लेख सर्च करु...

चापलूसी केर हद...नीतीश कुमार लेल भारत रत्न के मांग

बिहार विधानसभा मे आई बुधदिन चापलूसी केर हद देखय लेल मिलल.

बजटसत्र के दौरान जखन राज्यपाल के अभिभाषण पर बहस चलि रहल छल तखन एकटा विधायक
मुख्यमंत्री जीक तारीफ केर पुल बांधैत भारत रत्न देबय के मांग करि देलीह.

विधायक अपन मिथिला के छथीह. पूर्णिया के धमदाहा सं
जेडीयू केर लेसी सिंह.

नीतीश जीक पार्टी सं छथीह. पार्टी आओर आओर बॉस के प्रति प्रेम नीक अछि मुदा भारत रत्न केर मांग अखन एकदम सं सही नहि कहल जा सकैत अछि.

लेसी सिंह जीक मानल जाए तं एनडीए के शासन काल मे बिहार मे जमि क विकास भेल अछि. बिहार काफी आगां गेल अछि. कानून व्यवस्थाक राज कायम भ गेल अछि. ई सभ नीतीश जीक कारणे भेल अछि. एहि लेल हुनका भारत रत्न मिलबाक चाही.

ई ठीक अछि जे बिहारक हालात पहिने सं काफी नीक भेल अछि. मुदा अखनो काफी किछ करय के जरूरत अछि. पूरा राज्य तं छोडु राजधानी पटना मे लोक अखनो पूरा तरहे सुरक्षित नहि अछि.

बेसि दिन नहि परसुं पटना का एसपी खुद एकटा महिला के सरेआम पिटलीह. लोक के विरोध के एसपी महोदया सहन नहि करि पएलीह. महिला के पिटय लागलीह.

लोक एहिठाम दूटा लड़का के करंट लागय से मौत के विरोध मे प्रदर्शन करय छलखिन्ह. प्रदर्शन से खिसियाएल एसपी साहिबा महिला सभ के जमि कs पिटलीह. ई हाल पटना के अछि.

स्कूल के पोशाक स्कीम... साइकिल स्कीम मे करोड़ों के घोटाला भ रहल अछि. अफसर... कर्मचारी सभ फेर सं पहिनुका हाल मे चलि अएलाह. लोक के काज बिना पाई देने नहि भ रहल अछि. फेर सं रिश्वतक राज कायम होए लागल अछि.

बिजली के हाल सेहो तेहने अछि. कतेक दिन तक केंद्र के कोसैत रहबै. किछ अपनो तं उपाय करु. मंत्री सभ सं काज कराउ. 

एहन लीडर से कोन फायदा जिनकर टीम (मंत्री) नीक सं काज कहि करय छथिन्ह. लीडर के अपन टीम के संग लsक चलबाक चाही. टीम के सेहो लीडर के संग हाथ बटैबाक चाही. मुदा तालमेल मे साफ कमी अछि.

अखन रेल बजट आबय वाला अछि. एमपी...एमएलए सभ रेल मंत्री जी सं मिललखिन्ह की? जखन धरि अहां अपन इलाका लेल रेल के मांग नहि करिबै...नव-नव रेल के मांग नहि करिबै...सुविधा के मांग नहि करिबै... रेल मंत्री ओकरा पर विचार केना करताह. हुनका सपना तं नहि अएतन्हि.

अहां के अपन कष्ट... परेशानी लsक हुनका पास जाए पड़त. नहि तं बाद मे कहबै बिहार के किछ नहि मिलल.

No comments:

Post a Comment

अहांक विचार/सुझाव...