बिहार उत्सव केर धूम

बिहारक लोक के लेल ई पूरा हफ्ता उमंग सं भरल अछि. होली के रंग अखन उतरलों नहि छल कि बिहार उत्सव शुरू भ गेल. एहि बेर तं बिहार के किछ ठाम रवि...सोम 20-21 मार्च दूनु दिन होली छल. एहन मे लगातार जश्न. लोक सभ एकटा अलगे रंग मे डूबल छथिन्ह.

Bihar Day Card

मंगल दिन 22 मार्च के बिहार के बनल 99 साल पूरा भ गेल. बिहार सौवां साल मे चलि गेल. आब 22...23 आओर 24 मार्च के मुख्य कार्यक्रम के अलावा साल भर कोनो- न- कोनो कार्यक्रम चलैत रहत. 22 मार्च 1912 के बिहार... बंगाल सं अलग भ नवका राज्य बनल छल.

मुख्य कार्यक्रम पटना के गांधी मैदान

मे भ रहल अछि. एहि के लेल गांधी मैदान के एकदम सं दुल्हन जकां सजाएल गेल अछि. पूरा पटना के इहे हाल अछि. राति होएतहि पटना दिवाली जकां चमकय लागैत अछि.

गांधी मैदान एकदम सं गाम-घर जका बना देल गेल अछि. मेन गेट पर आबतहि अहां के लागत जेना कोनो गाम मे घुसि रहल छी. एकदम सं गाम जका देबार पर पेंटिंग... गोबर सं लीपल आंगन.

गांधी मैदान जकां दोसरो ठाम कार्यक्रम भ रहल अछि. गांधी मैदान वाला मुख्य बिहार दिवस कार्यक्रम के उद्घाटन मुख्यमंत्री नीतीश कुमार करथिन्ह. एहि अवसर पर देश-विदेश के प्रमुख लोक सेहो मौजूद रहथिन्ह. 

Bihar Day

एहिठाम नृत्य... संगीत... कला प्रदर्शनी... खान-पान सं लsक दस तरहक कार्यक्रम भ रहल अछि. पटना के जतेक पार्क...मैदान...ऑ़डिटोरियम...हॉल अछि सभ ठाम किछ न किछ जरूर भ रहल अछि.

एहि अवसर पर सिर्फ बिहारक कलाकार सभ नहि बल्कि देश के मशहूर कलाकार सभ अपन कार्यक्रम पेश करथिन्ह. एहि मे पंडित हरि प्रसाद चौरसिया... पंडित शिवकुमार शर्मा... गजल गायक भूपेंद्र सिंह-मिताली सिंह आओर भजन गायक अनूप जलोटा शामिल छथिन्ह.

बिहार दिवस पर बिहार उत्सव गांधी मैदान मे सांझ करीब 4 बजे शुरू होएत. कार्यक्रम के शुरूआत बिहार गौरव गान सं होएत. एहि के बाद मुरारी लाल तिवारी के होली... चक्रवर्ती सिंह के चैता... कुंज बिहारी मिश्र जीक मैथिली... अंजलि भारद्वाज जीक भोजपुरी गीतनादक कार्यक्रम होएत.

अगिला दिन 23 मार्च बुध के सोहर... बुंदू खां केर राजस्थानी लोकगीत... अजीत अकेला जीक मगही गीतनाद...बच्चा नसीम आओर नसीम रूही ग्रुप के कव्वाली के संग भरत शर्मा आओर आराधना सिंह जीक भोजपुरी कार्यक्रम होएत.

कार्यक्रम के आखिरी दिन 24 मार्च के शारदा सिन्हा जीक मैथिली-भोजपुरी गीतनाद... विष्णु ओझा जीक भोजपुरी गीत... छउ नृत्य आओर छैला बिहारी के अंगिका गीतनादक कार्यक्रम अछि.

Hamara Bihar

तं अहां सभ एहिठामक कार्यक्रम मे रिद्म आफ बिहार...बिहार गौरव गान...चैता... होली ...चारकुला...मैथिली गीत...भोजपुरी गीत आओर सुगम संगीत के आनंद उठा सकय छी.

गांधी मैदान मे अहां के मूर्तिकला...चित्रकला...मधुबनी पेंटिंग...छापाकला के संग देश... विदेशत कलाकार सभ के कला प्रदर्शनी सेहो देखय लेल मिलत.

बिहार उत्सव पर राज्य के अड़तीसों ( 38) जिला मे कई तरहक कार्यक्रम भ रहल अछि. कई तरहक प्रतियोगिता आयोजित कएल गेल अछि. सांस्कृतिक कार्यक्रम सेहो भ रहल अछि.

एकरे संग-संग हर गाम मे 99 दीया जलाsक बिहार के 99 साल पूरा होए के उत्सव मनाएल जाएत. बिहार उत्सव पर 22 तारीख के सरकारी छुट्टी घोषित सेहो कएल गेल अछि जेहि सं लोक कार्यक्रम के...उत्सव के नीक सं मना पएथिन्ह.

एकटा बात आओर एहि तीन दिन पटना एयरपोर्ट पर जतेक यात्री उतरथिन्ह आओर एहि ठाम सं उड़ान भरथिन्ह... हुनका सभ के मखाना के एकटा पैकेट उपहार मे देल जएतन्हि.

अगर अहां पटना मे होए वाला कार्यक्रम के आनंद उठाबय चाहय छी तं बिहार फाउंडेशन के साइट पर जाsक लाइव कार्यक्रम देख सकय छी. बिहार सं बाहर रहला पर अहां एहि सं बिहार सं जुड़ल रहि सकय छी.

Bihar Utsav Live

हमर ईमेल:-hellomithilaa@gmail.com

Deal a Day   I   Go Jiyo   I   HT Campus   I   Times Jobs.com   I   SNAP DEAL