कांग्रेस बिहार मे बीमार अछि. ई हम आ कांग्रेस के कोनो विरोधी पार्टी के नहि कहनाय अछि... खुद कांग्रेस ऐना मानैत अछि. कांग्रेस के सीनियर नेता छथिन्ह सलमान खुर्शीद जी... ओ केंद्र मे अल्पसंख्यक मामला के मंत्री सेहो छथिन्ह. हुनकर साफ कहनाय छनि जे कांग्रेस बिहार मे बीमार अछि... मुदा पार्टी के एकटा नीक डॉक्टर मिल गेल छनि राहुल गांधी जी. सलमान जीक कहनाय छनि जे राहुल जीक दवा सं हुकहुकाएत कांग्रेस के नवका प्राण मिलत...पार्टी मे नवका जान आएत.
पार्टी के माननाय अछि जे राहुल गांधी के कारण बिहार मे पार्टी एहि बेरक चुनाव मे नीक प्रदर्शन करत. पिछला किछ दिन सं राहुल गांधी जी मिशन बिहार मे जोर-शोर सं जुटल छथि. हुनकर टीम बिहार के नजर राज्य चुनाव पर लागल अछि. पार्टी कोनो तरहे एहि स्थिति मे आबय के कोशिश करि रहल अछि जेहि सं चुनाव बाद जोड़-तोड़...मोलभाव के स्थिति मे होए.
पार्टी काफी दिन सं बिहारक कुर्सी सं बाहर अछि. लालू-राबड़ीजीक बाद नीतीश जी कुर्सी पर जमल छथिन्ह... कांग्रेस के कोशिश अछि जे अगर एहि बेर नीक सं पूरा जोर लगा चुनाव लड़ल जाए तं पार्टी के नीक सीट मिल सकैत अछि अगर बेसि सीट नहिओ मिलय त वोट प्रतिशत बढ़त आओर पार्टी सं छिटकल कार्यकर्ता एकबेर फेर सं संगठित होएत जे आगां के लेल नीक रहत. एहि बेर नहि सही अगिला बेर के लेल ऐना करनाय एकदम जरूरी अछि.
अखन पार्टी के राज्य मे मात्र 10 एमएलए आओर दूटा एमपी अछि. मुदा पार्टी के तरफ सं बिहार पर कतेक ध्यान देल जा रहल अछि एकर बानगी अहां पिछला दू मास सं राज्य मे केंद्रीय नेता सभ के दौरा सं लगा सकैत छी. एक के बाद एक केंद्रीय मंत्री आओर पार्टी के वरिष्ठ नेता सभ बिहार आबि कार्यकर्ता मे जोश जगा रहल छथिन्ह. कार्यकर्ता सभ के नीतीश सरकार के खिलाफ चिट्ठा तैयार करय लेल सेहो कहल गेल अछि...जे चुनाव के समय काज आएत. एकरे संग ओहि पुरान कार्यकर्ता सभ के सेहो जोड़य के कोशिश कएल जा रहल अछि...जे चुनाव नहि लड़ला के कारण पार्टी सं छिटैक गेल छल.
हमर ईमेल:-hellomithilaa@gmail.com
nice
ReplyDelete