अंग्रेजी साहित्यक पढ़ाई आ थियेटर करैत-करैत कखन सीरियल करै लगलथि इ श्रृति कए पता नहि चलल। ‘धूम मचाओ धूम’, ‘जिया जले’, ‘ज्योति’ आओर ‘शौर्य आ सुहानी’ सन सीरियल मे काज करि छोट पर्दा क जरिए...घर-घर मे पहचानल चेहरा श्रृति झा इमैजिन टीवी पर आबि रहल सीरियल 'रक्त संबंध' मे लीड भूमिका मे छथि। एहि मे ओ आंखिक रोशनी गवां चुकल ‘संध्या’ क रोल निभा रहल छथि। श्रृति झा स विनीत उत्पल झा क गपशपक खास अंश-
-अंग्रेजी साहित्यक स्टूडेंट छी, एक्टिंग मे कोना आबि गेलहु?
स्कूल-कॉलेज मे थियेटर करैत रही। दिल्ली विश्वविघालयक श्री वेंकटेश्वर कॉलेज सं जखन ग्रेजुएशन करि रहल छलहुं तखने थियेटर ग्रुप ज्वाइन केने रही। कॉलेजक ड्रामा सोसाइटी मे शामिल भेल रही आ एक साल प्रेसिडेंट सेहो बनल रही। ओहि दौरान काफी थियेटर केने रही आ एहि सं संबंधित वर्कशॉप मे भाग सेहो लेने रही।
-अहांक पैतृक घर कतए भेल, परिवारक आओर कियो एहि फील्ड मे छथि?
हमर पैतृक घर बिहारक दरभंगा जिलाक डरहार नामक गाम भेल। पापा फर्स्ट फ्लाइट कोरियर मे एमडी (नेपाल) छथि। परिवारक कोनो सदस्य एक्टिंग या फिल्म प्रोडक्शन क फील्ड मे नहि छथि।
-एहि मुकाम तक पहुंचबा मे कोनो तरह संघर्ष ?
कॅरियर मे जतय तक पहुंचलहु अछि, माता-पिताक पर्याप्त सहयोग रहल। कहियो कोनो काज लेल ओ मना नहि केलथि। शुरूआत मे कनि दिक्कत भेल, मुदा आब जखन हमरा टीवी पर देखैत छथि, तं सबकए नीक लगैत छैन।
-कौन-कौन सीरियल मे काम केलहु अछि?
‘धूम मचाआघ् धूम’, ‘जिया जले’, ‘ज्योति’ आ ‘शौर्य आ सुहानी’ मे अभिनय करबाक अवसर भेटल अछि। सीरियल ‘जिया जले’ आ ‘शौर्य आ सुहानी’ मे लीड रोल छल।
-इमैजिन टीवी पर आबि रहल ‘रक्त संबंध’ मे कौन तरहक रोल अछि?
‘रक्त संबंध’ मे आन्हर लड़की ‘संध्या’ क रोल करि रहल छी। ओ पांच बहिन मे सबसं छोट अछि। ओकर विवाहक दिन ओकर पिता खुदकुशी करि लैत छथि आ फेर पांचों बहिन क परिवार सेहो अछि।
-एकटा आन्हर लड़की क रोल करब केतब मुश्किल छल?
इ रोल करब अपना मे चुनौती छल, मुदा हम एकरा स्वीकार केलहुं। एहि सं पहिने सेहो हम मेंटली अनसाउंड क किरदार निभा चुकल छी। ‘संध्या’ कए आंखि मे रोशनी नहि हेबाक कारण स ओकरा लेल हर चीज खूबसूरत छै। ओ अपन दायरा मे सुंदरता कए परिभाषित करैत अछि।
-एहि सीरियल मे आ के के अछि?
एहि मे हमर अलावा किटी कृष्णमूर्ति, सायंतनी घोष, गुनगुन, भार्गवी चिरमूले, सोनाली निकम, मोहन अगाशे, सचिन श्राफ, ध्रुव भंडारी आदि छथि।
-भविष्य मे कौन तरह क काज करब पसिन करब?
जतय काज भेटत, नीक काज भेटत, हम जरूर करब।
-की-की शौक अछि अहांक?
पढ़बाक शौक अछि, फिल्म सेहो खूब देखैत छी। क्लासिक आ ऑटोबायोग्राफी पढ़ब काफी पसिन अछि। अमिताभ घोष क किताब हमरा नीक लगैत अछि। एखन अबरार अल्वी क ‘टेन ईयर वीथ गुरूदत्त’ पढ़ि रहल छी।
-ककरो सं रिलेशन?
हमरा असगर रहब नीक लगैत अछि आ संघर्ष करब सेहो। फिलहाल हम ककरो संग कोनो ‘रिलेशन’ मे नहि छी।
Nik sakshatkar. vinit utpaljee maithilik dekhar o nukayal pratibhak sang apnek sakshatkar kyek tham padhal, neek kaj karait chhi apne. prastut sakshatkar me eho jantab bhetal je maithil bala Shruti Jha Ehi serial me chhathi. Ona Tv par aneko maithil mahila-purush kalakar sakriya chhathi. neek gapp.
ReplyDeletesakshatkar san shruti ker Maithili-mithilak prati ki drishti chhani takar pata nahi chalal. e kami bujhana gel.
Maithil san sakshatkar aa mithila-maithili san sambandhit kono parashna nahi ho ta kane akhrai chhaik.
Ati uttam lagal.
anyanya prastuti ker baat takait