नवका- पुरनका लेख सर्च करु...

कोसी महोत्सव

एहि बेर सहरसा में कोसी महोत्सव के आयोजन 9 आओर 10 फरवरी के भ रहल अछि. एहि महोत्सव सं लोक के एहि ठामक संस्कृति आओर परम्परा जानय के मौका मिलैत अछि. एहि महोत्सव में मिथिलांचल के कोना -कोना के लोक त अबिते छथिन्ह. देश-विदेश के हजारों लोक सेहो आबय छथिन्ह. ई समारोह बड़ धूमधाम सं... बड़का स्तर पर मनायल जाइत अछि. समारोह के सफल बनाबय लेल अखने सं जोर-शोर सं तैयारी शुरू भ गेल अछि. कइटा समिति बनाबल गेल अछि. काजक बंटवारा भ गेल अछि. एहि में मिथिले टा के नहिं देश विदेशक कलाकार सभ सेहो शामिल होई छथिन्ह आओर अपन फन सं लोकक मनोरंजन करय छथिन्ह. गीत-संगीत आओर नृत्य के कार्यक्रम देखय लेल लोकक भारी भीड़ जुटैत अछि. एहि ठाम होय वाला कार्यक्रम लोक के वर्षों याद रहय छनि. महोत्सव में राष्ट्रीय स्तर के कलाकार के बुलावय लेल एहि बेर सरकार सं अतिरिक्त पाई सेहो मांगल गेल अ. महोत्सवक आयोजन नीक सं होय एहि लेल जिला के तमाम बड़का अफसर सभ दिन राति एक कय काज में लागल छथिन्ह. पुलिस प्रशासन अखने सं मुस्तैद भ गेलाह अ.
महोत्सव के दौरान कई तरहक प्रतियोगिता सभ सेहो होयत अछि. ओहि में पुरुषक दौड़... महिला सभक लेल धीमी साइकिल रेस... कबड्डी मैच... खो-खो... कुश्ती शामिल अछि. महोत्सव के दौरान एकटा स्मारिका सेहो निकालल जायत अछि. ई महोत्सव हर साल सहरसा में होई छै. आ एहि महोत्सव के जान अछि एहि ठाम होय वाला नौका दौड़ आओर बैलगाड़ी दौड़... लोक सभ एहि में बड़ उत्साह सं भाग लय छथिन्ह. आब त लोक सभ के उत्सुकता सं कोसी महोत्सव के इंतजार अछि.

No comments:

Post a Comment

अहांक विचार/सुझाव...